ఆసక్తిగా వరుణ్ సందేశ్ ఇందువదన మూవీ టీజర్

టాలీవుడ్ హీరో వరుణ్ సందేశ్ చాలా రోజుల తర్వాత మళ్లీ తెరమీదకు వచ్చారు. ఆయన హీరోగా ఫర్నాజ్ శెట్టి హీరోయిన్‌గా నటిస్తున్న చిత్రం ఇందువదన. ఎమ్‌ఎస్‌ఆర్ దర్శకత్వంలో శ్రీ బాలాజీ పిక్చర్స్ బ్యానర్‌పై నైనిష్య & సాత్విక్ స‌మ‌ర్ప‌ణ‌లో మాధవి ఆదుర్తి ఈ సినిమాను నిర్మిస్తున్నారు. ఈ మూవీకి శివ కాకాని సంగీతం అందిస్తున్నారు. ఇక తాజాగా ఈ మూవీ టీజర్‌ను విడుదల చేశారు చిత్ర యూనిట్.

దర్శకేంద్రుడు రాఘవేంద్రరావు చేతుల మీదుగా ఇందువదన టీజర్‌ను విడుదల చేశారు. రోమాంటిక్, సస్సెన్స్‌, థ్రిల్లర్ అంశాలతో దర్శకుడు ఈ సినిమాను తెరకెక్కించినట్లు తెలుస్తోంది. ఈ టీజర్‌లో వరుణ్ సందేశ్ అడవిలో ఉండే పల్లెటూరి లుక్‌లో దర్శనమిస్తున్నాడు. మీసం మెలేసి అచ్చం పల్లె సీమలో ఉన్న కుర్రాడిలా ఉన్నాడు. రోమాన్స్‌, సస్పెన్స్‌తో దర్శకుడు ఈ సినిమాను కొంచెం ఆసక్తిగా తెరకెక్కించినట్లు టీజర్‌ను చూస్తే అర్థమవుతోంది.

ఇక చాలా రోజుల తర్వాత ఓ సినిమా చేస్తున్నాడు హీరో వరుణ్ సందేశ్. గతంలో అనేక సినిమాలో నటించిన వరుణ్ మంచి నటుడిగా గుర్తింపు పొందారు. అయితే ఆయన చాలా రోజుల తర్వాత ఇందువదన సినిమా చేస్తుండటంతో ఈ మూవీపై అంచనాలు పెరిగాయి. ఇక తాజాగా రిలీజ్‌ చేసిన ఈ మూవీ టీజర్‌ ప్రేక్షకులను తెగ ఆకట్టుకుంటోంది.

https://www.youtube.com/watch?v=N1shZL6VnPI&t=57s