కోహ్లీపై ఆ దేశ క్రికెట్ సెటైరికల్ ట్వీట్.. ఫ్యాన్స్ ఆగ్రహం!

విరాట్ కోహ్లీ.. టీమిండియా తరఫున అద్భుతమైన రికార్డులు సెట్ చేసిన క్రికెటర్లలో ఒకడు. అలాంటిది 2019 నవంబరు తర్వాత దాదాపు మూడేళ్ల పాటు ఒక్కటంటే ఒక్క సెంచరీ చేయలేకపోయాడు. దీంతో చిన్నా లేదు పెద్దా లేదు ప్రతి ఒక్కరూ కోహ్లీని ట్రోల్ చేసినా వాళ్లే. చివరకు అభిమానులు కూడా విరాట్ ఫామ్ చూసి తట్టుకోలేకపోయారు. అసలు ఎందుకిలా ఆడుతున్నాడు. తిరిగి ఫామ్ అందుకుంటాడా? ఒకవేళ అందుకుంటే సెంచరీ ఎప్పుడు కొడతాడు లాంటి క్వశ్చన్స్ తో తెగ వెయిట్ చేశారు. అయితే గతేడాది ఆసియాకప్ లో సెంచరీ కొట్టిన కోహ్లీ.. రీసెంట్ గానే వన్డేల్లోనూ శతకాలు బాదుతూ ఫామ్ లోకి వచ్చేశాడు. ప్రస్తుతం ఆస్ట్రేలియాతో టెస్టు సిరీస్ ఆడుతూ పలు రికార్డులు క్రియేట్ చేస్తున్నాడు.

ఇక వివరాల్లోకి వెళ్తే.. ఆస్ట్రేలియాతో టెస్టు సిరీస్ లో భాగంగా ఓ అరుదైన రికార్డును కోహ్లీ క్రాస్ చేశాడు. అంతర్జాతీయ కెరీర్ లో 25 వేల పరుగుల మైలురాయిని అందుకున్న కోహ్లీ.. 549 ఇన్నింగ్స్ ల్లోనే ఈ మార్క్ అందుకుని సచిన్ రికార్డును బద్దలు కొట్టాడు. అత్యంత వేగంగా ఈ ఘనత సాధించిన క్రికెటర్ గా నిలిచాడు. కోహ్లీ వరకు తను బాగానే ఆడుతున్నాడు. రెండో టెస్టులో ఆస్ట్రేలియాపై మొత్తంగా 64 పరుగులు చేసిన కోహ్లీ.. జట్టు విజయంలోనూ తన వంతు పాత్ర పోషించాడు. దీంతో టెస్టు సిరీస్ లో భారత్ 2-0తో ఆధిక్యంలోకి వెళ్లింది. ఈ క్రమంలోనే విరాట్ అభిమానులు ఫుల్ హ్యాపీగా ఉన్నారు. ఇలాంటి టైంలో కోహ్లీ ఫామ్, సెంచరీపై ఐస్ లాంట్ క్రికెట్ ట్వీట్ చేసింది. ఫ్యాన్స్ కు చిర్రెత్తుకొచ్చేలా చేసింది.

విరాట్ కోహ్లీ ఇప్పటివరకు 74 సెంచరీలు చేశాడు. వన్డేల్లో 46, టెస్టుల్లో 27, టీ20ల్లో ఒకటి ఉన్నాయి. అయితే వన్టే, టీ20ల్లో చివరగా గతేడాది శతకాలు చేశాడు. టెస్టుల్లో మూడంకెల స్కోరు అందుకుని దాదాపు మూడున్నరేళ్లు దాటిపోయింది. చివరగా 2019లో కోల్ కతాలో బంగ్లాదేశ్ తో జరిగిన రెండో టెస్టులో కోహ్లీ సెంచరీ చేశాడు. మొత్తం 136 రన్స్ సాధించాడు. ఇప్పుదు దీన్నే గుర్తుచేసిన ఐస్ లాండ్ క్రికెట్.. ‘ఈ గణాంకాలు భారత ఫ్యాన్స్ కు అంతగా నచ్చకపోవచ్చు కానీ కోహ్లీ గత 23 టెస్టుల్లో ఒక్క సెంచరీ కూడా చేయలేదు. చివరగా 2019లో చేశాడు. చాలా కాలం అంటే చాలా కాలమైపోయింది కదా?’ అని ట్వీట్ చేసింది. దీన్ని చూసిన ఫ్యాన్స్ రెచ్చిపోతున్నారు. ‘ఇలాంటి పిచ్చిపిచ్చి పోస్టులు పెడితే అస్సలు బాగోదు’ అని హెచ్చరిస్తున్నారు. అయితే కోహ్లీపై ట్వీట్ చేసి పబ్లిసిటీ పొందాలనే ప్రయత్నం ఐస్ లాండ్ క్రికెట్ చేస్తోందని పలువురు నెటిజన్స్ మండిపడుతున్నారు.

This statistic won’t please many of our Indian fans, but it is now 23 Tests since Virat Kohli scored a century, which was back in 2019. How long is too long?

— Iceland Cricket (@icelandcricket) February 21, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.