follow us:
టీ20 వరల్డ్ కప్ 2022.. సంచలనాలకు కేరాఫ్ అడ్రస్ గా నిలుస్తోంది. పసికూనల చేతిలో బలమైన జట్లు మట్టికరుస్తుండటమే ఇందుకు ప్రధాన కారణం. తాజాగా ఐర్లాండ్ తో శుక్రవారం జరిగిన మ్యాచ్ లో రెండుసార్లు పొట్టి ప్రపంచ కప్ విజేత అయిన విండీస్ 9వికెట్ల తేడాతో ఘోరంగా ఓడిపోయింది. దాంతో ఏకంగా ప్రపంచ కప్ నుంచే నిష్ర్కమించింది. ఈ ఓటమితో విండీస్ జట్టుపై ఇంటా బయట సర్వత్రా విమర్శలు వెళ్లువెత్తుతున్నాయి. విండీస్ ఓటమికి ప్రధాన కారణం ఆ జట్టు స్వయం కృపరాధమే అని క్రీడా దిగ్గజాలు, నెటిజన్లు కామెంట్స్ చేస్తున్నారు. దానికి కారణం లేకపోలేదు.. విమానం మిస్ కావడంతో ప్రపంచ కప్ కు దూరం అయ్యాడు స్టార్ బ్యాట్స్ మెన్ షిమ్రోన్ హెట్ మేయిర్. ఇదే విండీస్ కు పెద్ద దెబ్బ అని అందరి అభిప్రాయం. మరిన్ని వివరాల్లోకి వెళితే..
షిమ్రోన్ హెట్ మేయిర్.. వెస్టిండీస్ స్టార్ క్రికెటర్. అదీ కాక ప్రపంచ సమకాలీన డాషింగ్ బ్యాటర్లలో ఒకడు. అతడు జట్టులో ఉన్నాడు అంటే విండీస్ టీమ్ కు కొండంత అండ. దాంతో టీ20 ప్రపంచ కప్ బరిలో కరేబియన్ జట్టు గట్టిపోటీనే ఇస్తుంది అనుకున్నారు అందరు. కానీ అనుకోని పరిస్థితుల్లో హెట్ మేయర్ వరల్డ్ కప్ బయలుదేరాల్సిన ప్లైట్ మిస్ అయ్యాడు. దాంతో విండీస్ బోర్డ్ ఆగ్రహానికి గురైయ్యాడు. విమానం ఎక్కక పోవడంతో హెట్ మేయిర్ ను వరల్డ్ కప్ నుంచి తొలగిస్తున్నట్లు కరేబియన్ బోర్డు నిర్ణయం తీసుకుంది. ఇప్పుడు ఈ నిర్ణయమే కరేబియన్ టీమ్ ప్రపంచ కప్ నుంచి నిష్క్రమించడానికి కారణం అయ్యింది అన్నది మాత్రం కాదనలేని వాస్తవం.
Shimron Hetmyer has been dropped from West Indies’ squad for the #T20WorldCup after missing his flight to Australia.
Shamarh Brooks has been selected as his replacement pic.twitter.com/ZLBWuYUc4J
— ESPNcricinfo (@ESPNcricinfo) October 3, 2022
జట్టులో కీలక ఆటగాడు, వెళ్లేది మినీ సంగ్రామానికి.. ఆ మాత్రం తెలీదా? విండీస్ బోర్డుకు. ప్లైట్ మిస్ అయ్యినంత మాత్రనా ఓ స్టార్ ప్లేయర్ పై ఇంత నిర్దాక్ష్యణంగా వ్యవహరించడం అవసరమా? అంటూ బోర్డుపై విమర్శలు గుప్పిస్తున్నారు క్రీడానిపుణులు. అతడి అవసరాన్ని గుర్తించి తర్వాతనైనా మరో ఫ్లైట్ ద్వారా హెట్ మేయిర్ ను ఆస్ట్రేలియా గడ్డపైకి తీసుకురావాల్సిందని క్రీడాభిమానులు తమ అభిప్రాయాలను వ్యక్తం చేస్తున్నారు. ప్రపంచ అత్యుత్తమ ఓపెనర్లలో హెట్ మేయిర్ ఒకడు అనడంలో ఎలాంటి సందేహం లేదు. గడిచిన ఐపీఎల్ ల్లో ఢిల్లీ డేర్ డెవిల్స్ తరపున బరిలోకి దిగి.. ఎన్నో మెరుపు ఇన్నింగ్స్ లు ఆడాడు. మరి అలాంటి ఆటగాడి వ్యవహారంలో విండీస్ బోర్డ్ ఎందుకు ఇంత నిర్దాక్షిణ్యంగా వ్యవహరించిందో ఎవ్వరికి అర్ధం కావటంలేదు. ఇక హెట్ మేయిర్ లేని లోటు విండీస్ టీమ్ లో స్పష్టంగా కనిపించింది. వెస్టిండీస్ ఓవర్ యాక్షన్ కారణంగానే ప్రపంచ కప్ నుంచి జట్టు నిష్క్రమించిందని విండీస్ అభిమానులు తమ అభిప్రాయాన్ని వ్యక్తం చేస్తున్నారు.
ఈ క్రమంలోనే భారీ స్కోర్లు చేయలేక, స్వల్ప స్కోర్లు ఛేదించలేక పసికూనలచేతితో పరాజయం పాలై.. ప్రపంచం ముందు నవ్వుల పాలైంది. ఏ జట్టైనా కీలక ఆటగాడు మిస్ అయితే.. అతడిని జట్టులోకి ఎంత తొందరగా తీసుకొద్దామా అని ఎదురుచూస్తుంటాయి. అవసరమైతే ఆ ఆటగాడికి స్పెషల్ ఫ్లైట్ అరెంజ్ చేసి మరీ రప్పించుకుంటారు. కానీ కరేబియన్ యాజమాన్యం మాత్రం అలా చేయలేదు. దాంతో తాను తీసుకున్న గొతిలోనే తాను పడ్డట్లు తయ్యారు అయ్యింది విండీస్ టీమ్ పరిస్థితి. ఇది కచ్చితంగా కరేబియన్ జట్టు స్వయం కృపరాధమే అని కామెంట్స్ వినిపిస్తున్నాయి. అదే హెట్ మేయిర్ జట్టులో ఉండుంటే కచ్చితంగా విండీస్ ను గెలిపించేవాడు. దాంతో జట్టు సూపర్-12కు అర్హత సాధించేదని సగటు క్రీడాభిమానులు ఆవేదన వ్యక్తం చేస్తున్నారు.
2 time champions West Indies are out in the 1st round.
Sad decline of West Indies cricket.#WIvsIRE #T20worldcup22 pic.twitter.com/Nw3VUv8n9O— John James (@jamesnotabond) October 21, 2022
