India vs West Indies: ఇంగ్లాండ్ ని మించిన ఇండియన్ బజ్ బాల్ గేమ్! ఎలాగంటే!

ఓ వైపు వరుణుడు అంతరాయం, మరో వైపు వెస్టిండీస్ జిడ్డు బ్యాటింగ్ దీంతో రెండో టెస్టు డ్రా దిశగా వెళ్తుంది. అయితే ఈ సమయంలోనే టీమిండియా జూలు విదిల్చింది. ధనాధన్ బ్యాటింగ్ తో విండీస్ జట్టుకి చుక్కలు చూపించింది. టీ 20 తరహాలో చెలరేగి ఆడుతూ రెండో టెస్టుని ఆసక్తికరంగా మార్చింది. కేవలం 24 ఓవర్లకే ఇన్నింగ్స్ ని డిక్లేర్ చేసి విండీస్ కి ఛాలెంజ్ విసిరి అసలైన బజ్ బాల్ గేమ్ ఎలా ఉంటుందో ప్రపంచానికి తెలియజేసింది. టెస్ట్ క్రికెట్ ఎప్పుడు ఎలా ఆడాలో చాటి చెప్పింది. ఈ సిరీస్ లో ఇప్పటివరకు నత్త నడకన ఆచి తూచి బ్యాటింగ్ చేసిన టీమిండియా ఒక్కసారిగా విధ్వంసం సృష్టించి మ్యాచ్ లో పట్టు సాధించడమే కాదు పలు రికార్డుల నమోదు చేసింది. ఆ రికార్డులేంటో ఇప్పుడు చూద్దాం.

మొన్నటివరకు బజ్ బాల్ గేమ్ అంటే ఇంగ్లాండ్ కి మాత్రమే సాధ్యం అనుకున్నారంతా. అయితే టీమిండియా మాత్రం కేవలం 24 ఓవర్లలో 184 చేసి రెండో ఇన్నింగ్స్ ని డిక్లేర్ చేసి అసలైన బజ్ బాల్ మజా చూపించింది. పలుమార్లు వర్షం అంతరాయం కలిగించిన ఏ మ్యాచులో భారత్ గేర్ మార్చక తప్పలేదు. ఈ క్రమంలో కేవలం 12.2 ఓవర్లలోనే 100 పరుగుల మార్క్ ని టచ్ చేసి ప్రపంచ రికార్డ్ నమోదు చేసింది. ఓపెనర్లు జైస్వాల్ (38), రోహిత్ శర్మ(57) తొలి ఓవర్ నుంచే బౌండరీల వర్షం కురిపించారు. ఇక ఆ తర్వాత వచ్చిన యువ బ్యాటర్లు కిషన్, గిల్ కూడా బ్యాట్ ఝళిపించడంతో విండీస్ ముందు 365 పరుగుల భారీ టార్గెట్ ని సెట్ చేసింది. ఈ మ్యాచులో ఇషాన్ కిషాన్ 33 బంతుల్లో హాఫ్ సెంచరీ చేయడం విశేషం. దీంతో రిషబ్ పంత్( 28 బంతుల్లో) తర్వాత వేగంగా హాఫ్ సెంచరీ చేసిన రెండో భారత వికెట్ కీపర్ గా నిలిచాడు.

కీమర్ రోచ్ బౌలింగ్‌లో ఇషాన్ కిషన్ వరుసగా రెండు సిక్సర్లతో హాఫ్ సెంచరీ అందుకోగానే ఇన్నింగ్స్ డిక్లేర్ చేస్తున్నట్టు ప్రకటించాడు రోహిత్ శర్మ. ఇక లక్ష్య ఛేదనలో విండీస్ కి వరుణుడు కాస్త సహాయం చేసినా నాలుగో రోజు ఆట ముగిసే సమయానికి 2 వికెట్లకు 76 పరుగులు చేసింది. క్రీజ్ లో చంద్ర పాల్ (24),బ్లాక్ వుడ్ (20) ఉన్నారు. ఇక చివరి రోజు భారత్ గెలవాలంటే 8 వికెట్లు తీయాల్సి ఉంది. మరో వైపు విండీస్ విజయానికి 289 పరుగులు కావాల్సి ఉంది. వర్షం అంతరాయం కలిగించకపోతే ఈ మ్యాచులో భారత్ బౌలింగ్ ని అడ్డుకోవడం విండీస్ జట్టుకి శక్తికి మించిన సవాలే. మొత్తానికి టీమిండియా రెండో ఇన్నింగ్స్ లో ఇంత వేగంగా ఆడడం మీకేవిధంగా అనిపించిందో కామెంట్ల రూపంలో తెలపండి.

 

View this post on Instagram

 

A post shared by Cricket Addictor (@cricaddictor)