ధోని.. 2011లో వరల్డ్ కప్ వచ్చింది యువరాజ్ వల్ల! ఓరియో బిస్కెట్ వల్ల కాదు!

ఆస్ట్రేలియా వేదికగా జరుగుతున్న టీ20 వరల్డ్‌ కప్‌ 2022లో టీమిండియా సెమీస్‌లో చిత్తుగా ఓడింది. గురువారం అడిలైడ్‌లో ఇంగ్లండ్‌తో జరిగిన రెండో సెమీ ఫైనల్‌లో ఏకంగా 10 వికెట్ల తేడాతో ఓడి దారుణ ఓటమిని మూటగట్టుకుంది. సూపర్‌ 12 స్టేజ్‌లో ఐదు మ్యాచ్‌ల్లో 4 విజయాలతో టేబుల్‌ టాపర్‌గా నిలిచిన భారత్‌.. సెమీస్‌లో మాత్రం బొక్కా బోర్లా పడింది. ఏ మాత్రం ప్రభావం చూపని బౌలింగ్‌తో టీమిండియా తేలిపోయింది. ఈ వరల్డ్‌ కప్‌లో బెస్ట్ ఓపెనింగ్‌ జోడిగా ఉన్న ఇంగ్లండ్‌ ఓపెనర్లు 169 పరుగుల టార్గెట్‌ను ఊదిపడేశారు. ఇంగ్లండ్‌ బ్యాటింగ్‌ చేస్తున్నంత సేపు టీమిండియా ఏ దశలోనూ విజయం కోసం ఆడుతున్నట్లు కనిపించలేదు. అయితే.. సెమీస్‌లో టీమిండియా ఓటమి తర్వాత.. సోషల్‌ మీడియాలో ఓరియో ట్రెడింగ్‌లోకి వచ్చింది.

కాగా.. టీ20 వరల్డ్‌ కప్‌ 2022కి ముందు టీమిండియా మాజీ కెప్టెన్‌ మహేంద్ర సింగ్‌ ధోని ఓరియో బిస్కెట్‌ ప్రమోషన్స్‌లో పాల్గొని.. ఒక వివాదాస్పద కామెంట్‌ చేశాడు. 2011లో తొలి సారి ఓరియో బిస్కెట్‌ లాంచ్‌ అయిందని.. అప్పుడు టీమిండియా వరల్డ్‌ కప్‌ సాధించిందని.. ఇప్పుడు మళ్లీ ఓరియో రీ లాంచ్‌ అవుతుందని.. భారత్‌ వరల్డ్‌ కప్‌ గెలుస్తుందని ప్రమోషన్‌లో భాగంగా బిగ్‌ స్టేట్‌మెంట్‌ ఇచ్చాడు. వరల్డ్‌ కప్‌ సాగుతున్నని​ రోజులు.. ఓరియో వల్లే టీమిండియా గెలుస్తుందని.. సౌతాఫ్రికా చేతిలో ఓడినా.. అదే ట్రెండ్‌ అయింది. కానీ.. అందరికీ షాక్‌ ఇస్తూ.. సెమీస్‌లో ఇంగ్లండ్‌ చేతిలో చిత్తుగా ఓడిన టీమిండియా ఇంటి బాట పట్టింది. దీంతో మారో సారి ఓరియోపై క్రికెట్‌ అభిమానులు దారుణ ట్రోలింగ్‌కి దిగుతున్నారు. ఓరియోతో పాటు ఆ స్టేట్‌మెంట్‌ ఇచ్చిన ధోనిపై ఆగ్రహం వ్యక్తం చేస్తున్నారు.

2011లో టీమిండియా వరల్డ్‌ కప్‌ గెలవడానికి ఓరియో లాంచ్‌ లాంటి పిచ్చి నమ్మకాలు కాదని.. ఆ టోర్నీలో యువరాజ్‌ సింగ్‌ అద్భుత పోరాటంతోనే భారత్‌ విశ్వవిజేతగా నిలిచిందని క్రికెట్‌ అభిమానులు ధోనిని ఉద్ధేశించి ఘాటుగా విమర్శలు గుప్పిస్తున్నారు. యువరాజ్‌ సింగ్‌ లాంటి మేటి ఆల్‌రౌండర్‌ జట్టుకు బ్యాటింగ్‌, బౌలింగ్‌లో వెన్నుముకలా నిలిచాడు కాబట్టే.. భారత్‌కు కప్‌ దక్కింది. ఇలా బిస్కెట్లు, చాక్లెట్ల వల్ల కాదని అంటున్నారు. అలాగే 2007 టీ20 వరల్డ్‌ కప్‌లో కూడా యువరాజ్‌ రాణించడంతోనే భారత్‌కు తొలి టీ20 వరల్డ్‌ కప్‌ దక్కిన విషయాన్ని గుర్తుచేస్తున్నారు. నిజానికి 2011, 2007లో వరల్డ్‌ కప్‌లకు యువరాజ్‌ సింగ్‌ ప్లేయర్‌ ఆఫ్‌ ది టోర్నీగా నిలిచిన విషయం తెలిసిందే. మరి ధోని ఈ విమర్శలపై స్పందిస్తాడో లేదో చూడాలి.

Cricket fans ke emotions se khel ke OREO bechne ke baad. pic.twitter.com/FlwAvd0pWW

— Jahazi (@Oye_Jahazi) November 10, 2022

Oreo launched in 2011 as well as 2022 – Dhoni

India will win over NZ in finals – ABD
Comedian na kod*kalaraa Indian Cricket Team 😤 pic.twitter.com/Ip0WoHEPx8

— 𝐇𝐀𝐍𝐆𝐎𝐕𝐄𝐑 (@_NaveenReddy_14) November 10, 2022

Oreo For a Reason…#INDvsENG pic.twitter.com/7IwG6nRxei

— Cricpedia (@_Cricpedia) November 10, 2022

If we win this T20 World Cup, Oreo ki lottery lag jaayegi 😂 pic.twitter.com/mYPFrJcetL

— R A T N I S H (@LoyalSachinFan) November 5, 2022