బ్యాట్​పై ధోని పేరుతో గ్రౌండ్​లోకి.. హాఫ్ సెంచరీ బాదిన బ్యాటర్!

క్రికెట్ ఫ్యాన్స్ అంతా ఎంతో ఆసక్తిగా ఎదురుచూసిన మహిళల ఐపీఎల్​ మొదలైపోయింది. తొలి సీజన్ మొదటి రెండు మ్యాచులు ఏకపక్షంగా సాగడంతో అభిమానులు కాస్త బోర్​గా ఫీలయ్యారు. అయితే ఆదివారం రాత్రి గుజరాత్ జెయంట్స్ – యూపీ వారియర్జ్ మధ్య జరిగిన మ్యాచ్ మాత్రం మస్తు వినోదాన్ని పంచింది. అసలైన టీ20 మజా ఎలా ఉంటుందో చూపించింది. ఆఖరి వరకు ఉత్కంఠగా సాగిన ఈ మ్యాచ్​లో యూపీ 3 వికెట్ల తేడాతో నెగ్గింది. తొలుత బ్యాటింగ్​కు దిగిన గుజరాత్ జట్టులో హర్లీన్ డియోల్ (32 బాల్స్​లో 46) ఇన్నింగ్స్ అందర్నీ ఆకట్టుకుంది. ఆష్లే గార్డెనర్ (25), సబ్బినేని (మేఘన 24) డియోల్​కు మంచి సహకారాన్ని అందించారు. దీంతో ఆ జట్టు 169 రన్స్ చేసింది.

భారీ టార్గెట్​తో బరిలోకి దిగిన యూపీ వారియర్జ్ జట్టులో గ్రేస్ హ్యారిస్ (26 బాల్స్​లో 59 నాటౌట్), సోఫీ ఎక్లెస్టోన్ (12 బాల్స్​లో 22) విధ్వంసకర ఇన్నింగ్స్​లు ఆడారు. మరో బాల్ మిగిలుండగానే యూపీ లక్ష్యాన్ని ఛేదించింది. ఆ జట్టు బ్యాటింగ్​లో వికెట్లు పడుతున్నా ఓపిగ్గా ఆడిన కిరణ్ నవ్​గిరే (43 బాల్స్​లో 53) ఇన్నింగ్స్ అందర్నీ ఆకట్టుకుంది. ఇక, ఈ మ్యాచ్​లో ఓ ఇంట్రెస్టింగ్ సీన్ క్రికెట్ వరల్డ్​ను ఆకర్షించింది. టీమిండియా మాజీ సారథి ఎంఎస్ ధోని పేరును బ్యాట్​పై రాసుకుని బరిలోకి దిగింది కిరణ్​ నవ్​గిరే. మహీ వీరాభిమాని అయిన ఆమె.. స్పాన్సర్ ఎవరూ లేకపోవడంతో ఇలా చేసింది. ఎంఎస్​డీ 07 అని రాసి ఉన్న బ్యాట్​తో బరిలోకి దిగి హాఫ్ సెంచరీతో జట్టును గెలిపించింది కిరణ్​. ధోని ఫ్యాన్స్​ ఆమెను ప్రత్యేకంగా ప్రమోట్ చేస్తున్నారు. ధోని పుణ్యమా అని క్రికెట్ ఫ్యాన్స్​ నోళ్లలో ఆమె పేరు నానుతోంది.

Kiran Navgire wrote MS Dhoni’s name on the bat before smashing a fifty for @UPWarriorz in #WPL

Following MSD’s footsteps 🌟

📸: Jio Cinema pic.twitter.com/GAAhIBX44y

— CricTracker (@Cricketracker) March 5, 2023