వీడియో: కారుతో సహా జలపాతంలో పడిపోయిన తండ్రీ,కూతురు

కాస్తంత నిర్లక్ష్యం ప్రమాదాలను తెచ్చిపెడుతుంది. ముఖ్యంగా విహార యాత్రల సమయంలో చేసిన చిన్న చిన్న తప్పిదాల వల్ల అవి విషాద యాత్రలుగా మారుతున్నాయి.ఈ విహార యాత్రల్లో, పర్యటన సమయంలోనే ప్రమాదాల బారిన పడి మృత్యు ఒడిలోకి వెళ్లిన అనేక సంఘటనల గురించి మనం విన్నాం, చూసుంటాం. ఏ మాత్రం పసిగట్టలేని ప్రమాదాల వల్ల జరిగే నష్టం అంతా ఇంతా కాదు. ప్రస్తుతం వర్షాకాలం నేపథ్యంలో ప్రకృతి ఒడిలో పరవశిద్దామని వాటర్ ఫాల్స్, లేదంటే అలా వర్షం పడుతుంటే బీచ్ చూద్దామని ప్లాన్స్ ఉంటాయి. వీకెండ్ వస్తే చాలు, పిల్లలతో కలిసి బయటకు వెళ్లేందుకు సిద్ధమౌతుంటారు. కానీ కొన్ని సార్లు రెప్పపాటులో పొరపాట్లు జరిగి ప్రాణాలకు మీదకు తెస్తాయి. ఇప్పుడు మనం చెప్పుకోబోయే ఘటన అటువంటిదే.

మధ్యప్రదేశ్-ఇండోర్ సమీపంలోని లోహియా కుంద్ జలపాతం చాలా ఫేమస్. ఇప్పుడు జల కళతో వాటర్ ఫాల్స్ ఆకర్షిస్తూ ఉంటుంది. వీటిని చూసేందుకు పర్యాటకులు క్యూ కడుతుంటారు. ఆదివారం సాయంత్రం ఓ కుటుంబం కూడా వాటర్ ఫాల్స్ చూసేందుకు కారులో అక్కడకు చేరుకుది. కారుని జలపాతం దగ్గర్లో పార్క్ చేశారు. అయితే కొద్ది సేపటి తర్వాత కారు దానంతట అది కదులుతూ జలపాతం వైపు వచ్చి.. అందరూ చూస్తుండగానే పై నుండి నీళ్లల్లోకి పడిపోయింది. కారులో ఉన్న తండ్రి, కుమార్తెలు నీళ్లల్లోకి పడిపోవడంతో.. ఇద్దర్ని అక్కడ ఉన్న పర్యాటకులు కాపాడారు. ప్రస్తుతం వీరిద్దరూ చికిత్స తీసుకుంటున్నారు. ఐతే హ్యాండ్ బ్రేక్ వెయ్యని కారణంగా ఆ కారు ఒక్కసారిగా కదిలి జలపాతంలో పడినట్లు తెలుస్తోంది. ప్రస్తుతం ఈ వీడియో నెట్టింట్లో వైరల్ అవుతుంది.

Instead of engaging Reverse gear, mistakenly engaged first gear.

Incidence as being reported is from #Simrol MP near #Indore.

Husband, Wife & Child all three have been saved.

Never Park your vehicle on such ridges!!! pic.twitter.com/ZsZwnBUvDq

— 𝐒𝐢𝐝𝐝 (@sidd_sharma01) August 7, 2023