బట్టల వ్యాపారంలోకి మహేష్ బాబు.. సూపర్ స్టార్ బ్రాండ్ తో షర్ట్స్

ఫిల్మ్ డెస్క్- మహేష్ బాబు.. ఈ టాలీవుడ్ సూపర్ స్టార్ కు ప్రేక్షకుల్లో ఉన్న క్రేజ్ అంతా ఇంతా కాదు. బాల నటుడిగా సినిమా రంగంలోకి ప్రవేశించి.. ఇప్పుడు టాప్ హీరోల్లో ఒకరుగా ఉన్నారు. కేవలం సినిమాల్లోనే కాదు.. వ్యాపార రంగంలోను, యాడ్స్ లోను దూసుకెళ్తున్నారు మహష్ బాబు. ఓ వైపు సినిమాలు చేస్తూ.. యాడ్స్ ద్వారా అత్యధిక ఆదాయం సంపాదిస్తున్న దక్షిణాది హీరో కేవలం మహేష్ బాబే. హైదరాబాద్ గచ్చిబౌలిలోని ఎఎమ్ బీ సినిమాస్ ద్వారా మల్టీప్లెక్స్ కూడా సక్సెస్ ఫుల్ గా రన్ చేస్తున్నారు మహేష్ బాబు.

ఇప్పటి వరకు సినిమా, యాడ్స్, ధియోటర్స్ బిజినెస్ లో ఉన్న మహేష్ బాబు, ఇప్పుడు వస్త్ర వ్యాపార రంగలోకి అడుగుపెడుతున్నారు. అవును త్వరలోనే మహేష్ బాబుకు సంబందించిన సూపర్ స్టార్ బ్రాండ్‌తో షర్ట్స్ మార్కెట్‌లోకి తీసుకురాబోతున్నారని సినీ ఆస్ట్రాలజర్ వేణు స్వామి చెబుతున్నారు. పద్మాలయ స్టుడియోస్ ఆస్థాన పూజారిగా ఉన్న వేణు స్వామికి, మహేష్ బాబు కుటుంబంతో మంచి అనుబంధం ఉంది. సూపర్ స్టాప్ కృష్ణ, మహేష్ బాబు సినిమాలకు వేణుస్వామి ముహూర్తాలు పెడుతుంటారు.

మహేష్ బాబు బట్టల వ్యాపారం గురించి వేణు స్వామి ఏమన్నారంటే.. పెళ్లి తరువాత మహేష్ బాబు.. పెళ్లికి ముందు మహేష్.. ఆయన్ని ఇలా రెండు విధాలుగా చూడాలి. పెళ్లికి ముందు మహేష్ బాబు పరిస్థితి ఇలా లేదు.. మహేష్ బాబు పెళ్లికి ముందు ఆయన కెరియర్ బాగుండాలని నేను నా సొంత ఖర్చులతో ప్రత్యేకమైన పూజలు చేశాను.. అప్పట్లో విజయ నిర్మల గారు.. ఐదు తట్టల పూలు.. ఐదు తట్టల పళ్లు పంపించారు.. ఆమె తోటలో పండిన వాటితో పూజ చేశాను.. ఆ పూజలో వైవీఎస్ చౌదరి కూడా ఉన్నారు. అప్పుడే చెప్పా.. ఇక మీ కెరియర్‌కి తిరుగు ఉండదు.. ఎక్కడో ఉంటారని.. అప్పటికి ఆయన రాజకుమారుడు సినిమా చేశారని చెప్పారు.

అంతే కాదు.. పెళ్లైన తరువాత మహేష్ బాబు లైఫ్ స్టైల్ మొత్తం మారిపోయి.. నిర్ణయాల విషయంలో కమర్షియల్ యాంగిల్‌లో వెళ్తున్నారు. మహేష్ బాబు కొత్తగా బట్టల బ్రాండ్ ఒకటి తీసుకుని వస్తున్నారు. సూపర్ స్టార్ షర్ట్స్.. కొత్త బ్రాండ్ ఒకటి మార్కెట్‌లోకి రాబోతుంది. అవి బయట అమ్మరు.. ఆన్‌లైన్‌లోనే దొరుకుతాయి. మహేష్ బాబు మార్కెటింగ్ బిజినెస్‌లోకి వస్తున్నారు. త్వరలోనే దాని గురించి అఫీషియల్ అనౌన్స్ మెంట్ రాబోతుంది.. అని వేణుస్వామి చెప్పుకొచ్చారు.

అయితే మహేష్ బాబు ఇప్పటికే 2019లో.. ది హంబల్ కో.. పేరుతో గార్మెంట్ బ్రాండ్‌ స్టాపించారు. అయితే అనివార్య కారణాల వల్ల ఈ బ్రాండ్ సామాన్యులకు అందుబాటులోకి అయితే రాలేదు. ఇదిగో మళ్లీ ఇప్పుడు సూపర్ స్టార్ బ్రాండ్ పేరుతో మహేష్ బాబు షర్ట్స్ ను మార్కెట్లోకి తెస్తున్నారని వేణు స్వామి చెబుతున్నారు. మహేష్ బాబు బట్టల వ్యాపారానికి వేణు స్వామిని ముహూర్తం పెట్టమన్నారో ఏమో కాని, ముందుగానే ఆయన ఇలా లీక్ చేయడం మాత్రం ఆసక్తికరంగా మారింది.

Our Humbl endeavour unveils today. Thank you all for the astounding response 🤗🤗 For us, The Humbl Co. is not just clothing, it’s a way of life. We welcome you all to the @thehumblco family. Stay tuned for the launch on 7th August! #theHUMBLco pic.twitter.com/eLAR13jBgt

— Mahesh Babu (@urstrulyMahesh) July 29, 2019