రషీద్ ఖాన్ కు చుక్కలు చూపించిన సన్ రైజర్స్ బ్యాటర్! ఒకే ఓవర్ లో ఏకంగా 28 రన్స్..

రషీద్ ఖాన్.. టీ20 క్రికెట్ లో అత్యంత ప్రతిభావంతమైన బౌలర్ గా ప్రసిద్దికెక్కాడు. తన పదునైన స్పిన్ తో బ్యాట్స్ మెన్ ను ముప్పుతిప్పలు పెట్టి మూడు చెరువుల నీరు తాగించగల సమర్థుడు. రషీద్ ఖాన్ ఒక్కడి వల్లే ఆఫ్ఘనిస్తాన్ జట్టుకు ప్రపంచ వ్యాప్తంగా క్రికెట్ లో గుర్తింపు దక్కింది అనడంలో ఎలాంటి అతిశయోక్తిలేదు. మరి అంతటి ఘనాపాటి బౌలర్ కు చుక్కలు చూపించాడు ఓ కుర్ర బ్యాటర్. ప్రస్తుతం రషీద్ ఖాన్ సౌతాఫ్రికా టీ20 లీగ్ లో ముంబై కేప్ టౌన్ టీమ్ కు ప్రాతినిధ్యం వహిస్తున్నాడు. తాజాగా జరిగిన మ్యాచ్ లో సన్ రైజర్స్ ఈస్టర్న్ కేప్ బ్యాటర్ మార్కో జాన్సెన్.. రషీద్ బౌలింగ్ ను ఊచకోత కోశాడు. ఒకే ఓవర్లో ఏకంగా 28 పరుగులు పిండుకున్నాడు.

రషీద్ ఖాన్.. టీ20 స్పెషలిస్ట్ బౌలర్ గా వరల్డ్ వైడ్ గా మంచి గుర్తింపు పొందాడు. అయితే గత కొంత కాలంగా అతడు అనుకున్నంతగా రాణించలేకపోతున్నాడు. ప్రస్తుతం సౌతాఫ్రికా టీ20 లీగ్ లో ముంబై కేప్ టౌన్ కు ఆడుతున్న రషీద్ దారాళంగా పరుగులు సమర్పించుకుంటున్నాడు. తాజాగా సన్ రైజర్స్ ఈస్టర్న్ తో జరిగిన మ్యాచ్ లో భారీగా రన్స్ సమర్పించుకున్నాడు. ఈ మ్యాచ్ లో నాలుగు ఓవర్లు పూర్తి చేసి కేవలం ఒకే ఒక్క వికెట్ తీసి 53 పరుగులు సమర్పించుకున్నాడు. ముఖ్యంగా రషీద్ వేసిన ఇన్నింగ్స్ 16వ ఓవర్ లో సన్ రైజర్స్ బ్యాటర్ మర్కో జాన్సెన్ తన విశ్వరూపం చూపించాడు. ఈ ఓవర్లో 4 సిక్స్ లు, ఓ ఫోర్ బాది ఏకంగా 28 పరుగులు పిండుకున్నాడు జాన్సెన్.

ఈ ఒక్క ఓవరే మ్యాచ్ ను సన్ రైజర్స్ వైపు తిప్పింది. ఇక ఈ మ్యాచ్ లో సన్ రైజర్స్ఈస్టర్న్ 2 వికెట్ల తేడాతో విజయం సాధించింది. ఈ మ్యాచ్ లో జాన్సెన్ తన విశ్వరూపాన్ని చూపించాడు. జాన్సెన్ కేవలం 27 బంతుల్లోనే 3 ఫోర్లు, 7 సిక్సర్లతో 66 పరుగులు చేసి విజయంలో కీలక పాత్ర పోషించాడు. రషీద్ ఖాన్ ఓవర్ కు సంబంధించిన వీడియోను సౌతాఫ్రికా టీ20 లీగ్ ట్విట్టర్ లో షేర్ చేసింది. దాంతో ఈ వీడియో నెట్టింట వైరల్ గా మారింది. మరి రషీద్ ఖాన్ బౌలింగ్ లో విధ్వంసం సృష్టించిన జాన్సెన్ పై మీ అభిప్రాయాలను కామెంట్స్ రూపంలో తెలియజేయండి.

Some clean hitting by Marco Jansen as he smashes 2⃣8⃣ runs off the Rashid over 🚀#Betway #SA20 #MICTvSEC | @Betway_India pic.twitter.com/504jSzfqXf

— Betway SA20 (@SA20_League) January 18, 2023