follow us:
కాలేజీ కుర్రాళ్లు.. ఉడుకు రక్తంతో ఊగిపోతూ ఉంటారు. అలాగే ఎవ్వడినైనా ఎదిరించగలనన్న ధైర్యం వారిలో ఉంటుంది. మరి వారికి చిరాకు తెప్పిస్తే ఎలా ఉంటుందో అందరికీ తెలిసిందే. తాజాగా కేరళ కు చెందిన విద్యార్థులు చేసిన పని ఇప్పుడు సోషల్ మీడియాలో తెగ వైరల్ అవుతోంది. మరి ఆ విశేషాల గురించి తెలుసుకుందాం పదండి.
కేరళ విద్యావంతుల రాష్ట్రంగా దేశంలో నే పేరెన్నికగన్నది. ప్రతీ సారీ అక్ష్యరాస్యతలో ఆ రాష్ర్టమే ముందుంటుంది కూడా. అక్కడి విద్యార్థులు ఆంక్షలు, నిబంధనల పేరుతో ఒత్తిడి తెచ్చిన ప్రతిసారీ వినూత్న నిరసనలతో దేశం దృష్టిని ఆకర్షిస్తుంటారు. కిస్ ఆఫ్ లవ్ పేరుతో అప్పట్లో సంచలనం రేపిన కేరళ విద్యార్థులు.. తాజాగా కొందరు చేసిన మోరల్ పోలీసింగ్‌కు వ్యతిరేంగా సోషల్ మీడియాలో ఒక ఫొటో పెట్టి దిమ్మతిరిగే రెస్పాన్స్ ఇచ్చారు. ఇంతకి అదేంటంటే..
తిరువనంతపురానికి చెందిన సీఈటీ (కాలేజ్ ఆఫ్ ఇంజినీరింగ్ త్రివేండ్రం) విద్యార్థులు తమ కాలేజీ సమీపంలోని ఒక బస్టాప్‌లో కూర్చొని అమ్మాయిలు, అబ్బాయిలు సాధారణంగా చిట్‌చాట్ చేస్తుంటారు. అయితే, తాజాగా వీళ్లు అక్కడికి వెళ్లే సరికి అక్కడ ఉండే ఇనుప బెంచ్‌ని ఎవరో ముక్కలు ముక్కలుగా కట్ చేసి మూడు చైర్స్ మాత్రమే ఉండేలా చేశారు. దాంతో ఏ ఇద్దరూ కూడా పక్కపక్కన కూర్చొనే అవకాశం లేదన్నమాట. కేవలం ఒకళ్లు మాత్రం సీట్‌లో కూర్చొనేలా చేశారు.
దాంతో విసిగిపోయిన విద్యార్థులు అబ్బాయిల ఒడిలో అమ్మాయిలను కూర్చోబెట్టుకుని ఆ ఫొటోలను సోషల్ మీడియాలో పోస్ట్ చేశారు. అమ్మాయిలు, అబ్బాయిలు పక్కపక్కనే కూర్చోకూడదన్న ఉద్దేశంతోనే కొందరు ఇలా చేశారని.. ఈ మోరల్ పోలీసింగ్‌కు వ్యతిరేకంగా ఇలా నిరసన తెలియజేశామని, తెలిపారు. కానీ నెటిజన్స్ నుంచి ఇంత సపోర్ట్ వస్తుందని అనుకోలేదని విద్యార్థులు చెబుతున్నారు. అంతేకాకుండా ఆ ఫొటోలను అదే బస్టాప్‌లో కూడా తగిలించడం విశేషం. మరి అక్కడి విద్యార్థులు చేసిన పని పై మీ అభిప్రాయాలను కామెంట్స్ రూపంలో తెలియజేయండి.
‘Laptop’ protest by students in #Kerala against #moralpolicing
Read: https://t.co/AS9e1stf3U pic.twitter.com/B6NhshySOO
— The Times Of India (@timesofindia) July 22, 2022
