follow us:
రన్‌మెషీన్‌ విరాట్‌ కోహ్లీ షార్ట్‌ గ్యాప్‌లో మరో సెంచరీ బాదేశాడు. ఈ సెంచరీతో కోహ్లీ ఆడిన నాలుగు వన్డేల్లో ఇది మూడో సెంచరీ. బంగ్లాదేశ్‌తో జరిగిన చివరి వన్డేలో సెంచరీ బాదిన కోహ్లీ.. శ్రీలంకతో జరిగిన తొలి వన్డేలో సెంచరీ బాదిన కోహ్లీ.. ఇప్పుడు చివరిదైన మూడో వన్డేలోనూ శతకం బాదేశాడు. ఈ సెంచరీతో కోహ్లీ తన కెరీర్‌లో 74వ సెంచరీని బాదేశాడు. తిరువనంతపురం వేదికగా జరుగుతున్న చివరి వన్డేలో.. లంక బౌలర్లును చాలా సులువుగా ఎదుర్కొన్న కోహ్లీ.. ఎక్కడా వారికి అవకాశం ఇవ్వకుండా.. దుమ్ములేపాడు. ఈ మ్యాచ్‌లో సెంచరీ చేసిన గిల్‌ అవుటైన తర్వాత మరింత స్పీడ్‌ పెంచిన కోహ్లీ.. సెంచరీ వైపు బుల్లెట్‌ వేగంతో దూసుకెళ్లాడు. 85 బంతుల్లో 10 ఫోర్లు, ఒక సిక్స్‌తో సెంచరీ బార్క్‌ అందుకున్నాడు.
ఈ సెంచరీతో రెండు భారీ రికార్డులను సైతం కోహ్లీ బద్దలు కొట్టాడు. హాఫ్‌ సెంచరీ పూర్తి చేసుకున్న కోహ్లీ.. శ్రీలంకపై అత్యధిక సెంచరీలు చేసిన రెండో ఆటగాడిగా రికార్డు నెలకొల్పాడు. లంకపై కోహ్లీ 32వ హాఫ్‌ సెంచరీ పూర్తి చేసుకున్నాడు. కానీ.. ఆ హాఫ్‌ సెంచరీని.. సెంచరీగా కన్వర్ట్‌ చేసిన కోహ్లీ.. లంకపై తన హాఫ్‌ సెంచరీల సంఖ్యను 31కే ఉంచేశాడు. లంకపై అత్యధిక హాఫ్‌ సెంచరీలు బాదిన రికార్డు క్రికెట్‌ గాడ్‌ సచిన్‌ టెండూల్కర్‌ పేరిట ఉంది. అలాగే.. రెండో స్థానంలో పాకిస్థాన్‌ మాజీ కెప్టెన్‌ ఇంజుమామ్‌ ఉల్‌ హక్‌ 31, కోహ్లీ 31 హాఫ్‌ సెంచరీలతో ఉన్నాడు. అలాగే వన్డేల్లో అత్యధిక పరుగులు చేసిన ఐదో బ్యాటర్‌గా కోహ్లీ చరిత్ర సృష్టించాడు.
12650 పరుగులతో ఐదో స్థానంలో ఉన్న శ్రీలంక దిగ్గజ క్రికెటర్‌ మహేలా జయవర్దనేను దాటేసిన కోహ్లీ.. 259 మ్యాచ్‌ల్లో 57.78 సగటుతో 12652 పరుగులు చేసి.. వన్డేల్లో అత్యధిక పరుగులు చేసిన బ్యాటర్ల జాబితాలో ఐదో స్థానంలో నిలిచాడు. ఈ జాబితో సచిన్‌ 18426 రన్స్‌తో మొదటి స్థానంలో ఉండగా.. కుమార సంగార్కరా 14234, రికీ పాంటింగ్‌ 13704, సనత్‌ జయసూర్య 13430 పరుగులతో వరుసగా ఉన్నారు. అయితే.. కోహ్లీ కంటే టాప్‌లో ఉన్న బ్యాటర్లందరికంటే చాలా తక్కువ మ్యాచ్‌లు ఆడిన కోహ్లీ.. వారందరి కంటే అత్యధిక యావరేజ్‌ను కలిగి ఉన్నాడు. టాప్ 10లో 57.78 బ్యాటింగ్‌ యావరేజ్‌తో కోహ్లీ వన్డేల్లో టాప్‌లో ఉన్నాడు. మరి ఈ మ్యాచ్‌లో కోహ్లీ సెంచరీ సాధించడంపై మీ అభిప్రాయాలను కామెంట్ల రూపంలో తెలియజేయండి.
𝐂𝐄𝐍𝐓𝐔𝐑𝐘 𝐟𝐨𝐫 𝐕𝐢𝐫𝐚𝐭 𝐊𝐨𝐡𝐥𝐢 🔥🔥
His 46th in ODIs and 74th overall 🫡🫡#INDvSL #TeamIndia pic.twitter.com/ypFI9fdJ2I
— BCCI (@BCCI) January 15, 2023
