పీవీ సింధుపై సినీ ప్రముఖుల ప్రశంసల జల్లు

స్పెషల్ డెస్క్- భారత స్టార్ షట్లర్ పీవీ సింధు దేశ ప్రతిభను మరోసారి ప్రపంచానికి చాటి చెప్పారు. టోక్యోలో జరుగుతున్న ఒలింపిక్స్ లో సింధు కాంస్య పతకం సాధించింది. మహిళల సింగిల్స్‌లో భాగంగా చైనాకి చెందిన హి బింగ్జియావోతో ఆదివారం కాంస్య పతక పోరులో తలపడిన పీవీ సింధు 21-13, 21-15 తేడాతో వరుస సెట్లలో గెలుపొందింది.

2016 రియో ఒలింపిక్స్‌లో రజత పతకం గెలుపొందిన పీవీ సింధు, వరుసగా రెండోసారి కూడా ఒలింపిక్స్‌లో పతకం సాధించిన షట్లర్‌గా రికార్డ్ సృష్టించింది. టోక్యో ఒలంపిక్‌లో పీవీ సింధు విజయంపై తెలుగు సినీ పరిశ్రమ ఆనందం వ్యక్తం చేసింది. మెగాస్టార్ చిరంజీవి, ప్రిన్స్ మహేష్ బాబుతో పాటు పలువురు సినీ ప్రముఖులు పీవీ సింధుపై ప్రశంసలు కురిపించారు.

సింధు విజయంపై చిరంజీవి ఏమన్నారంటే- వరుసగా రెండు ఒలంపిక్స్‌లో పతకాలు గెలిచిన మొట్టమొదటి మహిళగా రికార్డులకెక్కిన పీవీ సింధుకు కంగ్రాట్స్. ఈ ఒలంపిక్స్‌లో ఇప్పటి వరకు వచ్చిన రెండు పతకాలు మహిళలే సాధించడం ఆనందంగా ఉంది. మన మహిళా శక్తికి అడ్డు ఏది లేదు.. ఇండియాను గర్వంగా తలెత్తుకునేలా చేయండి.

మహేశ్ బాబు ఇలా అన్నారు- ఇదో చారిత్రాత్మక విజయం. భారత దేశం గర్వించదగ్గ విజయం. కాంస్యం గెలిచిన సింధుకు కంగ్రాట్స్. ఎంతో ఆనందంగా సంతోషంగా ఉంది.

మోహన్ బాబు మాటల్లో- ప్రియమైన పీవీ సింధుకు కంగ్రాట్స్. మన దేశం, మీ తల్లిదండ్రులు, స్నేహితులు, కోట్లాది మంది శ్రేయోభిలాషులు గర్వపడేలా చేశావ్. ఎంతో అద్భుతంగా ఉంది.

మంచు లక్ష్మీ-కంగ్రాట్స్ చాంపియన్.. పీవీ సింధు నిన్ను చూస్తుంటే ఎంతో గర్వంగా ఉంది. రెండు ఒలంపిక్ పతకాలు సాధించిన మొట్టమొదటి మహిళవి నువ్వే. ఇది ఎంతో గర్వించాల్సిన సమయం. త్వరగా ఇంటికి తిరిగి రా.. మనం చాలా సెలెబ్రేట్ చేసుకోవాలి.

కేరళ సూపర్ స్టార్ మోహన్ లాల్, రకుల్ ప్రీత్ సింగ్, సమంత, మెహ్రీన్, గోపీ మోహన్,అనిల్ రావిపూడి, వరుణ్ తేజ్, సందీప్ కిషన్, కుష్బూ, శరత్ కుమార్, సాయి ధరమ్ తేజ్, నిఖిల్, తమన్నా, నాగ శౌర్య తో పాటు చాలా మంది పీవీ సింధుకు శుభాకాంక్షలు తెలియజేశారు.

Congrats @Pvsindhu1 on winning the medal & creating history for being the first Indian woman to bring an Olympic medal twice in a row.Delighted that both medals won so far are by Indian women! No stopping our Women Power!! You make India proud!#MirabaiChanu @Pvsindhu1 #Tokyo2020 pic.twitter.com/kZn9C0SwcN

— Chiranjeevi Konidela (@KChiruTweets) August 1, 2021

Yet another historic win.. by one of India’s best!! Congratulations on winning the bronze @Pvsindhu1! Immensely happy and proud!! 👏👏👏 #Tokyo2020 pic.twitter.com/QtxlRvndEo

— Mahesh Babu (@urstrulyMahesh) August 1, 2021