IND vs ZIM 2nd ODI: భారత బ్యాటర్లకు చుక్కలు చూపిన జింబాబ్వే.. అతి కష్టం మీద..

తొలి వన్డేలో మీసం మెలేసేలా.. వికెట్ కోల్పోకుండా లక్ష్యాన్ని చేధించిన టీమిండియా రెండో వన్డేలో చచ్చీ చేడి, పడుతూ లేస్తూ గెలిచింది. 162 పరుగుల స్వల్ప లక్ష్యం.. అది కూడా పసికూన జింబాబ్వేతో. తొలి వన్డేలోలానే సునాయాసంగా విజయం సాధిస్తారనుకుంటే.. గెలిచాం చాలు అనేవరకు తీసుకొచ్చారు. మొత్తానికి 5 వికెట్ల తేడాతో విజయం అందుకున్న భారత జట్టు, వన్డే సిరీస్‌ని 2-0 తేడాతో కైవసం చేసుకుంది.

ఆరు నెలల తర్వాత తిరిగి జట్టులోకి వచ్చిన కెప్టెన్‌ కేఎల్‌ రాహుల్‌ నిరాశపరిచాడు. తొలి వన్డేలో ఓపెనర్‌గా రాని రాహుల్, రెండో వన్డేలో ఓపెనర్‌గా వచ్చి కేవలం ఒక్క పరుగు మాత్రమే చేసి పెవిలియన్‌కు చేరాడు. ఈ క్రమంలో జింబాబ్వేపై అత్యల్ప స్కోరు చేసిన భారత కెప్టెన్‌గా చెత్త రికార్డు నెలకొల్పాడు. ఆ తరువాత ధావన్(33), ఇషాన్ కిషన్(6), శుబ్‌మన్ గిల్(34) వెనువెంటనే పెవిలియన్ చేరారు. దీంతో 97 పరుగులకే 4 వికెట్లు కోల్పోయింది భారత జట్టు. ఆపై దీపక్ హుడా(25)ని సికందర్ రజా బౌల్డ్ చేశాడు. ఈ క్రమంలో సంజూ శాంసన్ (43 నాటౌట్) మరోసారి సత్తాచాటాడు. ఒక పక్క వికెట్లు పడుతున్నా తనదైన ఆటతీరుతో ఆకట్టుకున్నాడు. 26వ ఓవర్లో భారత విజయానికి ఒక్క పరుగు అవసరం కాగా.. సిక్సర్‌తో విజయాన్ని అందించాడు.

✅ First ODI ➜ won by 10 wickets
✅ Second ODI ➜ won by 5 wickets

India take an unassailable 2-0 lead in the series 🙌 #ZIMvIND 📝 https://t.co/dV3ZONQK2f pic.twitter.com/S5Z6vgzewx

— ESPNcricinfo (@ESPNcricinfo) August 20, 2022

అంతకుముందు టాస్ ఓడి తొలుత బ్యాటింగ్ చేసిన జింబాబ్వే 38.1 ఓవర్లలో 161 పరుగులకే ఆలౌట్ అయ్యింది. ఆరంభ ఓవర్లలో సిరాజ్, ప్రసిద్ధ్ కృష్ణ కట్టుదిట్టమైన బౌలింగ్‌ చేయడంతో జింబాబ్వే బ్యాటర్లు పరుగులు చేయడానికి తెగ ఇబ్బంది పడ్డారు. కైటానో (7), ఇన్నొసెంట్ కాయా (16), మధెవెరె (2), రెగీస్ చాకబ్వా (2).. వెంటవెంటనే పెవిలియన్ బాట పట్టడంతో 31 పరుగులకే 4 వికెట్లు కోల్పోయింది జింబాబ్వే. ఈ దశలో సికిందర్ రజా, సీన్ విలియమ్స్ కలిసి కాసేపు వికెట్ల పతనాన్ని అడ్డుకున్నారు. ఈ ఇద్దరూ ఐదో వికెట్‌కి 41 పరుగుల భాగస్వామ్యం నెలకొల్పారు. భారత బౌలర్లలో శార్దూల్ ఠాకూర్ 3 వికెట్లు తీసుకోగా.. సిరాజ్, ప్రసిద్ధ్ కృష్ణ, అక్షర్ పటేల్, కుల్దీప్ యాదవ్, దీపక్ హుడా తలో వికెట్ తీసుకున్నారు. ఇక.. ఆఖరి వన్డే ఆగస్టు 22న జరగనుంది. టీమిండియా విజయంపై మీ అభిప్రాయాలను కామెంట్ల రూపంలో తెలియజేయండి.

Sanju Samson is adjudged Player of the Match for his match winning knock of 43* as India win by 5 wickets.

Scorecard – https://t.co/6G5iy3rRFu #ZIMvIND pic.twitter.com/Bv8znhTJSM

— BCCI (@BCCI) August 20, 2022

ఇదీ చదవండి: వీడియో: ఇషాన్‌ కిషన్‌పై అక్షర్‌ పటేల్‌ ఆగ్రహం.. గ్రౌండ్‌లో తిట్టిపోస్తూ..!

ఇదీ చదవండి: వీడియో: బైక్ పై తిరుగుతూ మీడియా కంటికి చిక్కిన విరాట్ కోహ్లీ, అనుష్క శర్మ..!