తను ప్రవర్తించిన తీరు చాలా దారుణం!.. విశాల్ పొగరుపై అబ్బాస్ షాకింగ్ కామెంట్స్!

అబ్బాస్.. పరిచయం అక్కర్లేని పేరు. అప్పట్లో వచ్చిన ప్రేమదేశం చిత్రంతో సంచలనం సృష్టించాడు. ఈ  సినిమాకైతే ఈనాటికీ కూడా సపరేట్ ఫ్యాన్ బేస్ ఉంది. అబ్బాస్ హెయిర్ స్టైల్ అంటే అప్పట్లో ఒక ట్రెండ్. మొదటి సినిమాతోనే నేషనల్ లెవల్లో గుర్తింపు వచ్చింది. ఎక్కడ చూసినా ప్రేమదేశం పాటలే. ఇందులోని పాటలు ఎప్పటికీ ఎవర్ గ్రీన్. ముఖ్యంగా ముస్తప్పా ముస్తప్పా, నను నేనె మరచిన నీతోడు, వంటి సాంగ్స్ ఇప్పటికీ జనాల మదిలో మెదులుతూ ఉంటాయి. ఆ సినిమాతో వచ్చిన క్రేజ్ మిగతా సినిమాల మీద అంతగా ప్రభావం చూపలేకపోయింది. ఆ తర్వాత అడపదడప మూవీస్ చేస్తూ.. వచ్చాడు అబ్బాస్. కానీ.. తరువాత కాలంలో అవకాశాలు రాకపోవడంతో సినీ పరిశ్రమకు పూర్తిగా దూరమయ్యాడు. తన ఫ్యామీలితో న్యూజిలాండ్ వెళ్లి.. అక్కడే పెట్రోల్ బంకులో పనిచేసి తన కుటుంబాన్ని పోషించాడు. ఇప్పుడు టాక్సీ నడుపుతూ.. తన జీవితాన్ని కొనసాగిస్తున్నాడు. తాజాగా ఇండియాకు వచ్చిన అబ్బాస్ ఓ ఇంటర్వ్యూలో పాల్గోని తమిళ హీరో విశాల్ గురించి కొన్ని ఆసక్తికర విషయాలను చెప్పుకొచ్చాడు.

విశాల్ గురించి మాట్లాడుతూ..” చాలా సంవత్సరాల క్రితం సెలబ్రిటీ క్రికెట్ లీగ్‌‌లో నాకు విశాల్‌‌కు చిన్న గొడవ జరిగింది. నా పట్ల తను దురుసుగా ప్రవర్తించాడు. నాకది అస్సలు నచ్చలేదు. సెలబ్రిటీ క్రికెట్ లీగ్‌‌  అనేది స్నేహ భావాన్ని పెంపోందించేలా ఉండాలనే ఉద్దేశంతో చేపట్టారు. కానీ.. అందులోనే మా మధ్య గొడవ జరగడం నాకు చాలా బాధేసింది. నా గురించి తప్పుడు ప్రచారం చేస్తూ.. గ్రౌండ్‌‌లో నన్ను ఏదో ఒకటి అంటూ.. నన్ను రెచ్చగొట్టే ప్రయత్నం చేసేవాడు. కానీ.. నేను మాత్రం అతడితో స్నేహంగానే ఉన్నాను. కానీ.. తను నన్ను అర్థం చేసుకోలేదు. ఎప్పటికైనా నాతో స్నేహ పూర్వకంగా మాట్లాడకపోడా అనుకున్నాను కానీ.. అది ఇప్పటివరకు జరగలేదు. సినిమా పరిశ్రమ అనేది మా కుటుంబం.. అందులో గొడవలు రావడం, మళ్ళీ కలుసుకోవడం జరుగుతూనే ఉంటుంది. ఇక విశాల్ ఎప్పుడైనా కనిపిస్తే హాయ్, హలో తప్పా మా మధ్య ఎలాంటి మాటలుండవు” అంటూ అబ్బాస్ చెప్పుకొచ్చాడు.

ఎంతో మంది సినీ సెలబ్రిటీలు అనుకున్న స్థాయి గుర్తింపు రాక సినిమాలకు దూరమవుతూ ఉంటారు. మరి కొందరికి అవకాశాలు లభించక బిజినెస్, కిరాణం కొట్టు, మార్కెటింగ్ వంటి ఇతర రంగాల్లో తమ జీవితాలను కొనసాగిస్తుంటారు. సినిమా అనేది రంగుల ప్రపంచం ఇక్కడ సంతోషాలు ఉంటాయి, బాధలు ఉంటాయి. అవకాశాలు కోసం ఎంతో మంది కళ్లు కాయలు కాసేలా ఎదురుచూస్తుంటారు. అవకాశం వచ్చినా.. దాన్ని నిలబెట్టుకోలేక కొందరు ఇండస్ట్రీకి పూర్తిగా దూరమవుతుంటారు. అబ్బాస్ కుడా ప్రస్తుతం ఇలాంటి కోవకే చెందుతాడు.