ఇంగ్లండ్‌ యువ క్రికెటర్ సంచలన బౌలింగ్! పాకిస్థాన్‌కి చుక్కలు చూపించాడు!

సరిగ్గా 10 నెలల క్రితం అండర్‌-19 ఆడిన కుర్రాడు ఇప్పుడు పాకిస్థాన్‌ జట్టుకు చుక్కలు చూపిస్తున్నాడు. పాకిస్థాన్‌తో జరుగుతున్న మూడో టెస్టులో ఇంగ్లండ్‌ ఆల్‌రౌండర్‌ రెహాన్‌ అహ్మద్‌ సంచలన బౌలింగ్‌తో ఆకట్టుకున్నాడు. కరాచీ వేదికగా జరుగుతున్న ఈ టెస్టుతో అంతర్జాతీయ క్రికెట్‌లోకి అడుగుపెట్టిన రెహాన్‌.. తొలి మ్యాచ్‌లోనే 5 వికెట్ల హాల్‌తో అదరగొట్టాడు. ఇప్పటికే రెండు టెస్టులు ఓడి సిరీస్‌ కోల్పోయిన పాక్‌ను.. చివరిదైన మూడో టెస్టులోనూ ఓటమి దిశగా నడిపించాడు. పాకిస్థాన్‌ను రెండో ఇన్నింగ్స్‌లో 216 పరుగులకే ఆలౌట్‌ చేసి.. ఇంగ్లండ్‌ కేవలం 167 పరుగుల స్వల్ప లక్ష్యంతో రెండో ఇన్నింగ్స్‌ ఆరంభించింది. అయితే.. ఈ మ్యాచ్‌తోనే టెస్టు క్రికెట్‌లోకి అరంగేట్రం చేసిన 18 ఏళ్ల యువ ఆల్‌రౌండర్‌ రెహాన్‌ ప్రస్తుతం టాక్‌ ఆఫ్‌ ది క్రికెట్‌ టౌన్‌గా మారిపోయాడు.

కరాచీ వేదికగా ప్రారంభమైన ఈ మ్యాచ్‌లో తొలి బ్యాటింగ్‌ చేసిన పాకిస్థాన్‌.. 304 పరుగులకు ఆలౌట్‌ అయింది. పాక్‌ కెప్టెన్‌ బాబర్‌ అజమ్‌ 78 పరుగులతో, అఘా సల్మాన్‌ 56 పరుగులతో రాణించారు. ఇంగ్లండ్‌ బౌలర్లలో జాక్‌ లీచ్‌ 4, రెహాన్‌ అహ్మద్‌ 2 వికెట్లతో ఆకట్టుకున్నారు. ఇక ఇంగ్లండ్‌ సైతం తొలి ఇన్నింగ్స్‌లో 354 పరుగులకే ఆలౌట్‌ అయింది. దీంతో మ్యాచ్‌ మంచి రసవత్తరంగా మారిందని.. ఎవరైనా గెలవచ్చని క్రికెట్‌ అభిమానులు భావించారు. కానీ.. ఇంగ్లండ్‌ యువ ఆల్‌రౌండర్‌ రెహాన్‌ వారి ఆశలను ఆవిరి చేసి.. తన సంచలన స్పిన్‌ బౌలింగ్‌తో మ్యాచ్‌ వన్‌సైడ్‌ చేసేశాడు. పాక్‌ను రెండో ఇన్నింగ్స్‌లో కేవలం 216 పరుగులకే పరిమితం చేసిన రెహాన్‌.. ఇంగ్లండ్‌ బ్యాటర్ల పని చాలా సులువుచేశాడు. అసలే బజ్‌బాల్‌ క్రికెట్‌తో టెస్టు క్రికెట్‌కే దడపుట్టిస్తున్న ఇంగ్లండ్‌కు 167 పరుగుల లక్ష్యం అసలు ఒక లెక్కే కాదు. ఏనుగుదంతం కింద నువ్వుల గింజంత ఉందా.. టార్గెట్‌.

అయితే.. రెహాన్‌ పడగొట్టిన ఐదు వికెట్లలో ప్రపంచ నంబర్‌ వన్‌ బ్యాటర్లమని చెప్పుకునే.. పాక్‌ కెప్టెన్‌ బాబర్‌ అజమ్‌, మొహమ్మద్‌ రిజ్వాన్‌ వికెట్లు ఉన్నాయి. వీరిద్దరితో పాటు హాఫ​ సెంచరీ చేసి ప్రమాదకరంగా మారుతున్న సౌద్‌ షకీల్‌తో పాటు అఘా సల్మాన్‌, వసీం​ జూనియర్‌లను అవుట్‌ చేశాడు రెహాన్‌. ఇక రెహాన్‌ ఇచ్చిన జోష్‌తో తమ బజ్‌బాల్‌ కొట్టుడు మొదలుపెట్టిన ఇంగ్లండ్‌ ఓపెనర్లు జాక్‌ క్రాలే, బెన్‌ డకెట్‌ 5 ఓవర్లలోనే 48 పరుగులు బాదేశారు. మూడు టెస్టుల సిరీస్‌లో పాకిస్థాన్‌ను వైట్‌ వాష్‌ చేసేందుకు ఇంగ్లండ్‌కు ఇంకా కేవలం 118 పరుగులు మాత్రమే కావాలి. కాగా.. ఈ ఏడాది జనవరిలో ఇంగ్లండ్‌ తరఫున అండర్‌-19 వరల్డ్‌ కప్‌ ఆడిన రెహాన్‌.. అక్కడ అద్భుత ప్రదర్శన కనబర్చి.. 10 నెలల్లోనే పాక్‌పై అరంగేట్రం చేసి.. అదరగొట్టాడు. అలాగే.. టెస్టు క్రికెట్‌లో ఐదు వికెట్ల హాల్‌ సాధించిన అతి పిన్న వయస్కుడిగా రెహాన్‌ నిలిచాడు. మరి రెహాన్‌ బౌలింగ్‌ ప్రదర్శనపై మీ అభిప్రాయాలను కామెంట్ల రూపంలో తెలియజేయండి.

WOWWW @RehanAhmed__16 🖐

🇵🇰 #PAKvENG 🏴󠁧󠁢󠁥󠁮󠁧󠁿 pic.twitter.com/Jt5pCdE9lK

— England Cricket (@englandcricket) December 19, 2022

January 2022: Playing in the U-19 World Cuo for England.

December 2022: Five-wicket on his Test Debut in Pakistan.

Remember the name, Rehan Ahmed. pic.twitter.com/YQmA0m8uju

— Johns. (@CricCrazyJohns) December 19, 2022

Rehan Ahmed becomes the youngest debutant to claim a five-for in Men’s Tests 💪#WTC23 | 📝 https://t.co/y5SkcqY16s pic.twitter.com/LoDZE7Yimd

— ICC (@ICC) December 19, 2022

Five-fer on Test debut for 18-year-old Rehan Ahmed 👏🏽#PAKvENG pic.twitter.com/ccc6w9V1Fr

— Grassroots Cricket (@grassrootscric) December 19, 2022

Big turning googly 🌪️
Well directed leg-break 🎯
Excellent catch at short leg 🙌

Rehan Ahmed’s first Test wicket ✅#PAKvENGpic.twitter.com/2H0wBGNO5t

— Wisden (@WisdenCricket) December 17, 2022