పాక్‌పై విజయం తర్వాత కెప్టెన్‌గా అరుదైన రికార్డు నమోదు చేసిన రోహిత్‌ శర్మ

ఆసియా కప్‌లో భాగంగా ఆదివారం పాకిస్థాన్‌పై టీమిండియా ఘన విజయం సాధించిన విషయం తెలిసిందే. ఈ విజయంతో కెప్టెన్‌గా రోహిత్‌ శర్మ అరుదైన రికార్డును సాధించాడు. 30 లేదా అంతకంటే ఎక్కువ టీ20 మ్యాచ్‌ల్లో జట్టుకు కెప్టెన్‌గా వ్యవహరించి.. అత్యధిక విజయాలు సాధించిన కెప్టెన్‌గా రోహిత్‌ ప్రపంచలోనే నంబర్‌వన్‌ స్థానానికి చేరుకున్నాడు. ఇప్పటి వరకు రోహిత్‌ శర్మ 36 మ్యాచ్‌ల్లో టీమిండియా కెప్టెన్‌గా వ్యవహరించాడు. ఇందులో టీమిండియా 30 విజయాలు సాధించింది. కేవలం 6 మ్యాచ్‌ల్లోనే భారత్‌ ఓడింది. దీంతో కెప్టెన్‌గా రోహిత్‌ విన్నింగ్‌ పర్సంటేజ్‌ 83.3శాతానికి చేరింది. 30 కంటే ఎక్కువ మ్యాచ్‌లకు కెప్టెన్‌గా వ్యవహరించిన మరే కెప్టెన్‌కు కూడా ఇంత భారీ విజయ శాతం లేదు.

అత్యంత విజయవంతమైన టీమిండియా మాజీ కెప్టెన్లు మహేంద్ర సింగ్‌ ధోని, విరాట్‌ కోహ్లీలు కూడా ఈ విషయంలో చాలా వెనుకున్నారు. రోహిత్‌ శర్మ తర్వాత అత్యధిక విన్నింగ్‌ పర్సంటేజ్‌ ఉన్న కెప్టెన్లుగా.. ఆఫ్ఘనిస్థాన్‌ మాజీ కెప్టెన్‌ అస్గర్‌ అఫ్ఘన్‌ 80.8 శాతం, విరాట్‌ కోహ్లీ 62.5, ఇయాన్‌ మోర్గాన్‌(ఇంగ్లండ్‌) 59.2, ఎంఎస్‌ ధోని 58.6, ఆరోన్‌ ఫించ్‌(ఆస్ట్రేలియా) 55.6, కేన్‌ విలియమ్సన్‌(న్యూజిలాండ్‌) 51.7 శాతంతో ఉన్నారు. ప్రస్తుతం ఆసియా కప్‌లో తొలి మ్యాచ్‌లోనే చిరకాల ప్రత్యర్థి పాకిస్థాన్‌ను ఓడించి ఫుల్‌జోష్‌ మీదున్న రోహిత్‌ సేన.. తర్వాత మ్యాచ్‌లో పసికూన హాంకాంగ్‌తో తలపడనుంది. ఆసియా కప్‌ టోర్నీలో, ఆ తర్వాత టీ20 వరల్డ్‌ కప్‌లో రోహిత్‌ సేన మరిన్ని విజయాలు సాధిస్తే.. కెప్టెన్‌గా రోహిత్‌ శర్మ విన్నింగ్‌ పర్సంటేజ్‌ మరింత పెరుగుతుంది.

అలాగే టీ20 క్రికెట్‌లో అత్యధిక పరుగులు చేసిన ఆటగాడిగా రోహిత్‌ శర్మ టాప్‌ ప్లేస్‌లో ఉన్నాడు. ఇప్పుడు కెప్టెన్‌గా కూడా అరుదైన ఘనతను సొంతం చేసుకున్నాడు. ఆదివారం పాకిస్థాన్‌తో జరిగిన మ్యాచ్‌లో రోహిత్‌ బ్యాటింగ్‌లో విఫలమైనా.. కెప్టెన్‌గా వందకు వంద మార్కులు కొట్టేశాడు. ఫీల్డ్‌ సెట్‌లో కానీ.. బౌలర్లను మార్చి ప్రయోగించడంలో తన మార్క్‌ను చూపించాడు. దీంతో పాకిస్థాన్‌ను కేవలం 147 పరుగులకే టీమిండియా కట్టడి చేయగలిగింది. ఆ తర్వాత బ్యాటింగ్‌లోనూ.. సూర్యుకుమార్‌ యాదవ్‌ కంటే ముందు లెఫ్ట్‌ హ్యాండర్‌ రవీంద్ర జడేజాను పంపి కెప్టెన్‌గా తన చతురతను ప్రదర్శించాడు. మరి ఈ రికార్డుపై మీ అభిప్రాయాలను కామెంట్ల రూపంలో తెలియజేయండి.

ఇది కూడా చదవండి: పాక్‌ క్రికెటర్‌కు అదిరిపోయే గిఫ్ట్‌ ఇచ్చిన విరాట్‌ కోహ్లీ

Win% of T20I Captains with 30 or more Wins

83.3% Rohit Sharma
80.8% Asghar Afghan
62.5% Virat Kohli
59.2% Eoin Morgan
58.6% MS Dhoni
55.6% Aaron Finch
51.7% Kane Williamson#RohitSharma | #AsiaCup | #Hitman

— Cricbaba (@thecricbaba) August 29, 2022