వీడియో: స్వీట్స్ కి డబ్బులు అడిగిన షాప్ యజమాని.. ఎస్సై ఓవర్ యాక్షన్

సమాజంలో ప్రజలకు భద్రత కల్పిస్తూ.. వారి ఆస్తులకూ రక్షణ కల్పిస్తూ, నేరాలు, విధ్వంసాలూ జరక్కుండా కాపాడేందుకు ప్రభుత్వాలు ఏర్పాటు చేసిన వ్యవస్థ పోలీసు. కానీ ఇటీవల కాలంలో పోలీస్ అంటే ప్రజల్లో భయం ఏర్పడింది.. వారు వ్యవహరించే తీరు కొన్నిసార్లు తీవ్ర విమర్శలకు దారితీస్తుంది. ఒకదశలో పోలీసు జీప్‌ సైరన్‌ వింటేనే ప్రజలు హడలిపోతున్నారు. కొంతమంది పోలీసులు రక్షకభటులు గా కాకుండా భక్షక భటులుగా వ్యవహరిస్తున్నారు. ఓ ఎస్సై ని స్వీట్ షాపు యజమాని డబ్బులు అడిగినందుకు అతన్ని బెదిరించాడు.. దీనికి సంబంధించిన వీడియో సోషల్ మీడియాలో వైరల్ అవుతుంది.

ప్రజలకు రక్షణ కల్పిస్తూ.. వారి పట్ల బాధ్యాతయుతంగా ఉండాల్సిన కొంతమంది పోలీస్ అధికారులు తమ అధికారాన్ని దుర్వినియోగం చేస్తూ సామాన్యులు దోచుకుంటారు.. వారిని ఎన్నో ఇబ్బందులకు గురి చేస్తుంటారు. ఇలాంటి సంఘటనలు వెలుగులోకి వచ్చి ఉన్నతాధికారులు వారిపై చర్యలు తీసుకుంటారు. ఇలాంటి ఘటనే ఉత్తర్ ప్రదేశ్ లో చోటు చేసుకుంది. ఓ స్వీట్ షాప్ యజమానిపై ఎస్సై జులుం చూపించాడు. తాను కొన్న స్విట్స్ తాలూకు డబ్బులు చెల్లించమని ఎస్సైని షాప్ యజమాని అడగడంతో నన్నే డబ్బులు అడుగుతావా అంటూ వ్యాపారి మీదకు కోపంతో దూసుకు వెళ్లాడు.

ఉత్తర్ ప్రదేశ్ కాన్పూర్ లోని కళ్యాణ్ పూర్ పోలీస్ స్టేషన్ కి చెందిన ఎస్ఐ సర్వేంద్ర కుమార్ ఓ స్వీట్ షాప్ కి వెళ్లాడు. అక్కడ తనకు ఇష్టమైన స్వీట్స్ కొనుగోలు చేశాడు. అయితే స్విట్స్ ప్యాక్ చేసిన తర్వాత షాప్ యజమాని డబ్బులు ఇవ్వండి అని అడగడంతో నన్నే డబ్బులు అడుగుతావా.. నీకు ఎంత ధైర్యం.. రేపటి నుంచి నువ్వు ఇక్కడ షాప్ ఎలా నడుపుతావో చూస్తా. నేనేంటో చూపిస్తానంటూ అంటూ సిరియస్ గా వార్నింగ్ ఇచ్చాడు. ఆ షాప్ యజమాని కూడా ఎక్కడా తగ్గలేదు.. డబ్బులు ఇచ్చి స్వీట్స్ తీసుకువెళ్లాలలని అడిగాడు. ఈ సంఘటనను స్థానికుడు వీడియో తీసి సోషల్ మీడియాలో పోస్ట్ చేశాడు. ప్రస్తుతం ఆ వీడియో సోషల్ మీడియాలో వైరల్ అవుతుంది.

नशे के चलते दरोगा जी हो गए सस्पेंड।

कानपुर में मिठाई की दुकान पर नशे में धुत होकर पहुंचे दरोगा सर्वेंद्र कुमार दुकानदार को धमका रहे थे, कल्याणपुर थाने की पुलिस मौके पर आई और उनको थाने ले गई। अब जानकारी मिली है कि दरोगा को सस्पेंड कर दिया गया है। #Kanpur #UttarPradesh… pic.twitter.com/w3DAXTylKA

— UP Tak (@UPTakOfficial) June 19, 2023