సొహెల్ ‘లక్కీ లక్ష్మణ్’ ఓటీటీ రిలీజ్ ఫిక్స్.. స్ట్రీమింగ్ ఎప్పుడంటే?

బిగ్ బాస్ షోతో ఫేమ్ తెచ్చుకుని దాన్ని కరెక్ట్ గా ఉపయోగించుకున్న వారిలో సొహెల్ కచ్చితంగా ముందు వరసలో ఉంటాడు. హీరోగా బోలెడు ఛాన్సులు తెచ్చుకున్నాడు. అలా అతడు హీరోగా నటించి, గతేడాది చివర్లో రిలీజైన మూవీ ‘లక్కీ లక్ష్మణ్’. యావరేజ్ టాక్ తెచ్చుకున్న ఈ మూవీ.. థియేటర్లలోకి ఎంత ఫాస్ట్ గా వచ్చిందో అంతే ఫాస్ట్ గా వెళ్లిపోయింది. ఇప్పుడు ఈ మూవీనే ఓటీటీలో రిలీజ్ కు సిద్ధమైపోయింది. అందుకు సంబంధించిన అధికారిక ప్రకటనని కూడా ఆహా రిలీజ్ చేసింది.

ఇక వివరాల్లోకి వెళ్తే.. సీరియల్ నటుడిగా కెరీర్ ప్రారంభించిన సయ్యద్ సొహెల్ బిగ్ బాస్ నాలుగో సీజన్ లో పాల్గొని ఫైనల్ వరకు వచ్చాడు. విన్నర్ కాలేకపోయాడు గానీ తన ఎనర్జీ లెవల్స్ తో ప్రేక్షకుల్ని తెగ ఎంటర్ టైన్ చేశాడు. అలా షో నుంచి బయటకు వచ్చిన తర్వాత చాలా సినిమాలు ఒప్పుకొన్నాడు. అందులో లక్కీ లక్ష్మణ్.. గతేడాది డిసెంబరు 30న థియేటర్లలో రిలీజైంది. సంక్రాంతి మూవీస్ హడావుడిలో అందరూ ఉండిపోవడంతో ప్రేక్షకులు దీన్ని పెద్దగా పట్టించుకోలేదు. ఇప్పుడీ సినిమా ఫిబ్రవరి 17 నుంచి ఆహా ఓటీటీలో స్ట్రీమింగ్ కానున్నట్లు ప్రకటించారు.

లక్కీ లక్ష్మణ్ స్టోరీ విషయానికొస్తే.. లక్ష్మణ్ మిడిల్ క్లాస్ కుర్రాడు. పేదరికం వల్ల తనకు గొప్ప జీవితాన్ని ఇవ్వలేకపోయాడని తండ్రిపై ద్వేషం పెంచుకుంటాడు. కాలేజీలో చేరి, మోక్షతో ప్రేమలో పడతాడు. ఫైనల్ ఇయర్ లో లక్ష్మణ్-మోక్ష.. ఇద్దరూ చిన్న గొడవ వల్ల విడిపోతారు. ఆ తర్వాత లక్ష్మణ్, ఫ్రెండ్స్ తో కలిసి ఓ మ్యారేజ్ బ్యూరో స్టార్ట్ చేస్తాడు. మరి చివరకు ఏం జరిగింది? హీరోహీరోయిన్లు కలిశారా లేదా అనేది తెలియాలంటే సినిమా చూడాల్సిందే. ఇదిలా ఉండగా ఫిబ్రవరి 17న ఆహాలో దీనితోపాటు సుడిగాలి సుధీర్ ‘గాలోడు’, సంతోష్ శోభన్ ‘కళ్యాణం కమనీయం’ కూడా రిలీజ్ అవుతున్నాయి. మరి వీటిలో మీరు ఏ మూవీ కోసం వెయిట్ చేస్తున్నారు. కింద కామెంట్స్ లో చెప్పండి.

Jeevitham lo thagilina eduru debbalatho successful ga marina oka lakshmanudi katha #LuckyLakshmanOnAHA Premieres Feb 17th.@Ryansohel @Mokksha06 @DattatreyaMedia@GogineniHaritha @Anuprubens @PrawinPudi@iandrewdop @tipsmusicsouth pic.twitter.com/1Gr46fgds0

— ahavideoin (@ahavideoIN) February 14, 2023