follow us:
ఆసియా కప్ 2023 ప్రారంభానికి ముందు టీమిండియా హెడ్ కోచ్ ద్రావిడ్ ఫ్యాన్స్ కి గుడ్ న్యూస్ చెప్పాడు. అయ్యర్, రాహుల్ కూడా ఆసియా కప్ లో ఆడతారు అని హింట్ ఇచ్చేసాడు.
2023 టీమిండియాకు చాలా కీలకం కానుంది. ఆసియా కప్ తో పాటుగా స్వదేశంలో జరగబోయే వన్డే వరల్డ్ కప్ కూడా ఆడాల్సి ఉంది. ఈ టోర్నీలు గెలవడం మన జట్టుకి చాలా ముఖ్యం. గతేడాది ఆసియా కప్ టీ 20 లో భాగంగా కనీసం ఫైనల్ కి వెళ్లలేకపోయింది టీమిండియా. ఈ నేపథ్యంలో ఈ సారి ఆసియా కప్ ఎలాగైనా కొట్టాలనే పట్టుదలతో ఉంది. ఇక 10 ఏళ్లుగా ఐసీసీ టోర్నీ లేని భారత క్రికెట్ జట్టుకి ఈ ఏడాది సొంత గడ్డపై ఆడనుండంతో అభిమానులు భారీ అంచనాలే పెట్టుకున్నారు. అయితే ఈ రెండు మెగా టోర్నీలకు గాయాలతో బాధపడుతున్న స్టార్ ప్లేయర్లు బూమ్రా, అయ్యర్, రాహుల్ అందుబాటులో ఉంటారా ?లేదా? అనే విషయంలో ఇంకా స్పష్టత రాలేదు. ఇప్పటికే బూమ్రా పూర్తి ఫిట్ నెస్ సాధించి ఐర్లాండ్ సిరీస్ కి కెప్టెన్ గా ఎంపికవ్వగా.. కోచ్ ద్రావిడ్.. అయ్యర్, రాహుల్ కూడా ఆసియా కప్ లో ఆడతారు అని హింట్ ఇచ్చేసాడు.
ఆసియా కప్ 2023 ప్రారంభానికి ముందు టీమిండియా హెడ్ కోచ్ ద్రావిడ్ ఫ్యాన్స్ కి గుడ్ న్యూస్ చెప్పాడు. ఈ సందర్భంగా ద్రావిడ్ మాట్లాడుతూ “బెంగళూరు వేదికగా ప్రాక్టీస్ క్యాంప్ ఉంటుంది. ప్రస్తుతం గాయాల కారణంగా జట్టుకు దూరంగా ఉన్న ఆటగాళ్లు ఈ క్యాంప్‌లో ఆసియా కప్ కోసం సన్నద్దం అవుతారు. గాయాల నుంచి కోలుకుని మళ్ళీ పునరాగమనం ఇచ్చేందుకు కొంతమంది ఆటగాళ్లు అందుబాటులో ఉన్నారు. మరో రెండు వారాల్లో ఆసియా కప్ ప్రారంభం కానుండడటంతో వారికి వీలైనన్ని ఎక్కువగా అవకాశాలు ఇవ్వాలి. ఆసియా కప్ కోసం ఆగస్టు 23 నుంచి బెంగళూరు వేదికగా వారం రోజుల పాటు ప్రాక్టీస్ క్యాంప్ ఉంది. రీఎంట్రీ ఇచ్చే ఆటగాళ్లకు ఈ ప్రాక్టీస్ క్యాంప్ ఉపయోగపడుతోంది”. అని రాహుల్ ద్రవిడ్ చెప్పుకొచ్చాడు.
వెన్నునొప్పితో బోర్డర్ గవాస్కర్ ట్రోఫీ మధ్యలో జట్టుకు దూరమైన అయ్యర్.. ఆ తర్వాత న్యూజిల్యాండ్ వెళ్లి శస్త్రచికిత్స చేయించుకున్న సంగతి తెలిసిందే. ఇక ఐపీఎల్ లో రాహుల్ ఫీల్డింగ్ చేస్తూ గాయపడగా లండన్ లో శస్త్ర చికిత్స చేయించుకున్నాడు. ప్రస్తుతం వీరిద్దరూ కూడా పూర్తి స్థాయిలో ఫిట్ నెస్ సాధించారని తెలుస్తుంది. ఇటీవలే NCA లో వీరిద్దరూ ప్రాక్టీస్ చేసిన వీడియో సోషల్ మీడియాలో వైరల్ గా మారింది. ఈ స్టార్ ప్లేయర్లు వరల్డ్ కప్ లో చోటు దక్కాలంటే ఆసియా కప్ లో సెలక్ట్ అవ్వడంతో పాటు వ్యక్తిగతంగా రాణించాల్సి ఉంటుంది. మరి చూద్దాం ద్రావిడ్ హింట్ ఇచ్చినట్లుగా అయ్యర్, రాహుల్ ఆసియా కప్ లో ఆడతారేమో చూడాలి. ఈ విషయంలో మీ అభిప్రాయాలను కామెంట్ల రూపంలో తెలపండి.
