Selection Committee: ఇండియన్ క్రికెట్​ను చూస్తుంటే నవ్వొస్తోంది.. ఇది మనకు సిగ్గుచేటు: మాజీ క్రికెటర్!

క్రికెట్​లో అవకాశాలు రావడం అనేది ఎంత కష్టమనేది తెలిసిందే. ఎంత ప్రతిభ కలిగిన ప్లేయర్​కు అయినా అంత సులువుగా ఛాన్స్ రాదు. అందులోనూ భారత్ లాంటి క్రికెటింగ్ దేశాల్లో ఒక్క ప్లేస్ కోసం కూడా ఎంతో తీవ్ర పోటీ ఉంటుంది. వందలు, వేలాది మంది టాలెంటెడ్ ప్లేయర్లను దాటుకొని రంజీలు, నేషనల్ టీమ్​కు ఎంపికవ్వాలంటే కష్టమే. అయితే ఇదంతా సెలెక్టర్ల చేతుల్లోనే ఉంటుంది. ప్రతిభ కలిగిన ప్లేయర్లను వాళ్లే గుర్తించాలి. ఫస్ట్​క్లాస్ లెవల్లో రాణిస్తున్న ఆటగాళ్లను తీసుకొని సానబెట్టాలి. నేషనల్ టీమ్​కు ఎప్పటికప్పుడు యువ ప్లేయర్ల రూపంలో నయా రక్తాన్ని నింపుతూ ఉండాలి. అయితే మన సెలెక్టర్లు ఆ విషయంలో ఫెయిల్ అవుతున్నారని ఎంతో మంది సీనియర్లు విమర్శిస్తున్నారు. ఇటీవలే దినేష్ కార్తీక్ భారత సెలెక్షన్ కమిటీపై మండిపడ్డాడు. దులీప్ ట్రోఫీకి తమిళనాడుకు చెందిన బాబా ఇంద్రజీత్​ను తీసుకోకపోవడంపై డీకే సీరియస్ అయ్యాడు.

ఈ సంవత్సరం మార్చిలో రెస్టాఫ్ ఇండియాకు కూడా ఆడిన ఇంద్రజీత్​ను.. దులీప్ ట్రోఫీలో పాల్గొనే సౌత్ జోన్​ టీమ్​లోకి తీసుకోకపోవడంపై డీకే ఫైర్ అయ్యాడు. తాజాగా సెలెక్టర్లపై మరో సీనియర్ క్రికెటర్ సీరియస్ అయ్యాడు. అతడే వెటరన్ పేసర్ వెంకటేష్ ప్రసాద్. కేరళ స్పిన్నర్ జలజ్ సక్సేనాను సౌత్ జోన్​ జట్టుకు ఎంపిక చేయకపోవడంపై ఆయన మండిపడ్డాడు. ఈ రంజీ సీజన్​లో అత్యధిక వికెట్లు తీయడంతో పాటు ఇండియా-ఏకు ఆడిన అనుభవం ఉన్న సక్సేనాను సెలెక్ట్ చేయకపోవడం సరికాదని ఆయన విమర్శించాడు. భారత క్రికెట్​ను చూస్తుంటే నవ్వొస్తోందన్నాడు. రంజీల్లో అత్యధిక వికెట్లు తీసిన బౌలర్​ను సెలెక్ట్ చేయకపోవడం మనకు సిగ్గుచేటని పేర్కొన్నాడు. రంజీ ట్రోఫీని పనికి రాకుండా చేశారని వెంకటేష్ ప్రసాద్ ఫైర్ అయ్యాడు.

There are many laughable things happening in Indian cricket. The highest wicket taker in Ranji Trophy not being picked even for the South Zone team is as baffling as it gets. Just renders the Ranji Trophy useless..what a shame https://t.co/pI57RbrI81

— Venkatesh Prasad (@venkateshprasad) June 18, 2023