follow us:
లార్డ్స్ వేదికగా న్యూజిలాండ్‌తో జ‌రిగిన తొలి టెస్టులో ఇంగ్లాండ్ ఘన విజ‌యం సాధించింది. ఇంగ్లాండ్ మాజీ సారధి జో రూట్ అద్భుత‌మైన సెంచరీ(115 పరుగులు నాటౌట్)తో జట్టుకు విజయాన్ని అందించాడు. అయితే.. ఈ మ్యాచులో రూట్ బ్యాటింగ్ చేస్తున్న క్రమంలో పిచ్‌లో ఓ అద్భుతం జ‌రిగింది. ప్రస్తుతం అందుకు సంబంధించిన వీడియో సోషల్ మీడియాలో వైరల్ గా మారింది.
జో రూట్.. నాన్‌స్ట్ర‌యిక‌ర్ ఎండ్‌లో ఉన్న స‌మ‌యంలో అత‌ని చేతిలోని బ్యాట్ పిచ్‌పై నిల‌బ‌డింది. చేతితో ప‌ట్టుకోకున్నా.. బ్యాట్ క్రీజ్‌లో నిల‌బ‌డి ఉండ‌డం ఆశ్చర్యాన్ని క‌లిగిస్తోంది. బౌల‌ర్ ర‌న‌ప్ తీసుకుంటున్న స‌మ‌యంలో.. రూట్ బ్యూట్ క్రీజ్‌లో ఉన్న తీరు అంద‌రిని ఆక‌ట్టుకుంటోంది. ప్రస్తుతం ఈ వీడియో సోషల్ మీడియాలో తెగ వైరల్ అవుతోంది. ఈ వీడియో చూసిన నెటిజన్లు.. ‘‘రూట్ అత్యంత ప్రతిభావంతుడైన క్రికెటర్‌ అని తెలుసు. కానీ ఇలా మ్యాజిక్ చేస్తాడని తెలియదు. ఇదేదో చేతబడిలా ఉంది’’ అంటూ సరదాగా ట్రోల్‌ చేస్తున్నారు. మరికొందరు మాత్రం.. రూట్ బ్యాట్ బాటమ్‌ ఫ్లాట్‌గా ఉండి ఉంటుంది.. అంతేగానీ అందులో మాయాజాలం ఏమీ లేదంటూ కామెంట్ చేస్తున్నారు.
Seriously is that bat holding itself up or is Joe Root even more of a magician?? @BumbleCricket @root66 #ENGvsNZ pic.twitter.com/bcHVvPngY4
— Webbo (@WebboOne) June 5, 2022
ఇది కూడా చదవండి: Harbhajan: ఆరోజు శ్రీశాంత్ ను కొట్టి చాలా పెద్ద తప్పు చేశాను: హర్భజన్ సింగ్
ఈ మ్యాచ్ ద్వారా జో రూట్.. టెస్టు క్రికెట్‌లో పది వేల పరుగుల చేసిన ఆటగాళ్ల క్లబ్‌లో చేరాడు. ఈ ఘనత సాధించిన రెండో ఇంగ్లీష్ బ్యాటర్ జో రూట్. అంతకుముందు అలెస్టర్ కుక్ (161 టెస్టులలో 12,472 పరుగులు) ఈ రికార్డు అందుకున్నాడు. మొత్తంగా ప్రపంచవ్యాప్తంగా చూసుకుంటే టెస్టులలో పది వేల పరుగులు అందుకున్న 14వ బ్యాటర్ జో రూట్. ఈ జాబితాలో తొలి 13 స్థానాలలో ఉన్న ఆటగాళ్లలో సచిన్ టెండూల్కర్ (15,921), రికీ పాంటింగ్ (13,378), జాక్వస్ కలిస్ (13,289), రాహుల్ ద్రావిడ్ (13,288).. మొదటి నాలుగు స్థానాల్లో ఉన్నారు. రూట్ మ్యాజిక్ పై మీ అభిప్రాయాన్ని కామెంట్స్ రూపంలో తెలియజేయండి.
Joe Root has really turned the tables on his 𝐅𝐚𝐛 𝐅𝐨𝐮𝐫 contemporaries 😮#ENGvsNZ pic.twitter.com/H9EBE5zqoH
— Sport360° (@Sport360) June 6, 2022
Joe Root & Alastair Cook are the real batting twins 🤜🤛#ENGvsNZ pic.twitter.com/pMZaHAcO0C
— Sport360° (@Sport360) June 6, 2022
