follow us:
సినిమాల్లో యాక్షన్ సీక్వెన్స్ ఎంత బాగా వస్తే, సినిమా అంత బాగా వస్తుందని నమ్మే హీరోల్లో విశాల్ ముందు వరసలో ఉంటారు. అందుకే డూప్ లేకుండా యాక్షన్ సీక్వెన్స్ చేస్తూ ఇప్పటికే ఎన్నో సార్లు గాయాల పాలయ్యాడు. అయినా సినమా కోసం కాంప్రమైజ్ అయ్యే ఛాన్సే తీసుకోడు విశాల్. భారీ భారీ యాక్షన్ సీక్వెన్స్‌లను ఎంత కష్టమైన చేస్తుంటాడు. ఆ కష్టమంతా అతని సినిమాల్లో కనిపిస్తుంటుంది.
ఇలా సినిమా అద్భుతంగా రావాలని రిస్క్‌ తీసుకుంటూ గాయాల పలు అవ్వడం విశాల్‌కు కొత్త కాదు. తాజాగా విశాల్ తన కొత్త సినిమా ‘లాఠీ’ షూటింగ్‌లో తీవ్రంగా గాయపడ్డారు. క్లైమాక్స్‌ కోసం ఫైట్స్‌ సీన్స్‌ తీస్తున్న సందర్భంగా ప్రమాదం చోటు చేసుకున్నట్లు సమాచారం. ఈ ప్రమాదంలో విశాల్‌కు తీవ్ర గాయాలు అయినట్లు తెలుస్తుంది.
కొన్ని వారాల క్రితం ఇదే సినిమా షూటింగ్‌ హైదరాబాద్‌లో జరుగుతున్న సందర్భంగా కూడా విశాల్ ఒక యాక్షన్ సీక్వెన్స్ షూట్‌ చేస్తుండంగా గాయపడ్డ విషయం తెలిసిందే. ఆ సమయంలో ఆయన చేతికి, చేతి వేళ్లకు గాయాలు అయ్యాయి. వెంటనే షూటింగ్‌ ఆపేసి కేరళ వెళ్లి చికిత్స తీసుకుని కోలుకున్నారు. గాయాలు నయం అయిన తర్వాత.. తిరిగి షూటింగ్‌ ప్రారంభించిన విశాల్ మరోసారి ప్రమాదానికి గురయ్యారు. ఈ సారి ప్రమాదం కొంచెం తీవ్రస్థాయిలో జరిగినట్లు సమాచారం. దీంతో సినిమా షూటింగ్‌ను వెంటనే నిలిపివేశారు.
గతంలో చాలా సార్లు విశాల్ ఇలా షూటింగ్‌లలో గాయపడినా ఈ సారి ప్రమాద తీవ్రత ఎక్కువగా ఉన్నట్లు సమాచారం. విషయం తెలుసుకున్న ఆయన అభిమానులు ఇప్పటికైన విశాల్ ఎక్కువగా రిస్క్‌ తీసుకోవద్దని కోరుతున్నారు. అతను త్వరగా కోలుకోవాలని ప్రార్థిస్తున్నారు. కాగా గతంలో ప్రమాదం జరిగిన తర్వాత సోషల్‌ మీడియాలో స్పందించి అభిమానులకు కాస్త ఉపశమనం కల్పించే విశాల్. ఈ ప్రమాదం తర్వాత ఇంకా స్పందించలేదు. మరి ఈ విషయంలో మీ అభిప్రాయాలను కామెంట్ల రూపంలో తెలియజేయండి.
Actor @VishalKOfficial once again got injured on the sets of #Laththi .
The Night Shoot was cancelled as #Vishal got a leg injury during shoot of climax fight sequence happening at chennai. The shoot will resume once the actor recovers. pic.twitter.com/xnPAx8THHW
— Sreedhar Pillai (@sri50) July 3, 2022
