The Ashes 2023: ఇంగ్లండ్​పై ఆసీస్​ థ్రిల్లింగ్ విక్టరీ.. బజ్​బాల్​కు కమ్​బాల్​తో చెక్ పెట్టిన కంగారూలు!

టెస్ట్ క్రికెట్​లో ఉండే అసలైన మజా ఏంటో తెలియాలంటే యాషెస్ సిరీస్ చూడాల్సిందేనని క్రికెట్ ప్రేమికులు అంటుంటారు. దీంట్లో ఏమాత్రం సందేహం లేదు. ఆస్ట్రేలియా, ఇంగ్లండ్ టీమ్స్ మధ్య జరిగే ఈ సిరీస్​ దాదాపుగా ఒక యుద్ధాన్నే తలపిస్తుంది. ఈ రెండు జట్లు యాషెస్ ఆడుతున్నాయంటే స్టేడియంలో, టీవీల ముందు ఆ మ్యాచ్​లకు అతుక్కుపోవాల్సిందే. ఐదు రోజుల టెస్టు మ్యాచ్ ఏమాత్రం బోర్ కొట్టకుండా, ప్రతి సెషన్ ఉత్కంఠగా సాగుతూ మ్యాచ్​ ఆఖరి రోజు ఫినిష్ అవడం యాషెస్​లో ఎక్కువగా చూస్తుంటాం. చివరి రోజు చివరి సెషన్​లో కొద్ది తేడాతో ఏదో ఒక టీమ్​ను విజయం వరించడం ఈ సిరీస్​లో ఈమధ్య పరిపాటిగా మారింది. ఈ ఏడాది యాషెస్ ఫస్ట్ టెస్టులోనూ ఇదే జరిగింది. తొలి టెస్టులో అందరూ ఊహించిన దాని కంటే అనూహ్యమైన ఫలితం వచ్చింది. ఓటమి ఖాయం అనుకున్న మ్యాచ్​లో ఆస్ట్రేలియా టీమ్ గొప్పగా పోరాడి మ్యాచ్​ను సొంతం చేసుకుంది.

హైటెన్షన్​ ఫైట్​లో కంగారూ జట్టు 2 వికెట్ల తేడాతో ఇంగ్లీష్ టీమ్​ను ఓడించింది. 281 రన్స్ ఛేజింగ్​లో ఆసీస్ 8 వికెట్లు కోల్పోయి ఛేదించింది. ఫస్ట్ ఇన్నింగ్స్​లో అద్భుతమైన సెంచరీ కొట్టిన ఓపెనర్ ఖవాజా (197 బాల్స్​లో 65).. మరోమారు కీలక ఇన్నింగ్స్ ఆడాడు. మ్యాచ్​ చేజారుతున్న టైమ్​లో కెప్టెన్ ప్యాట్ కమిన్స్ (44 నాటౌట్).. స్పిన్నర్ నాథన్ లయన్​తో కలసి గొప్పగా పోరాడి టీమ్​ను విజయతీరాలకు చేర్చాడు. ఈ మ్యాచ్​లో గెలుపుతో ఆసీస్ కెప్టెన్ కమిన్స్​పై ప్రశంసల జల్లులు కురుస్తున్నాయి. బజ్​బాల్​ స్ట్రాటజీతో వణుకు పుట్టిస్తున్న ఇంగ్లండ్​ను.. కమిన్స్ తన కమ్​బాల్​తో చెక్ పెట్టాడని మెచ్చుకుంటున్నారు. సంప్రదాయ టెస్టు క్రికెట్ అంటే ఎలా ఉంటుందో కంగారూ టీమ్ చూపించిందని.. ఈ ఫార్మాట్​ను ఎలా ఆడాలో కమిన్స్ ప్రూవ్ చేశాడని ఫ్యాన్స్ చెబుతున్నారు. ఓపిక, తెగువ చూపించడమే లాంగ్ ఫార్మాట్​లో కీలకమని కమిన్స్ నిరూపించాడని.. దీనికే కమ్​బాల్​ అంటూ నెటిజన్స్ నామకరణం చేశారు. కమ్​బాల్​ ముందు బజ్​బాల్​ ప్లాన్ తేలిపోయిందని నెటిజన్స్ కామెంట్లు చేస్తున్నారు.

The winning moment for Australia.

Captain Pat Cummins the hero! pic.twitter.com/912q2z3kP7

— Mufaddal Vohra (@mufaddal_vohra) June 20, 2023

Cumball. Bazball pic.twitter.com/Qp932kZJBv

— Diptrick Cummins (@awkdipti) June 20, 2023

Bazball just lost a test match, test cricket is healing.pic.twitter.com/YgeXwBlLTM

— zuhaa (@baskrdaybehan) June 20, 2023