follow us:
ఆటల్లో భాగంగా ఆటగాళ్లకు గాయాలు కావడం సహజమే. కానీ ఆట మధ్యలో ఉండగా దెబ్బలు తాకడం మాత్రం అరుదనే చెప్పాలి. గాయం అయినా కానీ పట్టు విడవకుండా పోరాడేవాడే విజేత. అలాంటి పోరాట యోధులనే విజయాలు వరిస్తాయి. తాజాగా అలాంటి ఓ పోరాటాన్నే కొనసాగించాడు రఫేల్ నాదల్. ప్రస్తుతం ఈ స్పెయిన్ బుల్ యూఎస్ ఓపెన్ లో ఆడుతున్న సంగతి తెలిసిందే. ఈ క్రమంలోనే అతడికి గాయం అయ్యింది. ఈ వార్తకు సంబంధించి మరిన్నివివరాల్లోకి వెళితే..
రఫేల్ నాదల్.. స్పెయిన్ బుల్ గా టెన్నిస్ అభిమానులు ముద్దుగా పిలుచుకుంటారు. ఇక అతడు కోర్టు లోకి అడుగు పెట్టాడు అంటే ప్రత్యర్థి గుండెల్లో వణుకు పుట్టాల్సిందే. ఇక మట్టి కోర్టులో ఇతడిని ఓడించలేరు అంటే అతిశయోక్తి కాదు. అంతలా అతడు ఆ కోర్టులపై పట్టు సాధించాడు. ప్రస్తుతం రఫేల్ యూఎస్ ఓపెన్ లో ఆడుతున్నాడు. ఇప్పటికే రెండో రౌండ్ కు చేరుకుని తన సత్తా చూపిస్తున్నాడు. ఈ క్రమంలోనే రెండో రౌండ్ లో ఇటలీ ఆటగాడు ఫాబియో ఫోగ్నినితో తలపడ్డాడు. రఫేల్ తన తొలి సెట్ ను 2-6తో ఓడిపోయాడు. కానీ తర్వాత సెట్లలో పుంజుకుని ప్రత్యర్థికి చుక్కలు చూపించాడు. వరుస సెట్లను 6-4, 6-2తో గెలుచుకుని ఫాబియో పై ఆధిపత్యం చలాయించాడు. ఇక నిర్ణయాత్మకమైన నాలుగో సెట్ ఆడుతుండగా షాట్ కొట్టేందుకు ప్రయత్నించగా అతడి రాకెట్ స్పీడ్ గా అతడి ముక్కుకు తాకింది.
ఆ బాధతో రాకెట్ ను పక్కకు పడేసి బాధతో వెళ్లి కోర్టులో పడుకున్నాడు. గాయం కారణంగా అతడి ముక్కు నుంచి రక్తం కూడా కారింది. దీంతో మెడికల్ విరామ సమయంలో ప్రాథమిక చికిత్స చేయించుకుని మరి మ్యాచ్ ను ప్రారంభించాడు. ఓ వైపు గాయం బాధ పెడుతున్నప్పటికీ నాలుగో సెట్ ను 6-1 తో ప్రత్యర్థిని చిత్తు చేశాడు. ఈ విజయంతో నాదల్ యూఎస్ మూడో రౌండ్ కు దూసుకెళ్లాడు. గాయం అయినప్పటికీ తన పోరాట పటిమను చూపించిన నాదల్ ప్రపంచ వ్యాప్తంగా ప్రశంసలు కురుస్తున్నాయి. ప్రస్తుతం ఈ వీడియో నెట్టింట వైరల్ గా మారడంతో అతడి అభిమానులు నాదల్ త్వరగా రికవరీ కావాలని కోరుకుంటున్నారు. గాయం అయినప్పటికీ తన పోరాటాన్ని మాత్రం నాదల్ విడవలేదు. మరి రక్తం కారుతున్నా మ్యాచ్ కొనసాగించడంపై మీ అభిప్రాయాలను కామెంట్స్ రూపంలో తెలియజేయండి.
Nadal is down and BLEEDING after a self-falcon busted himself open 😳🩸
🖥️ The US Open | LIVE on 9Gem, 9Now and Stan Sport.#USOpen #Tennis pic.twitter.com/SBB1ltZLs1
— Wide World of Sports (@wwos) September 2, 2022
