Tata Nexon: మంటల్లో టాటా నెక్సన్ EV.. కంపెనీ ఇచ్చిన వివరణ ఏంటంటే?

సాధారణంగా ఇప్పుడు ఎలక్ట్రిక్ వాహనాల వాడకం బాగా పెరిగింది. అన్ని ప్రముఖ కంపెనీలు ఎలక్ట్రిక్ కార్లు, బైకులు తయారు చేస్తున్నాయి. వీటిపై కేంద్ర, రాష్ట్ర ప్రభుత్వాలు సబ్సిడీ కూడా ఇస్తున్నాయి. ఇప్పుడు ఈ వాహనాల వాడకం ఎంతో పెరిగిందో.. ప్రజల్లో భయం కూడా అంతే పెరిగింది. ఎందుకంటే మొన్నీ మధ్య వరుసగా ఎలక్ట్రిక్‌ బైకులు చాలా అగ్ని ప్రమాదాలకు గురవడం, ఛార్జింగ్ లో ఉంటే పేలిపోయి ప్రాణాలు పోవడం కూడా చూశాం. ఆ తర్వాత కంపెనీలు కాస్త వినియోగదారులకు భరోసా కల్పించాయి. ఇప్పుడు మళ్లీ వినియోగదారులు భయాందోళనకు గురయ్యే సంఘటన ఒకటి జరిగింది. ఈసారి ఎలక్ట్రిక్ మంటల్లో దగ్ధమైంది. అది కూడా ఎంతో సేఫ్టీగా ఉండే టాటా నెక్సన్ కారులో అగ్నిప్రమాదం జరగడం అందరినీ ఆందోళనకు గురిచేస్తోంది.

సాధారణంగానే ఎండాకాలంలో ఎలక్ట్రిక్ వాహనాలు వాడాలంటే కాస్త కంగారుగానే ఉంటుంది. ఎందుకంటే గతంలో జరిగిన ఎన్నో సంఘటనల వల్ల వినియోగదారుల్లో కొన్ని భయాలు ఏర్పడ్డాయి. తాజాగా ఒక టాటా నెక్సన్‌ కారు మంటల్లో చిక్కుకున్న వీడియో సోషల్ మీడియాలో వైరల్ అయ్యింది. పుణేలో ఈ ఘటన జరిగింది. ఒక్కసారిగా మంటలు చెలరేగడంతో టాటా నెక్సన్ ఎలక్ట్రిక్ కారు దగ్ధమైంది. తీవ్రంగా కృషి చేసి అధికారులు కారులో మంటలను ఆర్పారు. అప్పటికే కారు సగానికిపైగా కాలి పోయింది. కారలో ఉన్న వారంతా క్షేమంగా ఉన్నట్లు టాటా కంపెనీ వెల్లడించింది. ఈ విషయంపై అధికారిక ప్రకటను విడుదల చేసింది.

ఏప్రిల్‌ 16న పుణేలో జరిగిన ఈ అగ్నిప్రమాద ఘటనపై టాటా మోటార్స్ కంపెనీ ఒక ప్రెస్‌ స్టేట్మెంట్‌ ని విడుదల చేసింది. ఈ ప్రమాదానికి కారణం ఒక అనధికారిక సర్వీస్‌ సెంటర్లో కారుకి రిపేర్‌ చేయించడమే అని వెల్లడించారు. టాటా నెక్సాన్‌ ఈవీ లెఫ్ట్‌ హెడ్ ల్యాంప్‌ ని ఓ వర్క్ షాప్ లో మార్చినట్లు తెలిపారు. అయితే లెఫ్ట్ హెడ్‌ ల్యాంప్‌ మార్చిన తర్వాత అక్కడ షార్ట్ సర్క్యూట్‌ కావడం వల్లే మంటలు చెలరేగినట్లు వెల్లడించారు. ఈ విషయంలో సంబంధిత కస్టమర్ కు సాధ్యమైన సహాయం అందిస్తున్నామంటూ తెలిపారు. అంతేకాకుండా ఎలక్ట్రిక్‌ వాహనాలు వాడుతున్న కస్టమర్స్ కు ఒక సూచన కూడా చేశారు.

Almost a year after, Tata Motors witnessed another EV fire incident. Recently, a video of a Tata Nexon EV from Pune catching fire surfaced online.#TataMotors #tata #Nexon #ev #electriccar #electricvehicles #pune pic.twitter.com/4S1H5S6lEi

— Indian Startup News (@indstartupnews) April 19, 2023

ఆటోమొబైల్‌ రంగం వేగంగా అభివృద్ధి చెందుతోందని, ఈవీ వంటి వాహనాలకు సర్వీస్‌ చేయాలంటే.. శిక్షణ పొందిన నిపుణులు అవసరమని తెలిపింది. ఇలాంటి ఘటనలు జరగకుండా ఉండాలంటే టాటా సర్వీస్ సెంటర్లలోనే సర్వీస్‌ చేయుంచుకోవాలని కోరారు. అయితే టాటా నెక్సన్‌ మంటల్లో చిక్కుకోవడం ఇదే తొలిసారి కాదు. 2022 జూన్ లో కూడా ఒక రెస్టారెంట్ బయట పార్క్ చేసిన కారులో మంటలు చెలరేగాయి. ఆ వీడియో కూడా నెట్టింట బాగా వైరల్ అయ్యింది. ఎంతో భద్రతా ప్రమాణాలు పాటిస్తారని చెప్పుకునే టాటా నెక్సన్ కారులో మంటలు చెలరేగడంపై మీ అభిప్రాయాలను కామెంట్స్ రూపంలో తెలియజేయండి.

#Watch | A video has gone viral, which shows how a Tata Nexon EV caught fire at Vasai, Mumbai.

(Video: Sourced) pic.twitter.com/TpCDfARxWd

— Hindustan Times (@htTweets) June 23, 2022