follow us:
తెలంగాణ రాజకీయాల్లో సంగారెడ్డి కాంగ్రెస్ ఎమ్మెల్యే జగ్గారెడ్డికి ఒక ప్రత్యేక స్థానం ఉంది. ఎప్పుడూ ఏదో ఒక కాంట్రవర్సీలకు ఆయన తెరలేపుతూ సోషల్ మీడియాలో హల్ చల్ చేస్తుంటారు. రాజకీయాల్లో ఎలా ఉన్నా ఆయన జనాల్లోకి వస్తే ఒక సామాన్యుడిగా ప్రవర్తిస్తుంటారు. ప్రత్యర్థులపై తనదైన శైలి విమర్శలు గుప్పించే ఆయన.. ప్రజలకు మాత్రం దగ్గరగా ఉండే ప్రయత్నం చేస్తుంటారు. ఉత్సవాలు, కార్యక్రమాల్లోనూ పాల్గొంటూ సందడి చేస్తుంటారు. డీజే పాటలకు డ్యాన్సులు చేస్తూ ఉంటారు. ఎమ్మెల్యేనన్న సంగతి మర్చిపోయి ప్రజలతో సామాన్యుడిగా కలిసిపోతుంటారు.
సంగారెడ్డి లో ఆయన అభిమాని పెళ్లి చేసుకుంటే వెళ్లారు.. వధూవరులను ఆశీర్వదించారు. ఆ తర్వాత నూతన వధూవరులతో కలిసి స్టెప్పులు వేశారు. ఇటీవల విడుదలై తెలుగు రాష్ట్రాల్లో దుమ్మురేపిన డీజే టిల్లు టైటిల్ సాంగ్ కి అదిరిపోయే తీన్మార్ స్టెప్పులేశారు. జగ్గారెడ్డి డ్యాన్స్ వేస్తుంటే ఆయన అభిమానులు, పెళ్లికి వచ్చిన బంధువులు తెగ సందడి చేశారు. అదే సమయంలో పెళ్లికొడుకు, పెళ్లి కూతురు కూడా వీర లెవెల్లో డ్యాన్స్ చేశారు.
ఇక పెళ్లి వేడుకకు హాజరై ఎమ్మెల్యే జగ్గారెడ్డి డ్యాన్స్ చేస్తున్నంత సేపు అక్కడ ఉన్నవారు ఎంతో ఆసక్తిగా తిలకించారు. కొంతమంది ఆయనతో స్టెప్పులు కలిపారు. తాజాగా ఎమ్మెల్యే జగ్గారెడ్డి డ్యాన్స్ చేసిన విజువల్స్ సోషల్ మీడియాలో వైరల్ గా మారాయి. ఇటీవల హోలీ సంబరాల్లో రంగులు పూసుకొని కార్యకర్తలతో తెగ ఎంజాయ్ చేశారు.. స్టెప్పులు వేశారు. ఈ విషయం పై మీ అభిప్రాయాలు కామెంట్స్ రూపంలో తెలియజేయండి.
