కోకా కోలాకు రూ.29000 కోట్ల నష్టం తెప్పించిన రొనాల్డో!

క్రిస్టియానో రొనాల్డో.. ఫుట్ బాల్ ప్రపంచంలో పరిచయం అవసరం లేని పేరు. రొనాల్డో కాలు కదిపితే గోల్ పోస్ట్ గగ్గోలు పెట్టాల్సిందే. అది రోనాల్డో రేంజ్. మరి.., ఇంత టాప్ రేంజ్ ఆటగాడి వల్ల కార్పొరేట్ కంపెనీలకి లాభాలే ఉంటాయి గాని.., నష్టం ఎలా జరుగుద్ది అంటారా? అదే మరి.. రోనాల్డో స్టయిల్ అంటే. క్రిస్టియానో రొనాల్డో అందరి లాంటి ఆటగాడు కాదు. అతను సంథింగ్ స్పెషల్. ఆటలో మాత్రమే కాదు, ప్రవర్తనలోను అతను కొంచెం తేడా. ఇప్పుడు ఈ వైకిరే కోకా కోలాకు కంపెనీ కి రూ.29000 కోట్ల నష్టం వచ్చేలా చేసింది.

ఆ వివరాల్లోకి వెళ్తే.., ప్రస్తుతం హోరాహోరీగా యూరో కప్ జరుగుతోంది. డిఫెండింగ్ ఛాంపియన్ పోర్చుగల్ హంగేరీ జట్ల మధ్య ఓ గ్రూప్ మ్యాచ్ జరిగింది. ఈ మ్యాచ్ లో పోర్చుగల్ 3-0 తేడాతో హంగేరీపై విజయం సాధించింది. అయితే.., మ్యాచ్ కి ముందు పోర్చుగల్ కెప్టెన్ క్రిస్టియానో రొనాల్డో టీమ్ మేనేజర్ తో కలసి మీడియా సమావేశానికి హాజరయ్యాయాడు.ఆ సమయంలో రొనాల్డో తన టేబుల్ మీద కోకాకోలా బాటిల్స్ ఉండటం గమనించాడు. వెంటనే వాటిని అక్కడి నుంచి తీసి పక్కన పెట్టేశాడు. ఆ తరువాత వాటర్ బాటిల్‌ను పట్టుకుని.. నీళ్లు తాగండి అంటూ గట్టిగా ఓ కాల్ ఇచ్చాడు.

Cristiano Ronaldo was angry because they put Coca Cola in front of him at the Portugal press conference, instead of water! 😂

He moved them and said “Drink water” 😆pic.twitter.com/U1aJg9PcXq

— FutbolBible (@FutbolBible) June 14, 2021

నిజానికి యూరో కప్ టోర్నమెంట్ కి ‘కోకా కోలా’ స్పాన్సర్‌గా వ్యవహరిస్తున్నది. అందుకే ప్రతీ ప్రెస్ మీట్‌లో కోక్ బాటిల్స్ పెడుతున్నారు. కానీ.., క్రిస్టియానో రొనాల్డో చేసిన పనికి ఒక్కసారిగా ఆ కంపెనీ స్టాక్స్ పడిపోయాయి. ఈ ప్రెస్ మీట్ కి ముందు 248 బిలియన్ల డాలర్లు ఉన్న స్టాక్స్.., తరువాత 238 బిలియన్ల డాలర్లుకి పడిపోయింది. ఇండియన్ కరెన్సీలో చెప్పుకోవాలంటే ఈ నష్టం విలువ సుమారు 29 వేల కోట్ల రూపాయలు.

 రొనాల్డో చేసిన పని ఇప్పుడు లీగల్ గా పెద్ద ఇష్యూ అయ్యేలా కనిపిస్తోంది. తాము స్పాన్సర్ గా వ్యవహరిస్తున్న టోర్నమెంట్ లో.. తమ ప్రోడక్ట్స్ ప్రమోట్ చేసుకునే హక్కు తమకి ఉంది. రోనాల్డో చర్య కచ్చితంగా తప్పే. ఇందుకే ఈ విషయంలో లీగల్ ప్రొసీడింగ్స్ వెళ్లే ఆలోచన చేస్తునట్టు కంపెనీ ప్రతినిధులు ఒక ప్రకటనలో తెలియచేశారు. కాగా.., 2006లో రొనాల్డో కోకా కోలా బ్రాండ్‌ ని ప్రమోట్ చేస్తూ ఓ యాడ్ చేశాడు. ఇప్పుడు ఆ యాడ్ సోషల్ మీడియాలో వైరల్ అవుతోంది.