ఐపీఎల్‌ చరిత్రలోనే అత్యంత భారీ ధర పలికిన సామ్‌ కర్రన్‌

ఐపీఎల్‌ 2023 సీజన్‌ కోసం.. ఆటగాళ్ల కొనుగోళ్ల ప్రక్రియ జోరుగా సాగుతోంది. కొచ్చిలో జరుగుతున్న ఐపీఎల్‌ 2023 మినీ వేలంలో.. క్రికెటర్లపై కోట్ల వర్షం కురుస్తోంది. కొంతమంది స్టార్‌ ఆటగాళ్లకు ఊహించని షాక్‌ ఇస్తున్న ఐపీఎల్‌ ఫ్రాంచైజ్‌లు.. యువ క్రికెటర్లపై మాత్రం కోట్లు కుమ్మరిస్తున్నారు. ఇప్పటికే ఇంగ్లండ్‌ యువ క్రికెటర్‌ హ్యారీ బ్రూక్‌ భారీ ధర పలికాడు. బ్రూక్‌ను రూ.13.25 కోట్ల భారీ పెట్టి.. సన్‌రైజర్స్‌ హైదరాబాద్‌ కొనుగోలు చేసింది. అలాగే.. టీమిండియా యువ క్రికెటర్‌ మయాంక్‌ అగర్వాల్‌ను రూ.8.25 కోట్లకు సన్‌రైజర్స్‌ దక్కించుకుంది. అలాగే.. టీమిండియా సీనియర్‌ ప్లేయర్‌ అజింక్యా రహానేను బేస్‌ ప్రైజ్‌ రూ.50 లక్షలకు చెన్నై దక్కించుకుంది. అయితే.. ఇంగ్లండ్‌ స్టార్‌ ప్లేయర్‌ జో రూట్‌, సౌతాఫ్రికా ఆటగాడు రోలీ రొసోవ్‌, బంగ్లా కెప్టెన్‌ షకీబ్‌ అల్‌ హసన్‌ తొలి రౌండ్‌లో అమ్ముడుపోలేదు.

అయితే.. ఐపీఎల్‌ చరిత్రను తిరగరాస్తూ.. ఇంగ్లండ్‌ స్టార్‌ ఆల్‌రౌండర్‌ సామ్‌ కర్రన్‌ అ‍త్యధిక ధర పలికాడు. సామ్‌ కర్రన్‌ కోసం చెన్నై సూపర్‌ కింగ్స్‌, ముంబై ఇండియన్స్‌, పంజాబ్‌ కింగ్స్‌ జట్లు పోటీ పడ్డాయి. హోరాహోరీగా జరిగిన వేలం పాటలో చివరి అందరి కంటే ఎక్కువ డబ్బులు కలిగిన పంజాబ్‌ కింగ్స్‌ సామ్‌ కర్రన్‌ను రూ.18.50 కోట్లకు కొనుగోలు చేసింది. ఐపీఎల్‌ 2022 వేలంలో 17 కోట్ల పైచిలుకు ధర పలికిన ఇషాన్‌ కిషన్‌ రికార్డును సామ కర్రన్‌ బద్దలు కొట్టాడు. ఐపీఎల్‌ 2019 సీజన్‌లో సామ్‌ కర్రన్‌కు కేవలం 5.5 కోట్ల ధర మాత్రమే దక్కింది. ఐపీఎల్‌ 2020, 2021 సీజన్లు ఆడిన సామ్‌.. ఐపీఎల్‌ 2022కు మాత్రం దూరంగా ఉన్నాడు. మరి సామ్‌ కర్రన్‌కు అంత భారీ ధర పెట్ట పంజాబ్‌ కొనుగోలు చేయడంపై మీ అభిప్రాయాలను కామెంట్ల రూపంలో తెలియజేయండి.

Record Alert 🚨

Sam Curran 𝙗𝙚𝙘𝙤𝙢𝙚𝙨 𝙩𝙝𝙚 𝙢𝙤𝙨𝙩 𝙚𝙭𝙥𝙚𝙣𝙨𝙞𝙫𝙚 𝙥𝙡𝙖𝙮𝙚𝙧 𝙚𝙫𝙚𝙧 𝙩𝙤 𝙗𝙚 𝙗𝙤𝙪𝙜𝙝𝙩 𝙞𝙣 𝙄𝙋𝙇!

He goes BIG 🤯- INR 18.50 Crore & will now play for Punjab Kings 👏 👏#TATAIPLAuction | @TataCompanies pic.twitter.com/VlKRCcwv05

— IndianPremierLeague (@IPL) December 23, 2022