సునీల్ ఛ‌త్రికి FIFA అరుదైన గౌరవం! రొనాల్డో, మెస్సీల సరసన..!

ప్రపంచంలో ఫుట్ బాల్ కు ఉన్న ఆదరణ మరే ఏ క్రీడకు ఉండదు. కానీ, మనదేశంలో ఆ క్రీడను ఎంచుకునే ఆటగాళ్లే కరువు. అలాంటి మనదేశంలో ఆణిముత్యంలాంటి వీరుడొక్కడు పుట్టుకొచ్చాడు. అతడి పేరే.. సునీల్ ఛ‌త్రి. ప్రపంచమంతా క్రిస్టియానో రోనాల్డో, లియోనాల్ మెస్సీ అని జపం చేస్తుంటే.. ఆ ఫుట్ బాల్ ప్రపంచాన్ని పాలిస్తున్న ఫిఫా సమాఖ్యనే తన వైపుకు తిప్పుకున్నాడు.. ఛ‌త్రి. ఆటపై అతనికున్న డెడికేషన్ ను, ఆటతీరును మెచ్చుకున్న ఫిఫా.. అతనిపై డాక్యుమెంటరీ తీయడానికి ముందుకొచ్చింది. ఈ నిర్ణయం ప్రపంచాన్ని ఆశ్చర్యపరిచినా.. మన దేశాన్ని మాత్రం గర్వించేలా చేసింది.

భారత ఫుట్ బాల్ కెప్టెన్ సునీల్ ఛ‌త్రి, ప్రస్తుతం అంతర్జాతీయ మ్యాచులలో యాక్టివ్ ప్లేయర్స్ లో అత్యధిక గోల్స్ చేసిన మూడో ఆటగాడు. ఇప్పటివరకు 131 అంతర్జాతీయ మ్యాచుల్లో 84 గోల్స్ చేశాడు. క్రిస్టియానో రొనాల్డో117 గోల్స్ తో అగ్రస్థానంలో ఉండగా.. తర్వాతి స్థానంలో అర్జెంటీనా స్టార్ మెస్సీ 90 గోల్స్ తో రెండో స్థానంలో ఉన్నాడు. ఛత్రి.. రొనాల్డో, మెస్సీలాగా ప్రపంచకప్ లు ఆడకపోవచ్చు.. కానీ అతని ఆటతీరుతో ఒక స్టార్ గా గుర్తింపు పొందాడు. ఈ ఒక్క కారణంతోనే ఫిఫా సునీల్ ఛెత్రిపై డాక్యుమెంటరీ తీయాలని అనుకుంది. ఎవరికి తెలియని సునీల్ ఛత్రి పేరును డాక్యుమెంటరీ తీసి ప్రపంచానికి పరిచయం చేసే బాధ్యతను తీసుకుంది.

message from #SunilChatri
football not just a game this is billion dream so let’s make hai india a football power house#MakeIndiaFootballcountry #football #backTheblue pic.twitter.com/99DlnpQAYo

— sanatani awaaz (@SumerRav) June 2, 2018

ఫుట్ బాల్ కు అంత ఆదరణ చూపని భారతదేశంలో సునీల్ ఛత్రి లాంటి స్ట్రైకర్ ఎలా ఉద్భవించాడు? అతని ఆటతీరును పరిచయం చేస్తూ డాక్యుమెంటరీ కొనసాగుతోంది. ఈ డాక్యుమెంటరీకి ‘కెప్టెన్ ఫెంటాస్టిక్‘ (Captain Fantastic Series) అని పేరు పెట్టిన ఫిఫా ఇటీవలే మొదటి సీజన్ విడుదల చేసింది. మొదటి సీజన్ లో ఛత్రి వ్యక్తిగత, వృత్తిపరమైన జీవితాన్ని వివరించే మూడు ఎపిసోడ్లు ఉన్నాయి. 20 సంవత్సరాల వయస్సులో భారత్ ఫుట్ బాల్ ప్రపంచంలోకి అరంగేట్రం చేసిననాటి నుంచి భారత ఫుట్ బాల్ జట్టు కెప్టెన్ గా ఎదిగేవరకు సాగిన అతని ప్రయాణాన్ని కథనంలా ప్రదర్శించనున్నారు. ఈ మేరకు FIFA ట్విట్టర్ లో ప్రకటన చేసింది. “మీకు రొనాల్డో, మెస్సీ గురించి అన్నీ తెలుసు. ఇప్పుడు మూడవ అత్యధిక స్కోరర్ ని చూడండి..” అని ట్వీట్ చేసింది. ప్రపంచమే గర్వించే స్థాయికి ఎదిగిన ఛత్రి డాక్యుమెంటరీ ప్రతి ఒక్కరూ చూడాలని మనమూ ఆశిద్దాం..

You know all about Ronaldo and Messi, now get the definitive story of the third highest scoring active men’s international.

Sunil Chhetri | Captain Fantastic is available on FIFA+ now 🇮🇳

— FIFA World Cup (@FIFAWorldCup) September 27, 2022

• ఇదీ చదవండి: టీ20లో కూడా ధోనికి టెస్ట్ ఫీల్డింగ్! గంభీర్‌కి ధోని అంటే ఎంత కోపమో ఆ రోజు తెలిసింది!
• ఇదీ చదవండి: SL L VS BAN L: ఇంత వరెస్ట్ ఫీల్డింగ్ మీ జీవితంలో చూసి ఉండరు!