గంభీర్‌-ఊతప్ప విశ్వరూపం.. పాక్‌ బౌలర్లను ఉతికి ఆరేశారు!

టీమిండియా మాజీ క్రికెటర్‌ గౌతమ్‌ గంభీర్‌ మరోసారి పాక్‌ బౌలర్లను కసితీరా బాదాడు. అంతర్జాతీయ క్రికెట్‌లో కొనసాగినంత కాలం.. పాక్‌తో మ్యాచ్‌ అంటే అదేదో యుద్ధంలా భావించి ఆడే గంభీర్‌.. ఆట నుంచి రిటైర్‌ అయినా కూడా తన పంథా మార్చుకోలేదు. వచ్చిందే ఛాన్స్‌ అన్నట్లు మరోసారి పాకిస్థాన్‌ బౌలింగ్‌ ఎటాక్‌పై విరుచుకుపడ్డాడు. అందుకు గంభీర్‌ ఓపెనింగ్‌ పార్ట్నర్‌ రాబిన్‌ ఊతప్ప కూడా జతకలిశాడు. ఇద్దరూ కలిసి పాక్‌ బౌలింగ్‌ ఎటాక్‌ను ఊచకోత కోశారు. మాజీ క్రికెటర్లంతా కలిసి లెజెండ్స్‌ లీగ్‌ క్రికెట్‌ టోర్నీ ఆడుతున్న విషయం తెలిసిందే. ఈ ఏడాది ఇండియా మహరాజాస్‌కు గౌతమ్‌ గంభీర్‌ కెప్టెన్‌గా వ్యవహరిస్తున్నాడు.

మాజీ క్రికెటర్లతో లెజెండ్స్‌ లీగ్‌ క్రికెట్‌ టోర్నీ జరుగుతున్న విషయంతో మార్చి 10న మొదలైన ఈ టోర్నీ 20 వరకు జరుగుతుంది. ఇండియా మహరాజాస్‌, ఆసియా లయన్స్‌, వరల్డ్‌ జెయింట్స్‌ మూడు జట్లు పాల్గొంటున్నాయి. ఇండియా మహరాజస్‌లో గౌతమ్‌ గంభీర్‌, ఊతప్ప, రైనా, కైఫ్‌, యూసుఫ్‌ పఠాన్‌, ఇర్ఫాన్‌ పఠాన్‌, హర్భజన్‌ సింగ్‌, ప్రవీణ్‌ తాంబే, అశోక్‌ దిండా, శ్రీశాంత్‌, మురళీ విజయ్‌తో పాటు మరికొంత మంది మాజీ టీమిండియా క్రికెటర్లు ఉన్నారు. ఆసియా లయన్స్‌లో అఫ్రిదీ, దిల్షాన్‌, అక్తర్‌ మిస్బాఉల్‌ హక్‌తో పాటు మరికొంత మంది మాజీ స్టార్లు ఉన్నారు. ఆసియా లయన్స్‌, వరల్డ్‌ జెయింట్స్‌తో జరిగిన తొలి రెండు మ్యాచ్‌ల్లో ఓడిపోయి నిరాశపర్చిన ఇండియా మహరాజాస్‌ జట్టు, మంగళవారం ఆసియా లయన్స్‌తో జరిగిన మ్యాచ్‌లో దుమ్ములేపింది. ముఖ్యంగా ఓపెనర్లు గౌతమ్‌ గంభీర్‌, రాబిన్‌ ఊతప్ప విశ్వరూపం చూపించారు. ఆసియా లయన్స్‌లోని పాక్‌ బౌలర్లను ఊచకోత కోస్తూ.. అదరగొట్టారు.

ఈ మ్యాచ్‌లో తొలుత బ్యాటింగ్‌ చేసిన ఆసియా లయన్స్‌ నిర్ణీత 20 ఓవర్లలో 5 వికెట్ల నష్టానికి 157 పరుగులు చేసింది. ఓపెనర్‌ తరంగా 69 పరుగులుతో రాణించాడు. దిల్షాన్‌ సైతం 32 పరుగులు చేసి పర్వాలేదనిపించాడు. చివర్లో అబ్దుల్‌ రజాక్‌ 17 బంతుల్లో 2 ఫోర్లు, 2 సిక్సులతో 27 రన్స్‌ చేసి అదరగొట్టడంతో ఆసియా లయన్స్‌కు ఆ స్కోర్‌ దక్కింది. ఇండియా మహరాజాస్‌ బౌలర్లో రైనా 2 వికెట్లు పడగొట్టడం విశేషం. అలాగే బిన్నీ, హర్భజన్‌ సింగ్‌, తాంబే తలో వికెట్‌ తీసుకున్నారు. 158 పరుగుల లక్ష్యఛేదనకు బరిలోకి దిగిన ఇండియా మహరాజాస్‌.. కేవలం 12.3 ఓవర్లలోనే మ్యాచ్‌ను ముగించింది. ఓపెనర్లు గంభీర్‌, ఊతప్ప పాక్‌ బౌలర్లపై విరుచుకుపడ్డారు.

ఊతప్ప 39 బంతుల్లో 11 ఫోర్లు, 5 సిక్సులతో 88 పరుగులు చేసి నాటౌట్‌గా నిలవగా, గంభీర్‌ 36 బంతుల్లో 12 ఫోర్లతో 61 పరుగులు చేసి నాటౌట్‌గానే నిలిచాడు. 158 లక్ష్యాన్ని ఒక్క వికెట్‌ కూడా కోల్పోకుండా ఓపెనర్లే ఊదిపడేశారు. ఆసియా బౌలర్లలో సోహెల్‌ తన్వీర్‌ 2 ఓవర్లలో 22 పరుగులు, మొహమ్మద్‌ ఆమీర్‌ 3 ఓవర్లలో 29, మొహమ్మద్‌ హఫీజ్‌ 2 ఓవర్లలో 33, అబ్దుల్‌ రజాక్‌ 2 ఓవర్లలో 24, షోయబ్‌ అక్తర్‌ ఒక్క ఓవర్‌లో 12 పరుగులు సమర్పించుకున్నారు. ఇలా ఒక్కప్పటి పాకిస్థాన్‌ సూపర్‌ బౌలింగ్‌ ఎటాక్‌ను గంభీర్‌-ఊతప్ప జోడీ చీల్చి చెండాడింది. మరి ఈ మ్యాచ్‌పై అలాగే గంభీర్‌-ఊతప్ప బ్యాటింగ్‌పై మీ అభిప్రాయాలను కామెంట్ల రూపంలో తెలియజేయండి.

Finally! The moment, the return, the rise of the Maharajas! 👑💥

India Maharajas won by 10 wickets in an exciting Match Day 4 of the season! 🎊@VisitQatar #LegendsLeagueCricket #SkyexchnetLLCMasters #LLCT20 #YahanSabBossHain pic.twitter.com/pWyRxxtTxa

— Legends League Cricket (@llct20) March 14, 2023

They came, they fought, they won! 👑@robbieuthappa @GautamGambhir @harbhajan_singh @ParvinderAwana @Bisla36 @IrfanPathan @ImRaina @visitqatar#LegendsLeagueCricket #SkyexchnetLLCMasters #LLCT20 #YahanSabBossHain pic.twitter.com/Qd7b7kzQtd

— Legends League Cricket (@llct20) March 14, 2023

Gambhir and Uthappa chased down 158 in 12.3 overs, to beat Asia Lions by 10 wickets

Scoreboard: https://t.co/8mK10E0Jto#LLCT20 #ALvsIM pic.twitter.com/LHCpPIbrzs

— Cricket Pakistan (@cricketpakcompk) March 14, 2023