దేశంలో చవకైన ఎలక్ట్రిక్‌ కారు ఇదే.. KMకు 75 పైసలు మాత్రమే ఖర్చు!

దేశంలో ఎలక్ట్రిక్ కార్లకు డిమాండ్ అంతకంతకు పెరుగుతోంది. ఇప్పటికే ఎలక్ట్రిక్ కార్లు, బైకులు రుయ్.. రుయ్ మంటూ రోడ్లపై పరుగులు పెడుతున్నాయి. ఈ క్రమంలో దేశంలోనే అత్యంత చవకైన కారు మార్కెట్ లోకి అందుబాటులోకి వచ్చింది. ముంబైకి చెందిన ఎలక్ట్రిక్‌ వాహనాల తయారీ సంస్థ పీఎంవీ ఈ కార్లను ఉత్పత్తి చేస్తోంది. ఈ కారు ధర రూ.4.79 లక్షల నుంచి ప్రారంభం కానుండగా, తొలి 10 వేల మంది వినియోగదారులకు మాత్రమే ఈ ధర వర్తించనుంది. ఈ కార్ల ప్రీ-బుకింగ్‌లు కూడా ఇప్పటికే ప్రారంభమయ్యాయి. కంపెనీ అధికారిక వెబ్‌సైట్ ద్వారా రూ. 2,000 చెల్లించి ఈ కారును బుక్ చేసుకోవచ్చు.

ఈ మైక్రో కారుకు ‘Eas-E’గా నామకరణం చేశారు. ఈ కారు మూడు వేరియంట్లలో లభించనుంది. ప్యాషనేట్ రెడ్, ఫంకీ ఎల్లో, స్పార్కిల్ సిల్వర్, బ్రిలియంట్ వైట్, డీప్ గ్రీన్, రూస్టిక్ చార్ కోల్, మెజెస్టిక్ బ్లూ, వింటేజ్ బ్రౌన్, పెప్పీ ఆరెంజ్, ప్యూర్ బ్లాక్.. ఇలా 11 రంగుల్లో అందుబాటులో ఉండనుంది. పీఎంవీ ఎలక్ట్రిక్ సంస్థ సమచారం ప్రకారం.. ఈ కారు గరిష్ట వేగం గంటకు 70 కిలోమీటర్లు. ఒక్కసారి ఛార్జ్ చేస్తే 120- 200 కి.మీ పయనిస్తుందట. నాలుగు గంటల్లోనే పూర్తిగా ఛార్జ్ అవుతందట. ఇందుకోసం 3కేడబ్ల్యూ ఏసీ ఛార్జర్ ను ఆఫర్ చేస్తున్నట్టు కంపెనీ తెలిపింది. ఇక ఈ కారును నడపడానికి కిలోమీటర్‌కు 75 పైసలు మాత్రమే ఖర్చవుతుందని కంపెనీ పేర్కొన్నది.

ఈ కారులో 10 కేడబ్ల్యూహెచ్‌ సామర్థ్యం గల లిథియం ఫాస్ఫేట్ బ్యాటరీ ఉంటుంది. ఇది దాదాపు 20 హార్స్‌పవర్‌ శక్తిని ఉత్పత్తి చేస్తుంది. ఇక ఫీచర్స్ విషయానికొస్తే.. రీజెనరేటివ్‌ బ్రేకింగ్‌, రిమోట్‌ పార్కింగ్‌ అసిస్ట్‌, ఓటీఏ అప్‌డేట్‌, స్మార్ట్‌ఫోన్‌ కనెక్టివిటీ, యూఎస్బీ ఛార్జింగ్ పోర్ట్ వంటి అనేక ఫీచర్లు ఇందులో ఉన్నాయి. స్మార్ట్‌ఫోన్‌ కనెక్టివిటీ ద్వారా కారులోని ఏసీ, హారన్‌, విండోస్‌, లైట్లను ఆపరేట్‌ చేయవచ్చు. ఈ కారు బరువు 550కేజీలు కాగా, పొడవు 2,915mm, విడ్త్ 1,157mm , హైట్ 1,600mm, వీల్ బేస్ 2,087 mm, గ్రౌండ్ క్లియరెన్స్ 170mmగా ఉంటుందట. అయితే, టాటా నానో కారును పోలి ఉన్న ఈ కారులో ఇద్దరు మాత్రమే ప్రయాణించేందుకే వీలుంటుంది.

Mumbai-based start-up PMV Electric launches 550kg EaS-E electric 2-seater at Rs 479,000, making it the most affordable electric car in India. Three range options: 120km, 160km & 200km; claimed top speed of 70kph & 0-40kph in under 5 seconds. Official pics https://t.co/N1TfO0qndG pic.twitter.com/4BfYSwA8W6

— Autocar Professional (@autocarpro) November 16, 2022