చరిత్ర సృష్టించిన రషీద్ ఖాన్! 500 వికెట్ల క్లబ్ లోకి ఎంట్రీ..

ఆఫ్ఘనిస్తాన్.. ఉగ్రవాదుల ఎటాక్ లు, తాలిబన్ ల ఆత్మహుతి దాడులతో నిత్యం దద్దరిల్లుతుండే దేశంగా ప్రపంచ దేశాలకు సుపరిచితమే. అలాంటి దేశం నుంచి వచ్చిన ఓ 24 ఏళ్ల కుర్రాడు క్రికెట్ ప్రపంచాన్నే వణికిస్తున్నాడు. అతడే మిస్టరీ స్పిన్నర్ రషీద్ ఖాన్. రికార్డుల మీద రికార్డులు కొడుతూ.. ఆఫ్ఘనిస్తాన్ అంటే రషీద్ ఖాన్.. రషీద్ ఖాన్ అంటే ఆఫ్ఘనిస్తాన్ అనేటంతగా పేరుగాంచాడు. ప్రస్తుతం సౌతాఫ్రికా టీ20 లీగ్ లో ముంబై కేప్ టౌన్ జట్టుకు ప్రాతినిధ్యం వహిస్తున్నాడు రషీద్ ఖాన్. తాజాగా ఈ టీ20 లీగ్ లో భాగంగా ప్రిటోరియా క్యాపిటల్స్ తో జరిగిన మ్యాచ్ లో 3 వికెట్లు తీయ్యడం ద్వారా ఓ అరుదైన ఘనతను సాధించాడు ఈ స్టార్ స్పిన్నర్.

రషీద్ ఖాన్.. ఆఫ్ఘనిస్తాన్ జట్టుకు వెన్నెముకగా నిలుస్తూ.. ప్రపంచ క్రికెట్ లో పసికూనగా ఉన్న ఆఫ్ఘాన్ ను సంచలనాలకు కేరాఫ్ అడ్రస్ గా మార్చాడు. కేవలం తన స్పిన్ మాయాజాలంలోనే ప్రత్యర్థిని ముప్పుతిప్పలు పెట్టగల సమర్థుడు. ఇక ప్రస్తుతం సౌతాఫ్రికా టీ20 లీగ్ లో ముంబై కేప్ టౌన్ ను లీడ్ చేస్తున్నాడు రషీద్ ఖాన్. సౌతాఫ్రికా టీ20 లీగ్ లో భాగంగా సోమవారం ప్రిటోరియా క్యాపిటల్స్ తో జరిగిన మ్యాచ్ లో రషీద్ ఖాన్ ఓ అరుదైన ఘనత సాధించాడు. ఈ మ్యాచ్ లో 4 ఓవర్లు బౌలింగ్ చేసిన రషీద్ కేవలం 16 పరుగులు మాత్రమే ఇచ్చి 3 కీలక వికెట్లు తీశాడు. ఈ మ్యాచ్ లో ప్రిటోరియా ఆటగాడు అయిన స్లైడ్ ఫార్చ్యూన్ వికెట్ తీయ్యడం ద్వారా రషీద్ ఖాన్ ఓ రికార్డు నెలకొల్పాడు. టీ20 క్రికెట్ చరిత్రలో 500 వికెట్లు తీసిన రెండో బౌలర్ గా ఘనతకెక్కాడు.

The moment he reached 500 wickets 💙#MICTvPC #MICapeTown #OneFamily @rashidkhan_19 pic.twitter.com/MzWTMdqC5D

— MI Cape Town (@MICapeTown) January 23, 2023

ఇక ఈ జాబితాలో తొలి స్థానంలో ఉన్నాడు కరేబియన్ ఆల్ రౌండర్ డ్వేన్ బ్రావో. బ్రావో 526 ఇన్నింగ్స్ ల్లో 614 టీ20 వికెట్లను నేలకూల్చాడు. అయితే రషీద్ ఖాన్ కేవలం 368 ఇన్నింగ్స్ ల్లోనే 500 వికెట్ల క్లబ్ల్ లో చేరాడు. ఇక మూడో స్థానంలో సునీల్ నరైన్ 474 వికెట్లు తీయగా.. తర్వాత ఇమ్రాన్ తాహిర్ 466 వికెట్లు, షకీబ్ అల్ హసన్ 436 వికెట్లతో తర్వాతి స్థానాల్లో కొనసాగుతున్నారు. ఇంత అద్భుతమైన ప్రదర్శన చేసినప్పటికీ రషీద్ ఖాన్ తన టీమ్ ను గెలిపించుకోలేక పోయాడు. ఈ మ్యాచ్ లో ముంబై కేప్ టౌన్ పై 52 పరుగుల తేడాతో ప్రిటోరియా క్యాపిటల్స్ విజయం సాధించింది. టీ20 ర్యాంకింగ్స్ లో ఇప్పటికే నెంబర్ వన్ బౌలర్ గా కొనసాగుతున్నాడు రషీద్ ఖాన్. మరి ఈ క్రమంలోనే రషీద్ ఖాన్ 500 టీ20 వికెట్ల క్లబ్ లోకి ఎంట్రీ ఇవ్వడంపై మీ అభిప్రాయాలను కామెంట్స్ రూపంలో తెలియజేయండి.

Rashid Khan is just the second cricketer to take 500 T20 wickets, following in Dwayne Bravo’s footsteps 👏 pic.twitter.com/xWoUlsjYXi

— The Cricketer (@TheCricketerMag) January 23, 2023