టిమ్ సౌథీ అరుదైన ఘనత.. ధోని రికార్డు బద్దలు!

క్రికెట్ లో రోజుకో రికార్డు పుట్టుకు రావడం.. పూటకో రికార్డు బద్దలవ్వడం సహజమే. అందుకే అంటారు క్రికెట్ లో రికార్డులకు ఆయుష్షు తక్కువ అని. ఇక ప్రస్తుతం న్యూజిలాండ్-ఇంగ్లాండ్ ల మధ్య టెస్ట్ సిరీస్ జరుగుతున్న విషయం మనకు తెలిసిందే. ఈ సిరీస్ లో ఇంగ్లాండ్ బజ్ బాల్ క్రికెట్ తో న్యూజిలాండ్ ను బెంబేలెత్తిస్తోంది. బజ్ బాల్ స్ట్రాటజీతో తొలి టెస్ట్ ను గెలుచుకున్న ఇంగ్లాండ్.. అదే ఊపుతో రెండో టెస్ట్ ను గెలుచుకుని సిరీస్ ను కైవసం చేసుకోవాలని చూస్తోంది. ఇక తాజాగా జరుగుతున్న రెండో టెస్ట్ లో కివీస్ కెప్టెన్ టిమ్ సౌథీ ఓ అరుదైన ఘనత సాధించాడు. ఈ క్రమంలోనే టీమిండియా మిస్టర్ కూల్ మహేంద్ర సింగ్ ధోని రికార్డును బ్రేక్ చేశాడు.

న్యూజిలాండ్-ఇంగ్లాండ్ మధ్య జరుగుతున్న రెండో టెస్ట్ లో ఇంగ్లాండ్ తన తొలి ఇన్నింగ్స్ ను 435 పరుగుల వద్ద డిక్లేర్ చేసింది. అనంతరం బ్రిటీష్ బౌలర్లు చెలరేగడంతో తొలి ఇన్నింగ్స్ లో న్యూజిలాండ్ 209 పరుగులకే కుప్పకూలింది. కివీస్ బ్యాటర్లలో కెప్టెన్ టిమ్ సౌథీ ఒక్కడే 73 పరుగులతో రాణించాడు. ఓ వైపు వికెట్లు పడుతున్నప్పటికీ సౌథీ ఒంటరి పోరాటం చేశాడు. టీ20 స్టైల్లో బ్యాటింగ్ చేసి ఇంగ్లాండ్ బౌలర్లకు చుక్కలు చూపించాడు. కేవలం 49 బంతుల్లోనే 5 ఫోర్లు, 6 సిక్సర్లతో 73 పరుగులు చేశాడు. అతడికి అండగా ఏ బ్యాటర్ కూడా నిలవకపోవడంతో కివీస్ తక్కువ పరుగులకే కుప్పకూలింది.

ఈ క్రమంలోనే కివీస్ సారథి ఓ అరుదైన ఘనత సొంతం చేసుకున్నాడు. ఈ టెస్ట్ లో 5 సిక్సర్లు బాదడం ద్వారా సౌథీ, ధోని రికార్డును బ్రేక్ చేశాడు. టెస్ట్ క్రికెట్ లో అత్యధిక సిక్సర్లు బాదిన జాబితాలో 15వ స్థానంలో ఉన్నాడు ధోని. 144 ఇన్నింగ్స్ ల్లో ధోని 78 సిక్సర్లు బాదితే.. సౌథీ 131 ఇన్నింగ్స్ ల్లో82 సిక్సర్లు బాదాడు. దాంతో టెస్ట్ క్రికెట్ లో అత్యధిక సిక్సర్లు బాదిన బ్యాటర్ల జాబితాలో 11వ స్థానంలోకి దూసుకెళ్లాడు సౌథీ. ఈ క్రమంలోనే మథ్యూ హెడెన్, మిస్బాహుల్ హక్, కెవిన్ పీటర్సన్ ల రికార్డులను కూడా బ్రేక్ చేశాడు. ఇక టెస్ట్ క్రికెట్ లో అత్యధిక సిక్సర్లు బాదిన బ్యాటర్ల జాబితాలో 109 సిక్స్ లతో అగ్రస్థానంలో కొనసాగుతున్నాడు బెన్ స్టోక్స్.

ఇక మ్యాచ్ విషయానికి వస్తే.. ఇంగ్లాండ్ తన తొలి ఇన్నింగ్స్ ను 8 వికెట్లు కోల్పోయి 435 పరుగుల వద్ద డిక్లేర్ చేసింది. అనంతరం బ్యాటింగ్ చేపట్టిన కివీస్ తన తొలి ఇన్నింగ్స్ లో 209 పరుగులకే కుప్పకూలి ఫాలో ఆన్ ఆడుతోంది. ఇక రెండో ఇన్నింగ్స్ మూడు రోజుల ఆటముగిసే సరికి 3 వికెట్ల నష్టానికి 202 పరుగులు చేసింది. ఇంకా 24 పరుగులు వెనకపడి ఉంది. క్రీజ్ లో విలియమ్సన్ (25), హెన్రి నికోల్స్ (18) పరుగులతో బ్యాటింగ్ చేస్తున్నారు. మరి సిక్సర్లతో ధోని రికార్డు బ్రేక్ చేసిన కివీస్ కెప్టెన్ పై మీ అభిప్రాయాలను కామెంట్స్ రూపంలో తెలియజేయండి.

Tim Southee set a new batting record!!!#NZvENG #MSDhonihttps://t.co/JQ1hfNzxvG

— News18 CricketNext (@cricketnext) February 26, 2023