హైదరాబాద్‌ ప్రజలకు అలర్ట్‌.. మూడు రోజుల పాటు ఆ రైళ్లు రద్దు!

హైదరాబాద్‌ ప్రజల ప్రయాణ అవసరాలు తీరుస్తున్న వాటిలో బస్సులు, మెట్రో, ఎమ్‌ఎమ్‌టీఎస్‌ రైళ్లు ప్రధానమైనవి. నగరంలోని చాలా మంది వీటి మీద ఆధారపడే ప్రయాణాలు సాగిస్తుంటారు. వీటిలో వేటి సేవలకు అంతరాయం కలిగినా వేల మంది ఇబ్బందిపడాల్సిన పరిస్థితి వస్తుంది. అలాంటిది మూడు రోజుల పాటు సేవలు రద్దయితే పరిస్థితి ఊహించలేము. ఇక, ఎమ్ఎమ్‌టీఎస్‌ రైళ్ల సర్వీసులకు సంబంధించి కేంద్ర రైల్వే శాఖ ఓ కీలక ప్రకటన విడుదల చేసింది. మూడు రోజుల పాటు ఎమ్‌ఎమ్‌టీఎస్‌ రైళ్లను రద్దు చేస్తున్నట్లు ప్రకటించింది. ఈ మేరకు సౌత్‌ సెంట్రల్‌ రైల్వే తమ ట్విటర్‌ ఖాతాలో ఓ పోస్టు పెట్టింది. నిర్వహణ సమస్యల కారణంగా 13,14,15 తేదీల్లో రైళ్లను రద్దు చేస్తున్నట్లు వెల్లడించింది.

రద్దు చేస్తున్న ఎమ్‌ఎమ్‌టీఎస్‌ రైళ్ల వివరాలను విడుదల చేసింది. లింగంపల్లి-హైదరాబాద్.. ఫలక్‌నుమా-హైదరాబాద్.. ఫలక్‌నుమా-లింగంపల్లి.. రామచంద్రపురం-ఫలక్‌నుమా మధ్య నడుస్తున్న ఎమ్‌ఎమ్‌టీఎస్‌ సర్వీసులు రద్దు చేస్తున్నట్లు ప్రకటించింది. లింగంపల్లి-హైదరాబాద్ 47135, లింగంపల్లి-హైదరాబాద్ 47137, హైదరాబాద్-లింగంపల్లి 47110, హైదరాబాద్-లింగంపల్లి 47111, హైదరాబాద్-లింగంపల్లి 47119, ఫలక్‌నుమా-లింగంపల్లి 47160, ఫలక్‌నుమా-లింగంపల్లి 47156, ఫలక్‌నుమా-లింగంపల్లి 47158, ఫలక్‌నుమా-లింగంపల్లి 47214, ఫలక్‌నుమా-లింగంపల్లి 47216 రైళ్లతో కలిపి మొత్తం 19 రైళ్లు రద్దయ్యాయని వెల్లడించింది. మరి, మూడు రోజుల పాటు 19 ఎమ్‌ఎమ్‌టీఎస్‌ రైళ్లు రద్దు కావటంపై మీ అభిప్రాయాలను కామెంట్ల రూపంలో తెలియజేయండి.

Cancellation of #MMTS Trains on 13th, 14th & 15th February, 2023 pic.twitter.com/VwEqOrLZy3

— South Central Railway (@SCRailwayIndia) February 11, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.