follow us:
“సెప్టెంబర్ 2 గాంధీ జయంతి.. ఈ రోజున టీమిండియా ఆటగాళ్లు ఇంత హింస సృష్టిస్తారా? అదీ సౌతాఫ్రికాపై..” అంటూ టీమిండియా మాజీ క్రికెటర్ వసీం జాఫర్ ఫన్నీగా చేసిన ట్వీట్ నెట్టింట వైరల్ గా మారిన సంగతి తెలిసిందే. ఈ మ్యాచ్ లో టీమిండియా బ్యాటర్లు విధ్వంసం అంతా.. ఇంతా కాదు. అదే విధంగా దక్షిణాఫ్రికా జట్టు సైతం మెరుపులు మెరిపించింది. కానీ విజయం మాత్రం సాధించలేకపోయింది. అయితే క్రీడా ప్రపంచంలో టీమిండియాకు ఉన్న క్రేజ్ తో మరో భారీ స్కోర్ల మ్యాచ్ కనుమరుగైపోయింది. లెజెండ్స్ లీగ్ లో ఇండియన్ క్యాపిటల్స్ వర్సెస్ భిల్వారా కింగ్స్ మధ్య ఈ మ్యాచ్ జరిగింది. ఈ మ్యాచ్ లో రెండు జట్లు కలిపి 457 పరుగులు చేయడం విశేషం. ఇక ఈ మ్యాచ్ లో న్యూజిలాండ్ స్టార్ బ్యాటర్ రాస్ టేలర్ తన విశ్వరూపాన్నే చూపాడు. సిక్స్ లు, ఫోర్లతో బౌలర్లపై నిర్దక్ష్యణంగా విరుచుకుపడ్డాడు. మరిన్ని వివరాల్లోకి వెళితే..
ఈక్రమంలోనే అతడి ఆటతో కొండంత లక్ష్యం కూడా చిన్నబోయింది. ఒక్కసారి గ్రౌండ్ లో పాతుకు పోయాడంటే అతడి విశ్వరూపాన్ని చూపిస్తాడు రాస్ టేలర్. ఈ మ్యాచ్ లోనూ అదే చేశాడు.. తనలో మునపటి వేడి ఇంకా తగ్గలేదని నిరూపించాడు. భిల్వారా కింగ్స్ 226 పరుగుల భారీ లక్ష్యాన్ని ఇండియా క్యాపిటల్స్ ముందుంచింది. అనంతరం భారీ లక్ష్యంతో బరిలోకి దిగిన క్యాపిటల్స్ కు ఆరంభంలోనే ఎదురుదెబ్బలు తగిలాయి. స్వల్ప వ్యవధిలోనే కీలక వికెట్లు కోల్పొవడంతో విజయం మీద ఆశలు వదిలేసుకున్నారు. ఈ దశలోనే క్రీజ్ లోకి అడుగు పెట్టాడు న్యూజిలాండ్ దిగ్గజ బ్యాటర్ రాస్ టేలర్. మెుదట ఇన్నింగ్స్ ను నెమ్మదిగా మెుదలు పెట్టాడు.. ఇది టేలర్ కు అలవాటే. తుపాన్ వచ్చే ముందు వాతావరణం ఎంత ప్రశాంతంగా ఉంటుందో అలాగన్నమాట. ఇక పనేసర్ బౌలింగ్ లో ఫోర్ తో తన విధ్వంసం మెుదలు పెట్టిన రాస్ టేలర్.. తన గేర్ మార్చాడు. ఓ వైపు వికెట్లు పడుతున్నాగానీ ఎక్కడా తగ్గలేదు.
ఈ క్రమంలోనే ఇన్నింగ్స్ 7వ ఓవర్ లో జీసల్ కరియా కు చుక్కలు చూపించాడు. వరుసగా 4, 6, 6 బాదాడు. ఆ తర్వాత ఓవర్లో సైతం వరుసగా 6, 6 బాది తన విధ్వంసాన్ని మరింతగా పెంచాడు. అయితే త్యాగి వేసిన ఇన్నింగ్స్ 9వ ఓవర్ మ్యాచ్ కే హైలెట్ అని చెప్పాలి. ఎందుకంటే ఈ ఓవర్ లో రాస్ టేలర్ చూడముచ్చటైన షాట్లతో వరుసగా 4, 4, 4 బాదాడు. రాస్ టేలర్ దెబ్బకి ఇండియా క్యాపిటల్స్ 19.3 ఓవర్లోనే లక్ష్యాన్ని ఛేదించింది. రాస్ టేలర్ కేవలం 39 బంతుల్లోనే 9 ఫోర్లు, 5 సిక్స్ లతో 84 పరుగులు చేశాడు. ఇక ఈ ఇన్నింగ్స్ చూసిన క్రీడాభిమానులు ఏంటి సామీ ఈ విధ్వంసం అంటూ కామెంట్స్ చేస్తున్నారు. రాస్ టేలర్ న్యూజిలాండ్ జట్టుకు ఎన్నో మరుపురాని విజయాలను అందించిన విషయం మనకు తెలిసిందే. రిటైర్మెంట్ ప్రకటించిన తర్వాత కూడా తనలో ఇంకా పస తగ్గలేదని మరోసారి నిరూపించికున్నాడు టేలర్.
A match winning innings of 84 makes @RossLTaylor the #legend of the match. Take a bow!👏@CapitalsIndia#BossLogonKaGame #LLCT20 #LegendsLeagueCricket pic.twitter.com/9OrnbgpQsd
— Legends League Cricket (@llct20) October 2, 2022
It’s the passion and energy that’s winning here. What a game amongst @CapitalsIndia and @Bhilwarakings. This is truly a #BossLogonKaGame #LegendsLeagueCricket #LLCT20 pic.twitter.com/MkEecRX3vJ
— Legends League Cricket (@llct20) October 3, 2022
