వీడియో: అందరూ చూస్తుండగా ఒక్కసారిగా బద్దలైన భూమి..!

ఇటీవలే టర్కీ దేశంతో పాటు ఆ పరిసర ప్రాంతాల్లో భూకంపం వచ్చిన సంగతి తెలిసిందే. ఆ ప్రకృతి విపత్తు ధాటిగా పెద్ద పెద్ద భవనాలు పేక మేడల్లా కుప్పకూలి పోయాయి. ఈ ప్రమాదంలో వేలాది మంది సామాన్యులు ప్రాణాలు కోల్పోయారు. అయితే తాజాగా మనదేశంలోని ఓ ప్రాంతంలో కూడా భూమి ఒక్కసారిగా బద్దలైంది. అందరూ చూస్తుండగానే భూమి బద్దలయ్యింది. అక్కడ ఉన్న రోడ్డు రెండుగా చీలిపోయింది. కొన్ని క్షణాల పాటు ఏం జరిగిందో స్థానికులకు అర్ధం కాక భయాందోళనకు గురయ్యారు. ఈ ఘటన మహారాష్ట్రలోని యావత్ మాల్ అనే ప్రాంతంలో జరిగింది. ప్రస్తుతం ఈ వీడియో సోషల్ మీడియాలో వైరల్ అవుతోంది.

మహారాష్ట్రలోని యావత్ మాల్ ప్రాంతంలో మైందే చౌక్ నుండి ఆంగ్లో హిందీ హైస్కూల్ వరకు ఓ రహదారి మార్గం ఉంది. నిత్యం ఆ మార్గం ద్వారా వందలాది మంది ప్రయాణం చేస్తుంటారు. అలానే ఈ రోడ్డు మార్గం కింద మంచినీటి పైప్ లైన్ లు వెళ్తున్నాయి. అయితే ఇటీవల ఒకరోజు రహదారిపై ప్రయాణికులు వెళ్తున్న సమయంలో ఒక్కసారిగా ఆ పైప్ లైన్ బ్లాస్ట్ అయింది. ఆ పేలుడు ధాటికి భూమి బద్దలయ్యింది. అలానే రోడ్డు రెండు ముక్కలుగా చీలిపోయింది. ఈ పైప్ లైన్ పేలిపోయిన సమయంలోఅటుగా ఇద్దరు మహిళలు స్కూటీపై వెళ్తున్నారు. ఈ ప్రమాదంలో స్కూటీపై వెళ్తున్న మహిళకు గాయలైనట్లు సమాచారం.

అయితే ఈ పేలుడు ధాటికి చుట్టు పక్కల వాళ్లు ఏం జరిగిందో అని భయాందోళనకు గురయ్యారు. అంతేకాక భూమి రెండుగా చీలిపోవడంతో భూకంపం వచ్చిందని స్థానికులు భయపడ్డారు. చాలా మంది అయితే ఆ ప్రాంతం నుంచి కాస్తా దూరం పరుగులు తీశారు. తొలుత పైప్ లైన్ పేలిందనే విషయం తెలియక భయపడిన స్థానికులు.. ఆ తరువాత అసలు విషయం తెలుసుకుని ఊపిరి పీల్చుకున్నారు. పైప్ లైన్ పేలిపోవడంతో అక్కడి నుంచి వందల లీటర్ల నీరు రోడ్డుపైకి రావడంతో ఆ ప్రాంతమంతా జలమయమైంది. ఈ ఘటనతో అందరిలోనూ ఓ సందేహం ఏర్పడింది. నగరంలో సరైన నిర్వహణ లేని పైప్ లైన్లు ఇంకా ఎన్ని ఉన్నాయో, వాటి కారణంగా కారణంగా ఎప్పుడైనా పెను ప్రమాదం సంభవించే అవకాశం ఉందని నగర వాసులు భయపడుతున్నారు. ఘటనకు సంబంధించిన సీసీటీవీ ఫుటేజీ ప్రస్తుతం నెట్టింట వైరల్‌గా మారింది.

यवतमाळ शहरात जमिनीत झाला स्फोट!, भूमिगत पाईपलाईन फुटली, थरकाप उडवणारा Video एकदा पाहाच…https://t.co/2jrmCKvB4K #Maharashtra #Yavatmal #Video pic.twitter.com/FCwUwIDF63

— LoksattaLive (@LoksattaLive) March 4, 2023