follow us:
అంతర్జాతీయ క్రికెట్ కు వీడ్కోలు పలికిన ఇద్దరు దిగ్గజ క్రికెటర్లు వారి వారుసులకు ఆ బాధ్యతలు అప్పగించారు. దీంతో వారిద్దరూ తనయులు ఇప్పుడు ఎదురెదురు పడ్డారు. అంతేకాదు.. తండ్రుల తరహాలోనే ఒకరిపై ఒకరు పైచేయి సాధించే ప్రయత్నం కూడా చేశారు. అంతిమంగా దిగ్గజ బౌలర్ తనయుడు.. దిగ్గజ బ్యాటర్ తనయుడికి విసుగు తెప్పించి వికెట్‌ దొరకబుచ్చుకున్నాడు.
‘శివ్‌నరైన్‌ చంద్రపాల్‌‘, ‘మఖాయ ఎన్తిని‘.. ఈ తరం క్రికెట్ అభిమానులకు ఈ దిగ్గజ క్రికెటర్ల గురుంచి తెలియకపోవచ్చు కానీ, 90స్, 20స్ దశకాల్లో వీరు అగ్రశ్రేణి ఆటగాళ్లు. ఒకరు గంటల తరబడి బ్యాటింగ్ చేస్తూ బౌలర్లకు విసుగుతెప్పిస్తే, మరొకరు రాకాసి బౌన్సర్లతో బ్యాటర్లను హడలెత్తించేవారు. ప్రస్తుతానికి ఈ ఇద్దరు క్రికెటర్లు ఆటకు విరామం ప్రకటించి తమ వారసులకు ఆ బాధ్యతలు అప్పగించారు. శివ్‌నరైన్‌ చంద్రపాల్‌ తనయుడు తేజ్‌నరైన్‌ చంద్రపాల్‌ బ్యాటర్ గా రాణిస్తుంటే, మఖాయ ఎన్తిని కుమారుడు థాండో ఎన్తిని బౌలర్ గా రాణిస్తున్నాడు. వీరిలో తేజ్‌నరైన్‌ ఇదివరకే అంతర్జాతీయ క్రికెట్‌లో తండ్రి వారసత్వాన్ని కొనసాగిస్తుండగా.. 22 ఏళ్ల థాండో తండ్రి అడుగుజాడల్లో నడుస్తూ ఇప్పుడిప్పుడే ఎదుగుతున్నాడు. తాజాగా జరిగిన ఓ మ్యాచులో ఈ ఇద్దరు తనయులు ఎదురెదురు పడ్డారు.
ప్రొటీస్ గడ్డపై వెస్టిండీస్‌- సౌతాఫ్రికా ఇన్విటేషన్‌ XI జట్ల మధ్య మూడు రోజుల ప్రాక్టీస్‌ మ్యాచ్‌ జరుగుతోంది. ఈ మ్యాచులో దిగ్గజ క్రికెటర్ల ఇద్దరు తనయులు ప్రత్యర్ధులుగా ఎదురెదురుపడ్డారు. అంతేకాదు.. తండ్రుల తరహాలోనే ఒకరిపై ఒకరు పైచేయి సాధించే ప్రయత్నం కూడా చేశారు. అంతిమంగా దిగ్గజ బౌలర్ తనయుడు.. దిగ్గజ బ్యాటర్ తనయుడికి విసుగు తెప్పించి వికెట్‌ దొరకబుచ్చుకున్నాడు. వరుస డాట్‌ బాల్స్‌తో తేజ్‌నరైన్‌ (1) సహనాన్ని పరీక్షించిన థాండో.. ఫైనల్‌గా అతని వికెట్‌ తీసుకున్నాడు. అందుకు సంబంధించిన వీడియో ప్రస్తుతం సోషల్‌మీడియాలో వైరలవుతుంది.
Tagenarine Chanderpaul, son of Shivnarine Chanderpaul, West Indian batting legend, who is recently establishing himself as a mainstay of the Carribean batting, got dismissed by Thando Ntini, son of Makhaya Ntini. #Cricket #SAvWI #CricketTwitter pic.twitter.com/jHrA5gLXpy
— Vtrakit Cricket (@Vtrakit) February 22, 2023
ఇక ఈ మ్యాచ్‌ విషయానికొస్తే.. తొలుత బ్యాటింగ్ చేసిన విండీస్‌ తొలి ఇన్నింగ్స్‌లో 9 వికెట్ల నష్టానికి 283 పరుగులు చేయగా.. సౌతాఫ్రికా ఇన్విటేషన్‌ XI ప్రస్తుతానికి 4 వికెట్లు కోల్పోయి 189 పరుగులు చేసింది. విండీస్‌ ఇన్నింగ్స్‌లో జాషువ డిసిల్వ (55), జేసన్‌ హోల్డర్‌ (57) హాఫ్‌సెంచరీలతో రాణించగా.. సౌతాఫ్రికా ఆటగాళ్లు విహన్‌ లుబ్బే (67 నాటౌట్‌), డెవాల్డ్‌ బ్రెవిస్‌ (13 నాటౌట్‌) క్రీజ్‌లో ఉన్నారు. ఈ మ్యాచులో మరో ఆసక్తికర విషయం ఏమిటంటే.. తొలి ఇన్నింగ్స్‌లో తేజ్‌నరైన్‌ కేవలం ఒక్క పరుగు మాత్రమే సాధించగా.. థాండో ఒక్క వికెట్‌ మాత్రమే పడగొట్టాడు. ఈ ఇద్దరు తనయులు, వారి తండ్రులపై.. మీ అభిప్రాయాలను కామెంట్ల రూపంలో తెలియజేయండి.
Wonderful pressure applied by Thando Ntini who picks up Tagenarine Chanderpaul after racking up some dot balls
He has been getting some nice shape away from the lefties and inswing to Braithwaite this morning#SAXIvWI pic.twitter.com/OYksHFjRk8
— Werner (@Werries_) February 21, 2023
