follow us:
మెగా ప్రిన్స్ వరుణ్ తేజ్ హీరోగా కిరణ్ కొర్రపాటి తెరకెక్కించిన సినిమా గని. అల్లు బాబీ కంపెనీ, రెనాయిసెన్స్ పిక్చర్స్ బ్యానర్స్‌పై ఈ సినిమా తెరకెక్కింది. సిద్ధూ ముద్ద, అల్లు బాబీ సంయుక్తంగా నిర్మించిన ఈ సినిమాకు మెగా నిర్మాత అల్లు అరవింద్ సమర్పకుడిగా ఉన్నారు. ఈ సినిమాలోని పాటలకు మంచి రెస్పాన్స్ వచ్చింది. ఈ మధ్యే విడుదలైన రోమియో జూలియట్ పాట సైతం మంచి ప్రేక్షకులను ఉర్రూతలూగిస్తోంది. లెజెండరీ దర్శకుడు శంకర్ కూతురు అతిథి శంకర్ ఈ పాట పాడారు.
ఇప్పటికే విడుదలైన టీజర్‌కు మంచి రెస్పాన్స్ వచ్చింది. ముఖ్యంగా వరుణ్ తేజ్ మేకోవర్ అందరినీ ఆకట్టుకుంటోంది. ఈ సినిమా ఎప్రిల్ 8న థియేటర్లలో విడుదల కానుంది. ఇప్పటికే సెన్సార్ పూర్తి చేసుకున్న ఈ సినిమాకు సెన్సార్ బోర్డు ఒక్క కట్ కూడా లేకుండా U/A సర్టిఫికెట్ ఇచ్చింది. సాయి మంజ్రేకర్ హీరోయిన్‌ గా నటించిన ఈ చిత్రంలో జగపతిబాబు, సునీల్ శెట్టి, ఉపేంద్ర, నవీన్ చంద్ర కీలక పాత్రల్లో నటించారు. కరోనా, రిలీజ్ డేట్ల క్లాష్ కారణంగా వాయిదాలు పడుతూ వచ్చిన ఈ చిత్రం ఎట్టకేలకు విడుదలకు సిద్ధమైపోయింది. గని సినిమాతో వరుణ్ తేజ్ హిట్‌ కొట్టేస్తాడా? మీ అభిప్రాయాలను కామెంట్స్ రూపంలో తెలియజేయండి.
