శృతి మించిన అభిమానం.. షకీబ్ అల్ హసన్ కు తప్పిన ప్రమాదం!

రంగం ఏదైనా మరీ పాపులర్ అవ్వడం కూడా లేనిపోని కష్టాలను తెచ్చిపెడుతుంది. భారతదేశంలో అయితే ముఖ్యంగా సినిమా సెలబ్రిటీలకు ఈ కష్టాలు బాగా తెలుసు. ఇంక క్రికెటర్లు బయట కనిపించినా కూడా అభిమానులు చుట్టుముట్టేస్తారు. సెలబ్రిటీలతో ఫొటోలు దిగాలని, వారిని దగ్గరి నుంచి చూడాలని, వారికి షేక్ హ్యాండ్ ఇవ్వాలని ఇలాంటి పనులు చేస్తుంటారు. అయితే సెక్యూరిటీ సిబ్బంది, బౌన్సర్లు ఉండటం వల్ల సెలబ్రిటీలు చాలా సమస్యల నుంచి బయటపడి పోతుంటారు. తాజాగా షకీబ్ అల్ హసన్ కూడా అలాంటి ఒక ఘటన నుంచి బయట పడ్డాడు. అక్కడి నుంచి తెలివిగా తప్పించుకున్నాడు లేదంటే పెద్ద ప్రమాదమే జరిగి ఉండేది.

ప్రపంచవ్యాప్తంగా షకీబ్ అల్ హసన్ కు మంచి పేరుంది. క్రికెట్ ప్రపంచంలో స్టార్ క్రికెటర్ హోదా ఉంది. అతనితో ఫొటోలు దిగాలని కచ్చితంగా చాలా మంది కోరుకుంటారు. తాజాగా ఓ కార్యక్రమంలో పాల్గొని వెళ్తున్న సమయంలో షకీబ్ అల్ హసన్ కి షాకింగ్ ఘటన ఎదురైంది. షకీబ్ బయటకు రాగానే అభిమానులు అందరూ అతడిని చుట్టుముట్టారు. తమతో ఫొటోలు దిగాలంటూ పట్టుబట్టారు. షకీబ్ అల్ హసన్ వెళ్లే దారిని అడ్డుకుని అందరూ చుట్టుముట్టారు. అందరూ ఒక్కసారిగా అతనిపైకి వచ్చారు. కొందరైతే ఇంకాస్త ముందుకు వచ్చి షకీబ్ అల్ హసన్ చొక్కా పట్టుకున్నారు. అతడిని బలవంతంగా తమ వద్దకు లాక్కుని ఫొటో దిగాలని ప్రయత్నించారు.

ఆ క్రమంలో షకీబ్ కింద కూడా పడబోయాడు. కానీ కంట్రోల్ చేసుకుని అక్కడి నుంచి బయటకు వెళ్లిపోయాడు. ఇంత జరుగుతున్నా కూడా షకీబ్ ఎంతో కూల్ గా కనిపించాడు. అభిమానులపై ఏమాత్రం కోపం చూపించకుండా అక్కడి నుంచి వెళ్లిపోవడం కూడా అందరినీ ఆశ్చర్యానికి గురి చేసింది. ఎందుకంటే.. ఇటీవలే ఇలాంటి ఓ ఘటన జరిగింది. ఓ అభిమాని షకీబ్ అల్ హసన్ తో ఫొటో దిగేందుకు ప్రయత్నించాడు. అప్పుడు షకీబ్ తన చేతిలో ఉన్న టోపీతో అతని తలపై కొట్టాడు. మధ్యలో సెక్యూరిటి సిబ్బంది కలగజేసుకుని అక్కడి నుంచి షకీబ్ ని పంపేశారు. ఇప్పుడు మాత్రం షకీబ్ చాలా కూల్ గా కనిపించాడు. చొక్కా పట్టుకుని లాగినా కూడా చాలా ప్రశాంతంగా వెళ్లిపోయాడు. ప్రస్తుతం ఈ వీడియో నెట్టింట వైరల్ గా మారింది. ఫ్యాన్స్ మితిమీరిన అభిమానంతో షకీబ్ అల్ హసన్ కు తప్పిన ప్రమాదంపై మీ అభిప్రాయాలను కామెంట్స్ రూపంలో తెలియజేయండి.

Nah i love shakib al hasan sometimes you just gotta beat ‘em up pic.twitter.com/JDzA5q58TR

— adi ✨🇧🇩 (@notanotheradi) March 10, 2023