యార్కర్లతో లసిత్ మలింగను గుర్తుచేసిన పాకిస్తాన్ బౌలర్!

‘యార్కర్‌ కింగ్‌’ లసిత్ మలింగ గురుంచి క్రికెట్ ప్రపంచంలో తెలియని వారుండరు. భిన్న రంగులతో.. రింగులు తిరిగిన జుట్టు, బంతిని ముద్దాడిన తర్వాతే మొదలయ్యే రనప్, గతంలో ఎన్నడూ చూడని ‘రౌండ్‌ ఆర్మ్‌’ బౌలింగ్‌ యాక్షన్‌ మలింగను సగటు క్రికెట్‌ అభిమాని భిన్నంగా గుర్తు పెట్టుకునేలా చేశాయి. ముఖ్యంగా ‘45 డిగ్రీల’ యాక్షన్‌ కారణంగా మలింగ వేసే యార్కర్లు బుల్లెట్లలా దూసుకొస్తుంటే ఆడలేక బ్యాట్స్‌మెన్‌ బౌల్డ్ అవ్వడం లెక్కలేనన్ని సార్లు జరిగింది. ఇపుడు ఇవన్నీ ఎందుకంటారా?. లసిత్ మలింగలాగా యార్కర్లతో బ్యాట్స్‌మెన్‌ ని ఇబ్బందిపెడుతున్న మరో బౌలర్ తెరమీదకు వచ్చాడు.

టీ20 ఫార్మాట్ లో ఐపీఎల్, బిగ్ బాష్ కు బాగా ఆదరణ లభించడంతో పాకిస్తాన్ క్రికెట్ బోర్డు సైతం.. పాకిస్తాన్ సూపర్ లీగ్ (పీఎస్ఎల్) ని నిర్వహిస్తున్న విషయం తెలిసిందే. ప్రస్తుత పీఎస్ఎల్ ఎడిషన్ చివరి దశకు చేరుకుంది. మరో మ్యాచ్ మాత్రమే మిగిలివుంది. ఆదివారం (ఫిబ్రవరి 27)న మహమ్మద్ రిజ్వాన్ కెప్టెన్సీలోని ముల్తాన్ సుల్తాన్స్ జట్టు, షాహిద్ ఆఫ్రిది అల్లుడు షాహీన్ఆఫ్రిది కెప్టెన్ గా వ్యవహరిస్తున్న లాహోర్ ఖలందార్స్ జట్టు ఫైనల్ లో తలపడనుంది.

ఈ క్రమంలో పెషావర్ జల్మీ, ఇస్లామాబాద్ యునైటెడ్ మధ్య జరిగిన ఎలిమినేటర్ మ్యాచులో ఒక సంఘటన ఆసక్తికరంగా మారింది. మొదటగా బ్యాటింగ్ చేసిన పెషావర్ జట్టు నిర్ణీత 20 ఓవర్లలో 169 పరుగులు చేసింది. అనంతరం 170 లక్ష్యంతో బరిలోకి దిగిన యునైటెడ్ జట్టు 13 ఓవర్లు ముగిసే సమయానికి 2 వికెట్లు మాత్రమే కోల్పోయి 106 పరుగులతోపటిష్ఠ స్థితిలో ఉంది.14 వ ఓవర్ వేయడానికి బంతి అందుకున్నపెషావర్ బౌలర్ సల్మాన్ ఇర్షాద్ ఆ ఓవర్ చివరి బంతికి.. ఇస్లామాబాద్ బ్యాట్స్‌మెన్‌ అలెక్స్ హేల్స్ ని అవుట్ చేసిన తీరు శ్రీలంక సీనియర్ బౌలర్ లసిత్ మలింగాను గుర్తు చేసింది.

HASEEN NAZZARA 😍@Salman150kph gets another breakthrough 👌🏼 #HBLPSL7 l #LevelHai l #PZvIU pic.twitter.com/JF5t9kJwAE

— PakistanSuperLeague (@thePSLt20) February 24, 2022

మలింగా వేసే యార్కర్లు బుల్లెట్లలా.. ఎలా దూసుకొస్తాయో మనందరకి తెలిసిన విషయమే. కనీసం బ్యాట్స్‌మెన్‌ కు.. బాల్ వికెట్ తాకకుండా.. బ్యాట్ అడ్డుపెట్టే అవకాశం కూడా ఇవ్వడు. క్లీన్ బౌల్డ్ అవ్వాల్సిందే. సేమ్ టూ సేమ్ సల్మాన్ ఇర్షాద్ అదే యాంగిల్ తో.. అదే యార్కర్ తో అలెక్స్ హేల్స్ ను అవుట్ చేశాడు. అందుకు సంబంధించిన వీడియోను అభిమానులు ట్విట్టర్లో పోస్టులు పెడుతూ వైరల్ చేస్తున్నారు. ‘బాల్ ఆఫ్ ది టోర్నమెంట్’, స్పీడ్‌స్టర్ మలింగ-ఎస్క్యూ యార్కర్, మరో మలింగా అంటూ అభిమానులు కామెంట్లు పెడుతున్నారు. మరీ మీరు ఈ వీడియోపై ఓ లుక్కేసి మీ అభిప్రాయాన్ని కామెంట్ రూపంలో తెలియజేయండి.

KAMAAL YORKER 👌🏼 #HBLPSL7 l #LevelHai l #PZvIU pic.twitter.com/GKRKNNq8a2

— PakistanSuperLeague (@thePSLt20) February 24, 2022