వేణు మాధవ్ మరణంపై షాకింగ్ విషయాలు వెల్లడించిన తల్లి!

టాలీవుడ్ చరిత్రలో ఎందరో కమెడియన్ లు ఉన్నారు. కానీ అందులో కొందరు మాత్రమే ప్రేక్షకుల గుండెల్లో స్థానం సంపాదించుకున్నారు. అలా తన కామెడీ ద్వారా ప్రేక్షకుల మనసు దోచుకున్నాడు కమెడియన్ వేణు మాధవ్. ‘నల్ల బాలు నల్ల తాచు లెక్క’ అనే ఒక్క డైలాగ్ తో ఇండస్ట్రీలో తనకంటూ ఓ ప్రత్యేకమైన ఫ్యాన్స్ ను క్రియేట్ చేసుకున్నాడు. అయితే పలు అనారోగ్య కారణాల చేత వేణు మాధవ్ మరణించిన సంగతి మనకు తెలిసిందే. తాజాగా అతడి మరణానికి సంబంధించిన షాకింగ్ నిజాలను బయటపెట్టింది వేణు మాధవ్ తల్లి సావిత్రమ్మ. వేణు మాధవ్ చనిపోయే నాటికి రూ. 20 కోట్ల ఆస్తులు ఉన్నప్పటికీ తాను అద్దె ఇంట్లోనే ఉంటున్నట్లు చెప్పుకొచ్చింది సావిత్రమ్మ.

వేణు మాధవ్.. టాలీవుడ్ టాప్ కమెడియన్లలో ఒకరిగా తెలుగు చలన చిత్ర రంగంలో తనదైన ముద్రవేసుకున్నాడు. మిమిక్రి ఆర్టిస్టుగా తన కెరీర్ ను ప్రారంభించిన వేణు మాధవ్.. తన మార్క్ కామెడితో తనకంటూ ఓ ప్రత్యేక గుర్తింపును తెచ్చుకున్నాడు. స్టార్ హీరోలందరితో కలిసి నటించి మంచి నటుడిగా పేరొందాడు. హీరోగా కూడా పలు సినిమాలు చేసి విజయాలను అందుకున్నాడు వేణు మాధవ్. అయితే అనారోగ్య కారణాలతో వేణు మాధవ్ కొన్ని సంవత్సరాల క్రితం మరణించిన విషయం మనకు తెలిసిందే. తాజాగా వేణు మాధవ్ మరణానికి గల కారణాలను అతడి తల్లి సావిత్రమ్మ తెలిపింది. తాజాగా ఓ యూట్యూబ్ ఛానల్ కు ఇచ్చిన ఇంటర్వ్యూలో వేణు మాధవ్ మరణానికి అసలు కారణాలను వెల్లడించింది.

సావిత్రమ్మ మాట్లాడుతూ..”నా కొడుకు వేణు మాధవ్ చనిపోయే నాటికి రూ. 20 కోట్ల ఆస్తులున్నాయి. అయినప్పటికీ నేను నా మూడో కొడుకు తోనే అద్దె ఇంట్లో ఉంటున్నాను. వేణు సినిమాలతో బిజీగా ఉండటంతో నా ఇద్దరు కొడుకులను వేణుకు అసిస్టెంట్లుగా పెట్టాను. వేణు చనిపోవడంతో వారు ఎదుగు బోదుగు లేకుండా అలాగే ఉండిపోయారు. ఇక వేణు మాధవ్ తన ఆరోగ్యాన్ని తనే పాడు చేసుకున్నాడు. వేణుకు ఓ అలావాటు ఉంది. ఆ అలవాటే వేణు ప్రాణం తీసిందని” భావోద్వేగానికి గురైంది. వేణు మాధవ్ కు చిన్నతనం నుంచి ఎలాంటి జబ్బులు వచ్చినా గానీ మందులు వేసుకునే వాడు కాదని వేణు తల్లి చెప్పుకొచ్చింది. ఈ అలవాటే వేణు మాధవ్ మరణానికి కారణం అయ్యిందని వాపోయింది.

ఈ క్రమంలోనే జాండిస్, డెంగ్యూ లాంటి ఆరోగ్య సమస్యలు వస్తే అతడు నిర్లక్ష్యం చేశాడు. దాంతో పరిస్థితి చేయి దాటిపోయి వేణు మాధవ్ చనిపోయాడని చెప్పుకుంటూ కన్నీరు పెట్టుకుంది సావిత్రమ్మ. ఆ మందులు వేసుకోకపోవడం అనే ఒక్క అలవాటే నా కొడుకు ప్రాణాలు తీసిందని పేర్కొంది. ఇక నా పెద్ద కొడుకు చనిపోయిన 45 రోజులకే వేణు మాధవ్ చనిపోయాడని కన్నీటి పర్యంతం అయ్యింది సావిత్రమ్మ. వేణు చనిపోయే నాటికి రూ. 20 కోట్లకి పైగా ఆస్తులున్నాయని ఆమె చెప్పుకొచ్చారు. వేణుకు ఇద్దరు కొడుకులు ఉన్నారని వారు వారి సొంతింట్లోనే ఉంటున్నారని, నేను మాత్రం మూడో కొడుకుని చూసుకుంటూ.. అద్దె ఇంట్లో ఉంటున్నట్లు ఆమె చెప్పుకొచ్చారు. మరి వేణు మాధవ్ మరణంపై ఆమె తల్లి చెప్పిన మాటలపై మీ అభిప్రాయాలను కామెంట్స్ రూపంలో తెలియజేయండి.