follow us:
ఫిల్మ్ డెస్క్- భీమ్లా నాయక్.. పవర్ స్టార్ పవన్ కళ్యాణ్ తాజాగా నటిస్తున్న సినిమా. దుగ్గుబాటి రానా కూడా ఈ మూవీలో హీరోగా నటిస్తున్నారు. భీమ్లా నాయక్ సినిమాను సితార ఎంటర్‌టైన్‌మెంట్స్ పతాకంపై సాగర్ కె చంద్ర దర్శకత్వంలో నిర్మాత సూర్యదేవర నాగవంశీ నిర్మిస్తోన్నారు. స్క్రీన్‌ప్లే, మాటలు ప్రముఖ డైరెక్టర్ త్రివిక్రమ్ శ్రీనివాస్ అందిస్తున్నారు. దీంతో భీమ్లా నాయక్ పై భారీ స్థాయిలో అంచనాలు పెరిగిపోయాయి.
భీమ్లా నాయక్ సినిమాకు సంబందించిన ప్రోమో, టైటిల్ సాంగ్, గ్లింప్.. ఇప్పటి వరకు విడుదలైన ప్రతీది ట్రెండ్ సెట్టర్‌ గా నిలుస్తోంది. తాజాగా ఈ సినిమాకు సంబంధించి దీపావళి స్పెషల్‌ గా ‘లాల భీమ్లా’ అనే వీడియో ప్రోమోని చిత్రయూనిట్ రిలీజ్ చేసింది. ఇందులో పవన్ కళ్యాణ్ ని ఫైట్ సీన్ లో చూపించడమే కాకుండా, ఓ పవర్ ఫుల్ డైలాగ్ కూడా రివీల్ చేశారు.
ఈ ప్రోమో చూడగానే భారీ ఫైట్ సీన్ కు సంబందించిందని అర్ధమవుతోంది. ధాన్యం బస్తాల మధ్య అదిరిపోయే బ్యాక్ గ్రౌండ్ మ్యూజిక్ తో ‘భీమ్లా నాయక్’ అంటూ పవన్ కళ్యాణ్‌ని పరిచయం చేశారు. ఇక ప్రోమో చివరిలో.. నాగరాజు గారు హార్ట్‌ లీ కంగ్రాచ్యులేషన్స్ అండి, మీకు దీపావళి పండగ ముందుగానే వచ్చేసిందండి.. హ్యాపీ దీపావళి.. అంటూ పవన్ కళ్యాణ్ చెప్పిన డైలాగ్ తో ఈ ప్రోమోని ఇంట్రస్టింగ్ గా కట్ చేశారు.
పవన్ కళ్యాణ్ అలా డైలాగ్ చెప్పగాలే ఓ స్కార్పియో వాహనం మంటల్లో పైకి లేస్తుంది. ఈ ప్రోమోకి సంగీత దర్శకుడు థమన్ ఇచ్చిన మ్యూజిక్, రవి.కె చంద్రన్ సినిమాటోగ్రఫీ సూపర్బ్ అని చెప్పవచ్చు. మళ్లీ మళ్లీ ఈ వీడియోని చూడాలనిపించేలా ప్రోమో ఉంది. భీమ్లా నాయక్ ప్రోమో సంక్రాంతి రికార్డుల మోత మోగడం ఖాయం అని పవన్ అభిమానులు సంబరపడిపోతున్నారు. లాల భీమ్లా సాంగ్ ని నవంబర్ 7వ తేదీన విడుదల చేయబోతున్నట్లుగా ప్రోమో చివరలో చూపించారు.
