కొత్త లగ్జరీ కార్ కొన్న యువరాజ్ సింగ్.. కోట్లలో ధర.. ఫీచర్లు తెలిస్తే వావ్ అనాల్సిందే..!

ప్రపంచ క్రికెట్ లో ఓ వెలుగు వెలిగిన భారత మాజీ క్రికెటర్ యువరాజ్ సింగ్‌కు విలాసవంతమైన కార్లంటే చాలా ఇష్టం. అంతేకాదు.. డ్రైవింగ్ అంటే పిచ్చి. సమయం దొరికినప్పుడల్లా కుటుంబంతో కలిసి లాంగ్ డ్రైవ్స్ వెళ్లడమే. ఇప్పుడంటే.. క్రికెట్ లో సంపాదించిన డబ్బుతో ఏడాదికి ఒక కొత్త కార్ కొనగలుగుతున్నాడు కానీ, అసలు యువరాజ్ సింగ్ మొదటి కారు ఏంటో తెల్సా.. హోండా సిటీ(2001 మోడల్)! యువరాజ్ జాతీయ జట్టుకు సెలక్ట్ అయినందుకుగానూ అతని తండ్రి ఈ కారును ప్రెజెంట్ చేశారు. అది ఇప్పటికీ చెక్కు చెదరలేదనుకోండి. ఇంతలా కార్ల మక్కువున్న యువరాజ్.. మరో లగ్జరీ కారును సొంతం చేసుకున్నాడు.

యువరాజ్ సింగ్ కొత్తగా ‘బిఎమ్‌డబ్ల్యూ ఎక్స్7’ xDrive40i M స్పోర్ట్ మోడల్ వేరియంట్ ను కొనుగోలు చేశాడు. ఇది X7 టాప్-ఎండ్ వేరియంట్. దీని ఎక్స్-షోరూమ్ ధర రూ.1.19 కోట్లు. కలర్ ఫైటోనిక్ బ్లూ. ఈ ఎస్‌యూ‌వి చాలా స్పోర్టీగా, ట్రిమ్ గా కూడా కనిపిస్తుంది. ఇది స్పోర్ట్ వేరియంట్, ఈ కారణంగానే యువరాజ్ దీన్ని సెలెక్ట్ చేసుకొని ఉండొచ్చు.

ఇంజిన్ అండ్ పవర్

బిఎమ్‌డబ్ల్యూ ఎక్స్7 ఎక్స్ డ్రైవ్40ఐ’ వేరియంట్ 3.0-లీటర్ టర్బోఛార్జ్డ్ పెట్రోల్ ఇంజన్‌ తో వచ్చింది. ఈ ఇంజన్ గరిష్టంగా 340hp శక్తిని, 450Nm గరిష్ట టార్క్‌ను ఉత్పత్తి చేస్తుంది. టాప్ స్పీడ్ 245kmph. 0 నుండి 100 kmph స్పీడ్ ను కేవలం 6.1 సెకన్లలో అందుకోగలదు.

ఇక, ఫీచర్ల విషయానికొస్తే.. ఎల్ఈడీ టెయిల్ ల్యాంప్, ఎలక్ట్రిక్ టెయిల్‌గేట్, లేజర్ లైట్‌తో కూడిన హెడ్‌ల్యాంప్.. ఇలా సరికొత్త లుక్ తో మైమరిపిస్తోంది. పనోరమిక్ సన్‌రూఫ్, యాంబియంట్ లైటింగ్, క్లైమేట్ కంట్రోల్, 360-డిగ్రీ కెమెరా, డిజిటల్ ఇన్‌స్ట్రుమెంట్ క్లస్టర్, టచ్‌స్క్రీన్ ఇన్ఫోటైన్‌మెంట్ సిస్టం.. అబ్బో ఇలా ఫీచర్స్ ఉన్నాయి.

 

View this post on Instagram

 

A post shared by BMW Krishna Automobiles (@bmwkrishnaautomobiles)

2007, ఐసీసీ టీ20 వరల్డ్ కప్ టోర్నీ సమయంలో యువరాజ ఇంగ్లాండ్‌పై ఆరు బంతుల్లో ఆరు సిక్సలు కొట్టినందుకుగాను అప్పట్లో బిసిసిఐ పార్షే 911 కారుతో సత్కరించిన విషయం తెలిసిందే. అంతేకాదు.. 2011, వరల్డ్ కప్ సమయంలో యువీ ఆల్-రౌండ్ ఫెర్మామెన్స్‌కు మెచ్చి జెర్మన్ లగ్జరీ కార్ల తయారీ సంస్థ ఆడి ఓ లగ్జరీ కారును ప్రెసెంట్ చేసింది. ఇవి రెండు పక్కన పెడితే.. యువరాజ్ దగ్గర మెర్సిడెస్ బెంజ్, ఎఫ్10 ఎం5, ఈ60 ఎం5, ఎఫ్86 ఎక్స్6ఎం, ఈ46 ఎం3 మోడల్‌లు కూడా ఉన్నాయి. యువరాజ్ సింగ్ కొత్త కారుపై.. మీ అభిపార్యాలను కామెంట్ల రూపంలో తెలియజేయండి.

ఇదీ చదవండి: Shoaib Akhtar: బాధగా ఉంది.. మీ దీవెనలు కావాలి: షోయబ్‌ అక్తర్‌

ఇదీ చదవండి: తెలుగు పాటకు.. ఇండియన్ క్రికెటర్ భార్య మాస్ డ్యాన్స్! వీడియో వైరల్