ప్రస్తుతం ప్రపంచ వ్యాప్తంగా టీ20 లీగ్ ల హవా నడుస్తోంది. బంగ్లాదేశ్ ప్రీమియర్ లీగ్, బిగ్ బాష్ లీగ్, ILT 20 లీగ్ లతో పాటు తొలిసారి దక్షిణాఫ్రికా కూడా టీ20 లీగ్ ను నిర్వహిస్తోంది. తాజాగా సౌతాఫ్రికా టీ20 లీగ్ లో భాగంగా జోహన్నెస్ బర్గ్ వేదికగా మంగళవారం జోబర్గ్ సూపర్ కింగ్స్ వర్సెస్ డర్బన్ సూపర్ గెయింట్స్ మధ్య మ్యాచ్ జరిగింది. ఈ మ్యాచ్ లో జోబర్గ్ సూపర్ కింగ్స్ ను ఒంటి చేత్తో గెలిపించాడు డు ప్లెసిస్. ప్రత్యర్థి బౌలర్లపై ఫోర్లు, సిక్స్ లతో విరుచుకుపడ్డాడు డు ప్లెసిస్. ఈ క్రమంలోనే సౌతాఫ్రికా టీ20 లీగ్ లో తన తొలి టీ20 సెంచరీని నమోదు చేసుకున్నాడు.
తొలుత బ్యాటింగ్ చేసిన డర్బన్ సూపర్ గెయింట్స్ నిర్ణీత 20 ఓవర్లలో 6 వికెట్ల నష్టానికి 178 పరుగులు చేసింది. 46 పరుగులకే 3 వికెట్లు కోల్పోయి కష్టాల్లో ఉన్న జట్టును ఆదుకున్నాడు క్లాసెన్. 48 బంతుల్లో 7 ఫోర్లతో 65 పరుగులు చేసి జట్టుకు భారీ స్కోరు ను అందించాడు క్లాసెన్. ఇక మిగతా బ్యాటర్లలో మేయర్స్ (28), బ్రిడ్జ్కే(28), హోల్డర్(28*) పరుగులతో రాణించారు. అనంతరం 179 పరుగుల భారీ లక్ష్యంతో బరిలోకి దిగింది జోబర్గ్ సూపర్ కింగ్స్. ఓపెనర్లు హెండ్రిక్స్-డు ప్లెసిస్ లు సూపర్ గెయింట్స్ బౌలర్లపై ఆది నుంచే ఎదురుదాడికి దిగారు. దాంతో తొలి నుంచే లక్ష్యం వైపు దూసుకెళ్లింది సూపర్ కింగ్స్. తొలి వికెట్ కు 16 ఓవర్లలో 157 పరుగుల జోడించారు హెండ్రిక్స్-డు ప్లెసిస్ జంట.
The maiden #Betway #SA20 CENTURY has been an absolute delight to witness! Faf du Plessis is a man for the big moments 🔥#JSKvDSG | @Betway_India pic.twitter.com/QcZAAYOLU6
— Betway SA20 (@SA20_League) January 24, 2023
ఈ క్రమంలో వికెట్ పడకుండా లక్ష్యం ఛేదిస్తారు అనుకున్న తరుణంలో 45 పరుగుల వ్యక్తిగత స్కోరు వద్ద హెండ్రిక్స్ ను టోప్లేను అవుట్ చేశాడు. అయితే అప్పటికే సూపర్ ఫామ్ లో ఉన్న డు ప్లెసిస్.. ప్రత్యర్థి బౌలర్లను చెడుగుడు ఆడుకున్నాడు. ఫోర్లు, సిక్సర్లతో విరుచుకుపడుతూ.. స్కోరు బోర్డును పరుగులెత్తించాడు. డు ప్లెసిస్ 58 బంతుల్లో 8 ఫోర్లు, 8 సిక్సర్లతో 113 పరుగులతో అజేయంగా నిలిచి.. ఒంటి చేత్తో జోబర్గ్ సూపర్ కింగ్స్ కు విజయాన్ని అందించాడు. 194 స్ట్రైక్ రేట్ తో అతడు ఈ మ్యాచ్ లో బ్యాటింగ్ చేయడం విశేషం. డు ప్లెసిస్ విధ్వంసం కారణంగా మరో నాలుగు బంతులు మిగిలి ఉండగానే లక్ష్యాన్ని ఛేదించింది సూపర్ కింగ్స్ టీమ్. మరి డు ప్లెసిస్ థండర్ ఇన్నింగ్స్ పై మీ అభిప్రాయాలను కామెంట్స్ రూపంలో తెలియజేయండి.
Joburg Super Kings captain Faf du Plessis entered the record books at the Wanderers on Tuesday evening when he struck the maiden century of the #Betway #SA20. Read the full match report here: https://t.co/PeC2jJBkXu@Betway_India pic.twitter.com/lg5mdj5KmP
— Betway SA20 (@SA20_League) January 24, 2023
