రామ్ చరణ్ పాటకి బైరెడ్డి సిద్దార్ధ్ రెడ్డి డ్యాన్స్! వీడియో వైరల్!

రాజకీయాలు, సోషల్‌ మీడియా ఫాలో అయ్యే తెలుగు యువతకు పెద్దగా పరిచయం అక్కర్లేని పేరు బైరెడ్డి సిద్ధార్ధ్‌ రెడ్డి. యువతలో ఆయనకంత పాపులారిటీ రావటానికి ప్రధాన కారణం.. ఆయన డేరింగ్‌ అండ్‌ డాషింగ్‌ యాటీట్యూడ్‌. ఏ విషయాన్నైనా ముహమాటం, భయం లేకుండా చెప్పేయటం ఆయన నైజం. రాజకీయాలకు సంబంధించి కూడా ఆయన ప్రవర్తన అలాగే ఉంటుంది. ఎవరికీ భయపడకుండా తన అభిప్రాయాలను చెబుతుంటారు. ఆ యాటిట్యూడ్‌తోటే యువతను తన వైపు తిప్పుకున్నారు బై రెడ్డి సిద్దార్ద్ రెడ్డి.

ఇదంతా ఇప్పటివరకు మనకు తెలిసిన బైరెడ్డి సిద్ధార్ధ్‌ రెడ్డిలోని ఓ కోణం మాత్రమే. ఆయనలో మరో కోణం కూడా ఉంది. ఆ కోణంనుంచి చూస్తే ఆయనో మంచి డ్యాన్సర్‌ అన్న సంగతి తెలుస్తుంది. ప్రస్తుతం ఆయన డ్యాన్స్‌ కళను బయటపెట్టే వీడియో ఒకటి సోషల్‌ మీడియాలో వైరల్‌గా మారింది. ఆ వీడియోలో.. రామ్‌ చరణ్‌ హీరోగా నటించిన ‘నాయక్‌’ సినిమాలోని లైలా ఓ లైలా అనే పాటకు రెండు స్టెప్పులు వేశారు బైరెడ్డి. సిగ్గు పడుతూనే ఆయన ఈ స్టెప్పులు వేశారు. ఈ వీడియోను చూసిన నెటిజన్లు.. ఆయన స్టెప్పులు వేయటం చూసి వ్వావ్‌ అంటున్నారు. బైరెడ్డిలో దాగున్న డ్యాన్సర్‌కు ఫిదా అవుతున్నారు. అయితే.. ఈ వీడియో కాస్త పాతది కావడం గమనార్హం. మరి.. బైరెడ్డి సిద్ధార్ధ్‌రెడ్డి స్టెప్పులు వేయటంపై మీ అభిప్రాయాలను కామెంట్ల రూపంలో తెలియజేయండి.