వివాదాస్పదమైన బౌలింగ్‌ యాక్షన్‌! స్టార్‌ క్రికెటర్‌ సస్పెన్షన్‌

గంటలకు 150 కిలో మీటర్ల వేగంతో బంతులేస్తూ.. అనతి కాలంలోనే ప్రపంచ క్రికెట్‌ దృష్టిని ఆకర్షించిన యువ పేసర్‌పై సస్పెన్షన్‌ వేటు పడింది. పాక్ పేసర్ మహ్మద్ హస్నైన్ బౌలింగ్ యాక్షన్‌ నిబంధనలకు విరుద్ధంగా ఉందని, అతనిని బౌలింగ్ నుంచి సస్పెండ్ చేసినట్లు పాకిస్తాన్ క్రికెట్ బోర్డు శుక్రవారం తెలిపింది. ఆస్ట్రేలియాలో ఇటీవల ముగిసిన బిగ్ బాష్ లీగ్‌లో హస్నైన్ బౌలింగ్ యాక్షన్‌ను అంపైర్లు నిషేధించారు. హస్నైన్ తన బౌలింగ్ యాక్షన్‌ను క్లియర్ చేసే వరకు, అతను అంతర్జాతీయ క్రికెట్‌లో బౌలింగ్ చేయకుండా సస్పెండ్ చేశారు.

పీసీబీ తన సొంత బౌలింగ్ నిపుణుల నివేదికతో సస్పెన్షన్‌ నిర్ణయం తీసుకుంది. 21 ఏళ్ల హస్నైన్ లాహోర్‌లోని ఐసీసీ గుర్తింపు పొందిన బయోమెకానిక్స్ ల్యాబొరేటరీలో పరీక్ష చేయించుకున్నాడు. ఒకప్పుడు కరేబియన్ ప్రీమియర్ లీగ్‌లో 155 కిలో మీటర్ల వేగంతో బౌలింగ్‌ చేసిన హస్నైన్, 2019లో పాకిస్తాన్‌లో అరంగేట్రం చేసిన తర్వాత ఎనిమిది వన్డేలు, 18 టీ20 మ్యాచ్‌లు ఆడాడు. మరి హస్నైన్‌ బౌలింగ్‌ యాక్షన్‌పై మీ అభిప్రాయాలను కామెంట్ల రూపంలో తెలియజేయండి.

PCB statement on Mohammad Hasnain

Read details here ⤵️ https://t.co/w3TogrDUje

— PCB Media (@TheRealPCBMedia) February 4, 2022