అఫ్ఘనిస్థాన్‌ ప్లేయర్లను ఎక్కడుంచాలో అక్కడే ఉంచిన నసీమ్‌ షా: షోయబ్ అక్తర్‌

ఆసియా కప్‌ 2022లో భాగంగా సూపర్‌ఫోర్‌లో బుధవారం పాకిస్థాన్‌-అఫ్ఘనిస్థాన్‌ మధ్య సూపర్‌ థ్రిల్లింగ్‌ మ్యాచ్‌ జరిగింది. చిన్న టార్గెట్‌ను కాపాడుకునేందుకు అఫ్ఘనిస్థాన్‌ అద్భుత పోరాట పటిమను చూపించింది. ఇక మ్యాచ్‌ చివర్లో తీవ్ర ఉత్కంఠ మధ్య ఆటగాళ్లు సైతం భావోద్వేగానికి గురయ్యారు. పాక్‌ హిట్టర్‌ ఆసిఫ్‌ అలీ-ఆఫ్ఘాన్‌ పేసర్‌ ఫరీద్‌ గ్రౌండ్‌లోనే కొట్టుకున్నంత పనిచేశారు. 12 బంతుల్లో 21 పరుగులు కాపాడుకోవాల్సిన టైమ్‌లో భారీ సిక్స్‌ కొట్టిన ఆసిఫ్‌ అలీని తర్వాతి బంతికే అవుట్‌ చేసిన ఫరీద్‌ భారీ స్థాయిలో సంబురాలు చేసుకున్నాడు. అదే సమయంలో అవుటైన ఆసిఫ్‌ అలీకి, ఫరీద్‌కు మధ్య మాటల యుద్ధం జరిగింది.

ఇద్దరూ ఒకరినొకరు నెట్టుకుంటూ.. కొట్టుకునేలా కనిపించారు. ఇతర ఆటగాళ్లు వచ్చి ఆపాడంతో గొడవ పెద్దది కాలేదు. ఈ వివాదంపై పాకిస్థాన్‌ మాజీ క్రికెటర్‌ షోయబ్‌ అక్తర్‌ స్పందిస్తూ.. ఆఫ్ఘాన్‌ ఆటగాళ్ల ప్రవర్తనను తప్పుబట్టాడు. షోయబ్‌ మాట్లాడుతూ.. ‘మీరు మంచి క్రికెట్‌ ఆడండి, సంబురాలు చేసుకోండి. అంతేకానీ.. ఇలా చిల్లర చేష్టలు చేయకండి. మీ పద్దతి సరికాదు. క్రికెట్‌లో విషయంలో మీకు ఎంతో మద్దతు ఇచ్చాం. మీరు మా సోదరులు. కానీ మీరు మాత్రం ఇలా చేస్తున్నారు. ఆటలో మాటలు సహజం. కానీ.. ఇలా ఆసిఫ్‌ అలీపై దాడి చేయడం సరికాదు. అందుకే దేవుడు మిమ్మల్ని ఈ మ్యాచ్‌లో ఓడించాడు. ఒక పఠాన్‌ చేత మరో పఠాన్‌కు బుద్ధి చెప్పించాడు.’ అని షోయబ్‌ అక్తర్‌ పేర్కొన్నాడు. అలాగే మ్యాచ్‌ తర్వాత స్టేడియంలో జరిగిన ఘర్షణపై కూడా అక్తర్‌ స్పందిస్తూ.. ఆఫ్ఘాన్‌ క్రికెట్‌ ఫ్యాన్స్‌ ప్రవర్తన సరికాదని, ఇలానే వాళ్లు చాలా సార్లు అతిగి ప్రవర్తించారని ఆగ్రహం వ్యక్తం చేశారు. ఆటలో ఎదగాలంటే.. ఆఫ్ఘాన్‌ ఆటగాళ్లతో పాటు అభిమానులు కూడా ఎలా ప్రవర్తించాలో నేర్చుకోవాలని సూచించాడు.

ఇక మ్యాచ్‌ విషయానికి వస్తే.. ఈ మ్యాచ్‌లో తొలుత బ్యాటింగ్‌ చేసిన అఫ్ఘనిస్థాన్‌.. నిర్ణీత 20 ఓవర్లలో 6 వికెట్లు కోల్పోయి 129 పరుగులు మాత్రమే చేసింది. ఇబ్రహీం జద్రాన్‌ 35 పరుగులతో రాణించాడు. చివర్లో రషీద్‌ ఖాన్‌ రెండు ఫోర్లు, ఒక సిక్స్‌తో పర్వాలేదనిపించాడు. ఈ స్వల్ప లక్ష్యాన్ని పాకిస్థాన్‌ 19.2 ఓవర్లలో 9 వికెట్లు కోల్పోయి అతి కష్టం మీద ఛేదించింది. చివరి ఓవర్‌లో 11 పరుగులు అవసరమవ్వగా.. బౌలర్‌ నసీమ్‌ షా రెండు భారీ సిక్సులతో పాకిస్థాన్‌ను గెలిపించాడు. మరి ఈ మ్యాచ్‌లో ఆసిఫ్‌ అలీ-ఫరీద్‌ మధ్య గొడవ, దీనిపై అక్తర్‌ స్పందించిన తీరుపై మీ అభిప్రాయాలను కామెంట్ల రూపంలో తెలియజేయండి.

ఇది కూడా చదవండి: ఆసియా కప్‌లో టీమిండియా చెత్త ప్రదర్శన! కెప్టెన్‌గా రోహిత్‌ చేసిన తప్పులేంటి?

Afghan players put right back into their place by 19 year old kid Naseem Shah. Unforgettable match against people we have loved & supported always.
Lekin bat tamizi aur arrogance nay un no foran neecha dikhaya.

Full video: https://t.co/u3LsS2GfrD pic.twitter.com/X6Obdq35bj

— Shoaib Akhtar (@shoaib100mph) September 7, 2022

This is what Afghan fans are doing.
This is what they’ve done in the past multiple times.This is a game and its supposed to be played and taken in the right spirit.@ShafiqStanikzai your crowd & your players both need to learn a few things if you guys want to grow in the sport. pic.twitter.com/rg57D0c7t8

— Shoaib Akhtar (@shoaib100mph) September 7, 2022

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.