కోహ్లీని మించిన మొనగాడు! జింబాబ్వే క్రికెట్ లో నయా హీరో సికందర్ రాజా లైఫ్ స్టొరీ!

రెండు దశాబ్దాల క్రితం జింబాబ్వే పేరు చెబితే పెద్ద పెద్ద జట్లకు కూడా తడిసిపోయేది. వరల్డ్‌ కప్‌ వేదికలపై ఛాంపియన్‌ జట్లకు కూడా ఝలక్‌ ఇచ్చిన టీమ్‌ జింబాబ్వే. ఏడాది క్రితం వరకూ గతమెంతో ఘనం అన్న రితీలో జింబాబ్వే ప్రస్థానం సాగింది. తిరిగి ఒక ఏడాది కాలం నుంచి పాత జింబాబ్వేను గుర్తుచేస్తోంది ప్రస్తుత టీమ్‌. ఆస్ట్రేలియా వేదికగా జరగుతున్న టీ20 వరల్డ్‌ కప్‌లో జింబాబ్వే మునుపటి వైభవాన్ని అందుకుంటోంది. క్వాలిఫయర్‌ స్టేజ్‌ దాటి.. సూపర్‌-12 స్టేజ్‌కు అర్హత సాధించిన జింబాబ్వే, సూపర్‌ -12 స్టేజులో టైటిల్ ఫేవరెట్ పాకిస్తాన్ కు గట్టి షాకిచ్చింది. ఒక్క పరుగు తేడాతో విజయం సాధించి సెమీస్ అవకాశాలను మెరుగుపరుచుకుంది. ఇక్కడ పాక్ ఓటమిని శాసించింది మాత్రం.. జింబాబ్వే ఆల్ రౌండర్ సికందర్ రజానే. దీంతో అతడి పేరు మార్మోగుతోంది.

జింబాబ్వే సూపర్‌- 12లోకి ఎంట్రీ ఇవ్వడమే గొప్ప విషయం అంటే.. ఇప్పుడు పాకిస్తాన్ పై గెలవడం మరో సంచలనం. జట్టులోని ఆటగాళ్లకు సరైన షూలు కూడా ఇవ్వలేని దయనీయ స్థితి నుంచి నేడు టీ20 వరల్డ్‌ కప్‌లో భారత్‌, పాకిస్థాన్‌ లాంటి పెద్ద టీమ్స్‌తో పోటీ పడేందుకు సిద్ధమైంది. 1983 వన్డే వరల్డ్‌ నుంచి ప్రారంభమైన జింబాబ్వే సంచలన ప్రస్థానం కొన్నేళ్లపాటు అలాగే సాగింది. ఎంత పెద్ద టీమ్‌ అయినా.. జింబాబ్వేతో మ్యాచ్‌ అంటేనే ఒళ్లుదగ్గరపెట్టుకుని ఆడే పరిస్థితి. ఆస్ట్రేలియా, ఇండియా, ఇంగ్లండ్‌, పాకిస్థాన్‌, సౌతాఫ్రికా, న్యూజిలాండ్‌ ఇలా పెద్ద టీములుగా పేరుమోసిన జట్లు కూడా ఒకానొక దశలో జింబాబ్వే జట్టకు తలొంచాయి. అలాంటి ఘనమైన చరిత్ర కలిగిన జింబాబ్వే టీమ్‌కు మళ్లీ ఇన్నేళ్ల తర్వాత పూర్వవైభవం వస్తున్నట్లు కనిపిస్తోంది. ఆండీ ఫ్లవర్‌, బ్రెండన్‌ టేలర్‌, గ్రాంట్‌ ఫ్లవర్‌, అలిస్టర్ కాంప్‌బెల్ లాంటి హేమాహేమీల హయాంలో ఒక వెలుగు వెలిగిన జింబాబ్వే క్రికెట్‌కు.. మళ్లీ సికందర్‌ రజా, క్రెయిగ్‌ ఇర్విన్‌, సీన్‌ విలియమ్స్‌, రియాన్‌ బర్ల్‌ తిరిగి పునఃవైభవం తీసుకొస్తున్నారు.

Wearing the badge with pride. Let’s go Zimbabwe! 🇿🇼 #T20WorldCup

📹 @icc pic.twitter.com/sx38i2uSoA

— Zimbabwe Cricket (@ZimCricketv) October 16, 2022

ముఖ్యంగా ఆ జట్టు ఆల్ రౌండర్ సికందర్‌ రజా గురించి చెప్పుకోవాలి. స్వదేశంలో బంగ్లాదేశ్‌, ఇండియా ఇతర జట్లతో జరిగిన సిరీస్‌లలో మంచి ప్రదర్శన కనబర్చిన రజా.. జింబాబ్వేను టీ20 వరల్డ్‌ కప్‌లో సూపర్‌ 12కు చేర్చడంలో కూడా తన వంతు పాత్ర పోషించాడు. పాకిస్థాన్‌ సంతతికి చెందిన సికందర్‌ రజా ప్రస్తుతం జింబాబ్వే టీమ్‌లో ఒక స్టార్‌. ఒంటి చేత్తో మ్యాచ్‌లు గెలిపించగల సత్తా ఉన్న ఆటగాడు. అదే మరో పెద్ద టీమ్‌లో ఉండి ఉంటే రజా వేరే స్థాయిలో ఉండే వాడు కానీ.. అవన్నీ వదులుకొని జింబాబ్వేను మరో స్థాయి తీసుకొస్తున్నాడు. ఆస్ట్రేలియా వేదికగా జరుగుతున్న టీ20 వరల్డ్‌ కప్‌లో మూడు క్వాలిఫయర్‌ మ్యాచ్‌లు ఆడిన జింబాబ్వే రెండు మ్యాచ్‌ల్లో విజయం సాధించి.. సూపర్‌ 12కు అర్హత సాధించింది. ఈ మూడు మ్యాచ్‌ల్లో కలిపి సికందర్‌ రజా 136 పరుగులు సాధించాడు. ఐర్లాండ్‌తో జరిగిన తొలి మ్యాచ్‌లో కేవలం 48 బంతుల్లో 5 ఫోర్లు, 5 సిక్సులతో 82 పరుగులు చేసి ఒంటిచేత్తో మ్యాచ్‌ గెలిపించాడు.

That winning feeling 🙌#PAKvZIM | #T20WorldCup pic.twitter.com/7lxwYaHWpA

— Zimbabwe Cricket (@ZimCricketv) October 27, 2022

ఇక, తాజాగా పాకిస్తాన్ తో జరిగిన మ్యాచులో బ్యాటింగ్ లో విఫలమైనా.. బౌలింగ్ లో మాత్రం పాక్ బ్యాటర్లకు చుక్కలు చూపించాడు. 4 ఓవర్లు వేసిన రజా 25 పరుగులిచ్చి 3 కీలక వికెట్లు పడగొట్టాడు. దీంతో ప్లేయర్ అఫ్ ది మ్యాచ్ అవార్డు అందుకున్నాడు. ఈ క్రమంలో రజా అరుదైన రికార్డును కూడా తన ఖాతాలో వేసుకున్నాడు. ఒక ఏడాదిలో అంతర్జాతీయ టీ20ల్లో అత్యధిక మ్యాన్ ఆఫ్ ది మ్యాచ్ అవార్డులు గెలుచుకున్న ఆటగాడిగా నిలిచాడు. రజా 7 అవార్డులు గెలుచుకోగా, విరాట్ కోహ్లీ 6 అవార్డులతో రెండో స్థానంలో న్నాడు. క్వాలిఫయింగ్ మ్యాచులతో కలిపి ఒక్క ఈ వరల్డ్ కప్ లోనే రజాకు 3 మ్యాన్ అఫ్ ది మ్యాచ్ అవార్డులు రావడం విశేషం. 2013 నుంచి జింబాబ్వే తరఫున 123 మ్యాచ్‌లు ఆడిన రజా.. 118 ఇన్నింగ్స్‌ల్లో 3656 పరుగులు సాధించాడు. అందులో 6 సెంచరీలు, 20 హాఫ్‌ సెంచరీలు ఉన్నాయి.

🇿🇼 beat Pakistan 🇵🇰 by one run! 🔥#PAKvZIM | #T20WorldCup pic.twitter.com/jTgHlwzC9r

— Zimbabwe Cricket (@ZimCricketv) October 27, 2022

The Player of the Match, for his figures of 3/25, is @SRazaB24! 👏#PAKvZIM | #T20WorldCup pic.twitter.com/TU7Dqet5h4

— Zimbabwe Cricket (@ZimCricketv) October 27, 2022