follow us:
వేడుక ఏదైనా ప్రస్తుతం ఫోటో షూట్లదే హవా. గతంలో మెచ్యూర్ ఫంక్షన్లు, పెళ్లికి మాత్రమే ఫోటోలు దిగేవారు. కానీ ఇప్పుడు పుట్టిన బేబీకో ఫోటో షూట్, పుట్టిన రోజు వేడుకలు, పెళ్లి, ఓణీల ఫంక్షన్, మెటర్నటీ షూట్ అంటూ వచ్చేశాయి. వీటి కోసం ప్రత్యేకంగా ఫోటోగ్రాఫర్లను తీసుకు వస్తున్నారు. వీరికి లక్షల్లో డబ్బులు ఇస్తున్నారు. మరీ సెలబ్రిటీల సంగతి చెప్పనక్కర్లేదు
వేడుక ఏదైనా ప్రస్తుతం ఫోటో షూట్లదే హవా. గతంలో మెచ్యూర్ ఫంక్షన్లు, పెళ్లికి మాత్రమే ఫోటోలు దిగేవారు. కానీ ఇప్పుడు పుట్టిన బేబీకో ఫోటో షూట్, పుట్టిన రోజు వేడుకలు, పెళ్లి, ఓణీల ఫంక్షన్, మెటర్నటీ షూట్ అంటూ వచ్చేశాయి. వీటి కోసం ప్రత్యేకంగా ఫోటోగ్రాఫర్లను తీసుకు వస్తున్నారు. వీరికి లక్షల్లో డబ్బులు ఇస్తున్నారు. అంతేకాకుండా ఫోటోలకు ఎలా ఫోజులివ్వాలి, లోకేషన్లు, డ్రస్సులు అన్నీ ఫోటోగ్రాఫర్స్ నిర్దేశించిన ప్రకారమే జరుగుతుంది. సామాన్యులే ఇలా ఉంటే.. మరీ సెలబ్రిటీల సంగతి చెప్పనక్కర్లేదు. ఇటీవల డెస్టినేషన్ వెడ్డింగ్ అంటూ పెళ్లిళ్లు చేసుకుంటున్న సెలబ్రిటీలు.. ప్రెగెన్సీ వచ్చిన విషయాన్ని ఫోటో షూట్ల ద్వారానే వెల్లడిస్తారు. ఇప్పుడు ఓ నటి ఇదే పంథాను అనుసరించింది.
నటి విదిశ శ్రీవాత్సవ మరో నెలలో బిడ్డకు జన్మనివ్వబోతోంది. తాను గర్భవతిని అంటూ బోల్డ్ మెటర్నటీ ఫోటో షూట్లతో అభిమానులకు తెలియజేసింది. జులైలో మొదటి బిడ్డకు జన్మనివ్వబోతోంది ఈ అమ్మడు. నిండు గర్భంతో ఎరుపు, తెలుపు దుస్తుల్లో ఫోటోలకు ఫోజులిచ్చింది. విదిశ తెలుగులో అనేక సినిమాల్లో నటించింది. 2007లో మా ఇద్దరి మధ్య అనే సినిమాతో తెలుగులో నటించిన ఆమె.. ఆ తర్వాత అలా, నరేష్ అత్తిలి సత్తిబాబు, దేవరాయ, జనతా గ్యారేజ్ వంటి చిత్రాల్లో నటించింది. అయితే ఆమెకు తగిన గుర్తింపు రాలేదని చెప్పాలి. 2018లో సాయక్ పాల్ అనే వ్యక్తిని వివాహం చేసుకుంది. తమిళంలో కొన్ని సినిమాల్లో నటించింది. హిందీ సీరియల్స్‌లో నటిస్తోంది.
ప్రస్తుతం భాబీజీ ఘర్ పర్ హై అనే సీరియల్‌లో నటిస్తుంది ఈ భామ. ఈ షూటింగ్ మధ్యలో ఉండగానే ఆమె గర్భవతి అయ్యింది. ఓ ఇంటర్వ్యూలో పాల్గొన్న తన గర్భం ప్లాన్ చేయలేదని ఆమె వెల్లడించింది. ‘దేవుని ప్రణాళికలు ఉత్తమమైనవి. నా భర్త నాకు చాలా మద్దుతుగా నిలుస్తున్నారు. నా డెలివరీ తర్వాత రాంచీ నుండి ముంబైకి మకాం మారతాను. ఈ సీరియల్ మొదలు పెట్టిన 10 నెలలకే నేను గర్భవతినయ్యాను. ఈ వార్త నిర్మాతలకు ఎలా చెప్పాలో తెలియలేదు. ఆశ్చర్యకరంగా వారు నన్ను అభినందించారు. ప్రెగ్నెంట్ గా ఉంటూనే షూటింగ్ లో పాల్గొన్నాను. డెలివరీ తర్వాత చిన్న విరామం తీసుకుని తిరిగి నటిస్తా’అని చెప్పారు. కాగా, భార్యా భర్తలతో ఈ మెటర్నిటీ షూట్‌ను సౌమ్య టాండన్ ఫోటోగ్రాఫర్ తీశారు. కాగా, విదిశ చెల్లే కూడా ప్రముఖ నటే.. ఆమె మరెవ్వరో కాదూ శాన్వీ.
View this post on Instagram
