follow us:
ఇంగ్లాండ్ స్టార్ బెన్ స్టోక్స్ ఎంత టాలెంటడ్ ప్లేయర్ అనే విషయం ప్రత్యేకంగా చెప్పాల్సిన అవసరం లేదు. అయితే ఇప్పుడు ఈ స్టార్ ఆటగాడిని సాగనంపే ప్రయత్నం చేస్తన్నారనే టాక్ వినిపిస్తుంది.
స్టార్ ప్లేయర్ అని కోట్లుపెట్టి కొంటే చెన్నై జట్టుకి ఊహించని షాక్ ఇచ్చాడు. ఆల్ రౌండర్ గా అదరగొడతానుకుంటే గాయంతో టోర్నీ మొత్తానికి దూరమయ్యాడు. కీలక ప్లేయర్ అని భావిస్తే ఆడిన రెండు మ్యాచుల్లో దారుణంగా విఫలమయ్యాడు.16 కోట్ల 25 లక్షల రూపాయల రికార్డు ధరకు కొనుగోలు చేస్తే 16 పరుగులైనా చేయకుండా తనపై పెట్టుకున్న నమ్మకాన్ని వమ్ము చేసాడు. ఇవన్నీ ఇంగ్లాండ్ స్టార్ ఆటగాడు బెన్ స్టోక్స్ గురించి చెబుతున్న మాటలని ప్రత్యేకంగా చెప్పాల్సిన అవసరం లేదు. ఎన్నో అంచనాల మధ్య చెన్నై జట్టులో ఈ స్టార్ ఆల్ రౌండర్ చేరడంతో జట్టులో కొండంత బలం చేకూరిందని సూపర్ కింగ్స్ ఫ్యాన్స్ భావించారు. కానీ స్టోక్స్ అవసరం లేకుండానే చెన్నై ఐపీఎల్ 2023 టైటిల్ గెలవడంతో ఇప్పుడు ఈ స్టార్ ఆటగాడిని సాగనంపే ప్రయత్నం చేస్తన్నారనే టాక్ వినిపిస్తుంది.
ఇంగ్లాండ్ స్టార్ బెన్ స్టోక్స్ ఎంత టాలెంటడ్ ప్లేయర్ అనే విషయం ప్రత్యేకంగా చెప్పాల్సిన అవసరం లేదు. 2022 ఐపీఎల్ కి దూరంగా ఉన్న స్టోక్స్.. 2023 వేలానికి అందుబాటులోకి వచ్చాడు. 2022 లో పేలవ ప్రదర్శన కనబర్చిన చెన్నై.. ఈ సారి ఈ స్టార్ ఆల్ రౌండర్ మీదే దృష్టి పెట్టింది. స్టోక్స్ ని ఎలాగైనా దక్కించుకోవాలని అతని కోసం ఏకంగా 16 కోట్ల 25 లక్షల రూపాయలను ఖర్చు పెట్టింది. ఇంతవరకు బాగానే ఉన్నా.. స్టోక్స్ ని తీసుకొని ఎంత పెద్ద ప్గపొరపాటు చేశారో లీగ్ ముగిసిన తర్వాత కానీ తెలియలేదు. మొత్తానికి ఈ స్టార్ ప్లేయర్ కి ఇక గుడ్ బై చెప్పాలని భావిస్తుంది. స్టోక్స్ ని వదిలేసి ఆ స్థానంలో ఆస్ట్రేలియా కెప్టెన్ ఫ్యాట్ కమ్మిన్స్ ని తీసుకోవాలని భావిస్తోందట.
ఇటీవలే స్టోక్స్ వన్డే వరల్డ్ కప్ కోసం తన రిటైర్మెంట్ ని వెనక్కి తీసుకున్న సంగతి తెలిసిందే. ఈ క్రమంలో ఈ స్టార్ ఆల్ రౌండర్ వచ్చే ఏడాది ఐపీఎల్ 2024 సీజన్‌కి దూరంగా ఉండాలని నిర్ణయం తీసుకున్నట్టు సమాచారం. దీంతో అతన్ని విడుదల చేయడమే బెటర్ అని భావిస్తోందట సీఎస్‌కే మేనేజ్‌మెంట్. అతని స్థానంలో కమ్మిన్స్ ని సెలక్ట్ చేయడం బెటర్ అనుకుంటున్నారు. ఐపీఎల్ 2022 సీజన్‌లో రూ.7.25 కోట్లకు కమ్మిన్స్‌ని తిరిగి కొనుగోల చేసింది కేకేఆర్. అయితే ఎక్కువ మ్యాచుల్లో రిజర్వు బెంచ్‌కే పరిమితం కావడంతో 2023 సీజన్‌లో ఆడలేదు ప్యాట్ కమ్మిన్స్. దీంతో ప్రస్తుతం ఈ బౌలింగ్ ఆల్ రౌండర్ పై చెన్నై కన్ను పడింది. మరి చెన్నై తీసుకోబోతున్న ఈ నిర్ణయం ఎంతవరకు కలిసి వస్తుందో చూడాలి. ఈ విషయంలో మీ అభిప్రాయాలను కామెంట్ల రూపంలో తెలపండి.
